Rɛvɛleshɔn 19:10 - Krio Fɔs Oli Baybul

¹⁰ Dɛn a fɔdɔm na di pɔsin, we de tɔk, in fut fɔ bigin prez am. Na de di pɔsin se, “Grap, nɔ du dat! Misɛf na Gɔd in savant lɛkɛ yu, ɛn misɛf na wan pan yu kɔmpin dɛn we bin biliv di tru wɔd we Jizɔs tɔk! Na Gɔd in fut yu fɔ fɔdɔm fɔ prez am!” Di tru wɔd we Jizɔs tɔk, nain dɛn prɔfɛt dɛnsɛf de tɔk.

Rɛvɛleshɔn 19:10 Referans Kwoze

Jɔn 5:39

Una de luk gud insay di wɔd dɛn we rayt na Gɔd in Buk, bikɔs una min se una go gɛt layf we go de sote go insay dɛn buk de. Bɔt na mi dɛn de tɔk bɔt na Gɔd in Buk.

Di Ibru Pipul Dɛn 1:14

Udat na di enjɛl dɛn? Dɛn na spirit ɛn dɛn na Gɔd in mɛsenja dɛn; na dɛn Gɔd de sɛn fɔ ɛp dɛn pipul we Gɔd go sev.

Rɛvɛleshɔn 4:10

di twɛnti-fo bigman dɛnsɛf kin fɔdɔm bifo di wan we go de sote go, we bin sidɔm pan di ay chia we kiŋ kin sidɔm pan, ɛn dɛn kin bigin prez am; dɛn kin pul dɛn krawn na dɛn ed ib dɛn bifo di ay chia; dɔn dɛn kin siŋ se,

Rɛvɛleshɔn 12:17

Fɔseka dat, di dragɔn bin vɛks pan di uman, so i go fɔ go fɛt in ɔda pikin dɛn, dat na ɔl di wan dɛn we de du wetin Gɔd tɛl dɛn fɔ du, ɛn we biliv di tru tin dɛn we Jizɔs sho dɛn ɛn dɛn de fala dɛn.

Rɛvɛleshɔn 12:11

Wi kɔmpin Kristiɛn dɛn tek di Ship in blɔd ɛn di tru wɔd we dɛn bin de tɛl pipul bɔt Gɔd win am, we i bin de fɛt dɛn; ɛn pantap dat, dɛn gri fɔ wok fɔ Gɔd ɛn day fɔ am.

Jɔn In Fɔs Lɛta 5:10

Ɛni bɔdi we biliv se Jizɔs na Gɔd in Pikin, di tin we Gɔd tɔk de nain at, bɔt if ɛni bɔdi se in nɔ biliv wetin Gɔd tɔk bɔt in Pikin, da pɔsin de de se Gɔd de lay.

Di Ibru Pipul Dɛn 12:25

Na dat mek una fɔ tek tɛm mek una nɔ dɛf una yes we Jizɔs de tɔk to una. Dɛn lɔntɛm pipul nɔ bin gri lisin di pɔsin we bin de tɛl dɛn Gɔd in mɛsej na dis wɔl, so di tin we bin fɔ mit dɛn, mit dɛn, dɛn nɔ ebul pul dɛn ed. If dɛn nɔ ebul pul dɛn ed, aw wi we yɛri di wan insɛf we kɔmɔt ɛvin go pul wi ed, if wi nɔ gri lisin in mɛsej? Di tin we fɔ mit wi mɔs mit wi.

Matyu 4:10

Jizɔs se, “Kɔmɔt biɛn mi, Setan! Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta ɛn pre to am ɛn nain nɔmɔ i fɔ wok fɔ.’”

Ɛksodɔs 34:14

“Una nɔ fɔ wɔship ɛni ɔda gɔd bikɔs mi PAPA GƆD a de Jɛlɔs; mi na jɛlɔs PAPA GƆD.

Rɛvɛleshɔn 14:7

I tɔk lawd wan se, “Una fred Gɔd, ɛn prez am bikɔs i wɔndaful! Di tɛm dɔn kam fɔ mek i jɔj mɔtalman. Una fɔdɔm bifo am ɛn prez am, nain mek ɛvin, nain mek di dray grɔn, di big wata we de rawnd di dray grɔn ɛn dɛn wata we de bɔs na grɔn!”

Rɛvɛleshɔn 15:4

Masta, udat de we nɔ go fred yu? Udat nɔ go gri fɔ tɛl ɔda pipul bɔt yu pawa? Na yu wangren na Gɔd. Ɔl dɛn pipul na ɔl dɛn neshɔn go kam fɔdɔm bifo yu ɛn prez yu, bikɔs ɔlman dɔn si se di jɔj we yu de jɔj, gud.”

Apɔsul Dɛn Wok 10:43

Ɔl dɛn prɔfɛt bin tɔk bɔt Jizɔs se if ɛnibɔdi biliv pan am, Gɔd go padin da pɔsin de fɔ di bad tin dɛn we i du, bay di pawa we de na Jizɔs in nem.”

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Lyuk 24:44

Jizɔs tɛl dɛn se, “Wɛn a bin de wit una, a bin dɔn tɛl una se ɔltin we Mozis ɛn dɛn prɔfɛt bin rayt ɛn ɔl wetin dɛn rayt na di Sambuk bɔt mi, mɔs bi.”

Lyuk 1:19

Di enjɛl ansa se, “A nem Gebrɛl. Na mi tinap bifo Gɔd de sav am ɛn i sɛn mi fɔ kam tɛl yu dis gud nyuz.

Mak 5:22

Wɛn i lib de wan pan di bigman dɛn na di Ju mitin os we bin nem Jayrɔs go to Jizɔs; wɛn i mit am, i nil dɔŋ bifo am.

2 Kiŋ 17:36

I se na PAPA GƆD we pul dɛn kɔmɔt na Ijipt wit in mayti pawa dɛn. I se nain dɛn fɔ wɔship. I se nain dɛn fɔ baw to ɛn ɔfa sakrifays to,

Apɔsul Dɛn Wok 13:27

Dɛn pipul na Jerusɛlɛm ɛn dɛn bigman nɔ bin no se nain de sev wi ɛn dɛn nɔ bin sabi wetin dɛn kin de rid di de fɔ pre ɛn blo, we dɛn prɔfɛt bin dɔn rayt. Bɔt wɛn dɛn kɔndɛm Jizɔs, dɛn mek wetin dɛn prɔfɛt bin dɔn rayt bɔt am kam bi tru.

Daniɛl 7:10

Bɔku faya bin kɔmɔt de kech bifo am; tawzin tawzin pipul bin de wok fɔ am; ɛn tɛn tawzin tayms tɛn tawzin bin de advays am; di kot bin de ɔn ɛn di buk dɛn bin opin.

Di Sam Dɛm 45:11

Na di Kiŋ gɛt yu fayn fayn bɔdi naw; yu fɔ du wetin i se ɔltɛm.

Jɔn In Fɔs Lɛta 5:21

Mi pikin dɛn, una nɔ gɛt natin fɔ du wit dɛn tin we mɔtalman mek fɔ pre to we nɔto di tru Gɔd.

Fɔs Lɛta Fɔ Tɛsalonayka 5:15

Una nɔ fɔ gri mek ɛnibɔdi tɔn bad gi pɔsin we bin dɔn du am bad, bɔt una fɔ de tray ɔltɛm fɔ du gud to una kɔmpin Kristiɛn dɛn ɛn to ɔlman.

Lɛta Fɔ Ɛfisɔs 5:15

Una tek tɛm aw una liv una layf, una nɔ du lɛkɛ dɛn pipul we nɔ gɛt sɛns.

2 Kɔrint 8:7

Ɔltin we una gɛt, plɛnti; ɔl wetin una de du, una de du dɛn gud: una biliv Gɔd gud gud, una ebul tɔk fayn, una sabi plɛnti tin, una want ɛp una kɔmpin bad bad, ɛn una lɛk wi bad. So una fɔ du dis wok ya we una de du wit ɔl una at.

Mak 7:25

Wan uman bin lib de we dɛbul bin de insay in gyal pikin. Wɛn i yɛri bɔt Jizɔs, i go fɔdɔm bifo Jizɔs in fut wantɛm.

Lɛta Fɔ Ɛfisɔs 5:33

Na di sem tin fɔ bi to una: ɛvri man we mared fɔ lɛk in wɛf lɛkɛ aw i lɛk insɛf, ɛn ɔl mared uman fɔ rɛspɛkt in man.

Daniɛl 2:46

Nain kiŋ Nɛbyukadnɛza fɔdɔm na grɔn ɛn sho Daniɛl rɛspɛkt ɛn gi ɔda se mek dɛn mek sakrifays to Daniɛl ɛn bɔn insɛns to am.

Rɛvɛleshɔn 1:1

Insay dis buk dɛn rayt dɛn tin we Jizɔs Krays sho dɛn pipul we de du Gɔd wok. Na Gɔd fɔs sho Jizɔs Krays dɛn tin ya, so dat i kin mek dɛn wan we de du in wok no dɛn tin we mɔs bi. I sɛn in enjɛl go mit Jɔn we bin de wok fɔ am fɔ mek di enjɛl sho Jɔn dɛn tin ya.

Rɛvɛleshɔn 19:9

Di enjɛl tɔk to mi, i se, “Rayt dis tin ya: Blɛsin de pan dɛn wan we dɛn kɔl fɔ go it na di Ship in mared.” I tɛl mi se, “Dɛn wɔd ya na di tru wɔd dɛn we Gɔd tɔk.”