Rɛvɛleshɔn 19:16 - Krio Fɔs Oli Baybul

¹⁶ Wan nem bin rayt pan in klos ɛn pan in lɛg, dat na “Kiŋ we de rul oba ɔl dɛn kiŋ, ɛn Masta oba ɔl dɛn masta.”

Rɛvɛleshɔn 19:16 Referans Kwoze

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Fɔs Lɛta To Timoti 6:15

Gɔd we na di wangren Rula we gɛt prez, di Kiŋ fɔ ɔl dɛn kiŋ, di Masta fɔ ɔl dɛn masta go mek pipul si Krays wɛn di rayt tɛm rich.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Daniɛl 2:47

Di kiŋ tɛl Daniɛl se, “Fɔ tru tru, yu PAPA GƆD na im na di edman pan ɔl dɛn gɔd, ɛn na di big wan pan ɔl dɛn kiŋ, ɛn na im ebul fɔ pul mistri na do, bikɔs yu dɔn ebul pul dis mistri na do.”

Di Sam Dɛm 72:11

Dɛn ɔl ɛn dɛn pipul na di wanol wɔl go kam baw to di Kiŋ ɛn rɛdi fɔ du wetin i want.

Ditarɔnɔmi 10:17

PAPA GƆD we na dɛn PAPA GƆD, na di PAPA GƆD fɔ ɔl ɔda gɔd dɛn, ɛn Lɔd fɔ ɔl dɛn Lɔd dɛn. Na big ɛn wɔndaful PAPA GƆD. I nɔ de tek sayd ɛn nɔbɔdi nɔ ebul brayb am.

Di Sam Dɛm 89:27

I se, in PAPA GƆD, go trit Devid lɛk in fɔs-bɔy-pikin we gɛt ɔlkayn rayt, i go mek am fɔ pas ɔl dɛn ɔda kiŋ na dis wɔl.

Matyu 25:40

Di Kiŋ go se, ‘Ɛnitɛm we una bin du dɛn tin ya fɔ ɛni wan pan dɛn pipul ya we pipul nɔ tek mek natin, we tan lɛkɛ brɔda to mi, na fɔ mi una bin du dɛn.’

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Di Sam Dɛm 136:3

Tɛl di PAPA GƆD we pas ɔl gɔd dɛn tɛnki, in lɔv de de sote go.