Rɛvɛleshɔn 19:18 - Krio Fɔs Oli Baybul

¹⁸ una kam it dɛn chif, dɛn kapten, ɛn dɛn bigman dɛn bɔdi. Una kam it dɛn ɔs dɛn bɔdi, ɛn dɛn wan we de rayd dɛn, dɛnsɛf yon; una kam it dɛn slev ɛn dɛn fri man dɛn bɔdi ɛn dɛn bigman ɛn dɛn pikin yon.”

Rɛvɛleshɔn 19:18 Referans Kwoze

Rɛvɛleshɔn 6:15

Dɔn, dɛn kiŋ na di wɔl wit ɔl dɛn ɔda rula, dɛn soja man dɛn bɔs, dɛn wan we jɛntri we gɛt pawa, ɛn ɔl dɛn ɔda pipul, slev ɛn fribɔn, dɛn ɔl rɔn go ayd midul dɛn big big ston na dɛn ay il.

Jɛrimaya 34:20

ɛn a go mek dɛn ɛnimi dɛm ɛn dɛn wan dɛm we wan kil dɛm, kapchɔ dɛm. Na dɛn bɔd we de flay ɔp klawd ɛn dɛn animal dɛn go it dɛn dedebɔdi.

Jɛrimaya 19:7

Ɛn na dis ples a go pwɛl Juda ɛn Jerusɛlɛm dɛn plan, ɛn a go mek dɛn pipul dɛn day na wa bifo dɛn ɛnimi dɛm, ɛn na di wan dɛm we de afta dɛn layf, dɛn an. A go gi dɛn dedebɔdi to dɛn bɔd we de flay na di skay ɛn dɛn wayl animal dɛn na wɔl.

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Jɛrimaya 7:33

Ɛn dɛn pipul ya dɛn dedebɔdi dɛm, go bi it fɔ dɛn bɔd dɛn we de flay ɔp di klawd, ɛn fɔ dɛn wayl animal dɛn na wɔl; ɛn nɔbɔdi nɔ go skyad dɛm.

1 Samiɛl 17:46

I tɛl di Filistin se da de de PAPA GƆD go mek i ib am dɔŋ ɛn kɔt in ed. Devid tɛl am se, da de de dɛn yuba dɛn go ɛnjɔy ɔlman na di Filistin ami dɛn dedebɔdi dɔn di wanol wɔl go no se di PAPA GƆD we Izrɛl de wɔship, pawaful.

1 Samiɛl 17:44

I kɔl Devid fɔ go mit am ɛn tɛl am se dɛn yuba go gɛt tin fɔ it wit Devid in bɔdi.

Ditarɔnɔmi 28:26

Na bɔd ɛn animal go it dɛn de dedebɔdi dɛn, ɛn nɔbɔdi nɔ go de fɔ drɛb dɛn.

Rɛvɛleshɔn 13:16

Di sɛkɛn wayl bif fos mek dɛn put mak pan ɔlman, pan dɛn raytan ɛn pan dɛn fɔrɛd; dɛn put mak pan dɛn bigman ɛn dɛn smɔl pikin, dɛn po man ɛn dɛn wan we jɛntri, dɛn slev ɛn dɛn fribɔn.

Lyuk 17:37

Jizɔs in lanin bɔy dɛn aks am se, “Masta, usay dɛn tin ya go bi?” Jizɔs ansa dɛn se, “Ɛni say we bif we dɔn day de, na de yuba dɛn de go gɛda.”

Matyu 24:28

“Ɛni say we bif we dɔn day de, na de yuba dɛn de go gɛda.

Izikɛl 29:5

Ɛn a go trowe yu go na di ples we dray ɛn natin nɔ de, yu ɛn ɔl yu fish na di wata dɛm. Yu go fɔdɔm na di opin fil, ɛn dɛn nɔ go gɛda ɛn bɛr yu. A dɔn gi yu fɔ bi it To di bist dɛn we de na grɔn, ɛn to di bɔd dɛm we de flay.

Izikɛl 39:17

“As fɔ yu, mɔtalman, na dis Papa Gɔd we na Gɔd se: Tɔk to ɔl dɛn kayn bɔd ɛn to ɔl di animal dɛn na bush, ‘gɛda dɛm togɛda ɛn kam, gɛda dɛm kɔmɔt ɔlsay ɛn briŋ dɛn kam na di sakrifishal fist we a de rɛdi fɔ una, wan big big sakrifishal fist na di mawten dɛn na Izrɛl, ɛn una go it flɛsh dɛn ɛn drink blɔd.

Rɛvɛleshɔn 11:18

Dɛn pipul we nɔto yu yon pipul bin vɛks bad pan yu, bɔt di tɛm fɔ mek yu sho se yu vɛks pan dɛn, dɔn rich; na di tɛm dis we yu go jɔj dɛn wan we dɔn day. Na di tɛm dis fɔ gi ɔl dɛn pipul we na yu yon dɛn pe, dat na dɛn prɔfɛt we de wok fɔ yu ɛn ɔl dɛn wan we rɛspɛkt yu, dɛn wan we gɛt pawa ɛn dɛn wan we nɔ gɛt pawa. Di tɛm dɔn rich fɔ kil dɛn wan we bin de pwɛl di wɔl!”

Rɛvɛleshɔn 17:16

Di tɛn ɔn dɛn, ɛn di wayl bif we yu si, nɔ go lɛk di uman we liv fri layf; dɛn go tek ɔl wetin i gɛt kɛr dɛn go, ɛn lɛf am nekɛd; dɛn go it in bif nain bɔdi, dɔn dɛn go bɔn am na faya we i go day insay.

Rɛvɛleshɔn 19:5

Dɛn a yɛri vɔys na di ay chia we kiŋ kin sidɔm fɔ rul. Di vɔys de tɔk se, “Una we wi ɔl de wok fɔ Gɔd, ɛn una ɔl we fred Gɔd, smɔl wan ɔ big wan, ɛn ɔl dɛn bigman, una, lɛ wi ɔl prez wi Gɔd!”