Rɛvɛleshɔn 19:19 - Krio Fɔs Oli Baybul

¹⁹ Dɛn a si di wayl bif, ɛn dɛn wan we de rul na wɔl wit dɛn soja man. Dɛn bin de gɛda fɔ rɛdi fɔ fɛt di wan we bin sidɔm pan di ɔs ɛn in yon soja man dɛn.

Rɛvɛleshɔn 19:19 Referans Kwoze

Rɛvɛleshɔn 16:16

Dɛn di spirit dɛn we kɔmɔt to Setan gɛda di wan dɛn we de rul na wɔl na da ples we dɛn kɔl “Amagɛdɔn” na Ibru.

Rɛvɛleshɔn 16:14

Dɛn spirit ya kɔmɔt to Setan ɛn dɛn de du plɛnti tin we kin mek pipul wɔnda. Dɛn de go mit ɔl dɛn wan we de rul na di wɔl, ɛn kɔl dɛn fɔ kam gɛda ɛn rɛdi fɔ di wa we go bi da big de we Gɔd, we gɛt pawa pas ɔl, go sho in pawa.

Rɛvɛleshɔn 18:9

Dɛn wan we de rul na dis wɔl we bin dɔn liv fri layf ɛn ɛnjɔy layf wit am go si di smok we de kɔmɔt na di faya we de bɔn am, dɛn dɛn go put dɛn an na dɛn ed, ɛn bɔs kray.

Daniɛl 8:25

Bay in kɔni kɔni, di tɛm we i de na pawa, i go mek pipul dɛn prɔfit pan fɔls layf, ɛn i go de tink nain maynd se in na bigman wit bɔku pawa. Di tɛm we pipul dɛn nɔ de tink am, i go kil bɔku; ɛn i go ivin fɛt di prins we ay pas ɔl di prins dɛn; bɔt i go rich in watalo we nɔto bay mɔtalman an.

Rɛvɛleshɔn 14:9

Wan ɔda enjɛl we mek tri, kam, i bin de ala lawd wan se, “Ɛnibɔdi we de pre to di wayl bif ɛn di tin we dɛn mek fɔ de tek mɛmba ɛn rɛspɛkt am, ɛn we gri mek dɛn put in mak pan in fɔrɛd ɔ pan in an,

Rɛvɛleshɔn 11:7

Wɛn dɛn dɔn tɛl pipul di mɛsej dɔn, di wayl bif we kɔmɔt insay di ol we nɔ gɛt bɔtɔm go kam fɛt dɛn. I go win dɛn ɛn kil dɛn,

Rɛvɛleshɔn 19:21

Dɔn, di sɔd we di pɔsin we bin de rayd di ɔs bin gɛt, nain mɔt, dɛn tek am kil ɔl di ɔda soja man dɛn; dɛn, ɔl dɛn bɔd dɛn kam it dɛn bɔdi; dɛn it te dɛn bɛlful pasmak.