Rɛvɛleshɔn 19:11 - Krio Fɔs Oli Baybul

¹¹ Wɛn dat dɔn, na de a si wan domɔt na ɛvin opin, a si wan wayt ɔs tinap de, di pɔsin we bin de rayd am bin nem “Di wan we fit fɔ trɔs ɛn di wan we de tɔk tru”. I de jɔj tret ɔltɛm, ɛn wɛn i de fɛt sɛf na wa, i tret.

Rɛvɛleshɔn 19:11 Referans Kwoze

Di Sam Dɛm 96:13

Dɛn ɔl di pipul go gladi bikɔs PAPA GƆD de kam fɔ jɔj di wɔl. We i de jɔj di wɔl, i go jɔj tret wan dɔn ɔl wetin na tru go kɔmɔt na do.

Rɛvɛleshɔn 6:2

A tɔn luk, na de a si wan wayt ɔs. Di pɔsin we de rayd am, ol wan bo nain an fɔ fɛt, dɛn gi am krawn fɔ wɛr nain ed. I rayd in ɔs go, i dɔn win wan wa ɛn i de go fɔ win ɔda wa dɛn.

Di Sam Dɛm 98:9

Lɛ dɛn ɔl siŋ ɛn go to PAPA GƆD bikɔs i de kam fɔ jɔj di wɔl. I go jɔj di wɔl tret wan, ɛn i go trit ɔlman ikwal.

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Di Sam Dɛm 50:6

Di tin dɛn na ɛvin sɛf de sho se PAPA GƆD raychɔs ɛn nainsɛf de jɔj di pipul.

Jɛrimaya 33:15

Dɛn dez dɛn de ɛn da patikla tɛm de, A go mek wan grup we de waka tret wit mi bɔsawt fɔseka Devid; ɛn i go trit ɔlman di sem ɛn go waka tret na di land.

Ayzaya 32:1

A de tɛl una, wan kiŋ go rul we go waka tret na PAPA GƆD in yay, ɛn bigman dɛn go rul wit jɔstis.

Rɛvɛleshɔn 4:1

Wɛn dat dɔn dɔn a si ɔda tin; a si do opin na ɛvin: a yɛri di vɔys bak we bin sawnd lɛkɛ trɔmpɛt de tɔk to mi. Di vɔys se, “Kam ɔp ya, so dat a kin sho yu dɛn tin we mɔs apin bambay.”

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Ayzaya 45:21

Tɔk ɛn put una kes; lɛ dɛn ɛŋed togɛda! Udat bin tɔk dis lɔntɛm? Udat bin anawns am frɔm di biginin? Nɔto bin Mi, PAPA GƆD? Ɛn nɔn ɔda Gɔd nɔ de apat frɔm mi, Gɔd we de waka tret ɛn we de sev; nɔn ɔda wan nɔ de apat frɔm mi.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Di Sam Dɛm 99:4

Dis kiŋ ya in wok big ɛn i de jɔj tret wan; i dɔn mek lɔ na Izrɛl fɔ sho se ɔlman na wan; ɛn mek dɛn no aw fɔ du tin dɛn we rayt.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Izikɛl 1:1

Di ia we mek tati, insay di nɔmba fo mɔnt ɛn di de we mek fayv, as a bin de wit di wan dɛn we bin de na ɛgzayl, nia Riva Chɛba, di klawd bin opin ɛn a si bɔku vishɔn bɔt PAPA GƆD.

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.

Zɛkaraya 1:8

I se, wande na nɛt, wantɛm wantɛm, in si wan man we bin de rayd rɛd ɔs. Di man bin de midul sɔm bush bush dɛn na di vali; dɔn rɛd, ɛn sɔntin lɛk grin ɛn wayt ɔs dɛn bin de biɛn am.

Ɛksodɔs 15:3

PAPA GƆD na big big fɛtman; in nem na PAPA GƆD.

Jɔn 1:51

Jizɔs tɛl dɛn igen se, “A de tɛl una fɔ tru se: una go si ɛvin opin, una go si Gɔd in enjɛl dɛn de kɔmɔt ɛvin kam dɔŋ to Mɔtalman Pikin ɛn go ɔp bak, dɛn go de go ɔp ɛn dɔŋ.”

Rɛvɛleshɔn 19:19

Dɛn a si di wayl bif, ɛn dɛn wan we de rul na wɔl wit dɛn soja man. Dɛn bin de gɛda fɔ rɛdi fɔ fɛt di wan we bin sidɔm pan di ɔs ɛn in yon soja man dɛn.

Rɛvɛleshɔn 19:21

Dɔn, di sɔd we di pɔsin we bin de rayd di ɔs bin gɛt, nain mɔt, dɛn tek am kil ɔl di ɔda soja man dɛn; dɛn, ɔl dɛn bɔd dɛn kam it dɛn bɔdi; dɛn it te dɛn bɛlful pasmak.