Rɛvɛleshɔn 18:9 - Krio Fɔs Oli Baybul

⁹ Dɛn wan we de rul na dis wɔl we bin dɔn liv fri layf ɛn ɛnjɔy layf wit am go si di smok we de kɔmɔt na di faya we de bɔn am, dɛn dɛn go put dɛn an na dɛn ed, ɛn bɔs kray.

Rɛvɛleshɔn 18:9 Referans Kwoze

Rɛvɛleshɔn 19:3

Dɛn tɔk bak se, “Aliluya, una lɛ wi prez Gɔd, di smok we de kɔmɔt na di faya we de bɔn Babilɔn go de sote go.”

Rɛvɛleshɔn 18:3

Na so i bi, bikɔs ɔl dɛn pipul na ɔl dɛn neshɔn dɔn drink in wayn, dat na di fri layf we dɛn dɔn liv wit am; dɛn wan we de rul na di wɔl dɛnsɛf dɔn liv di sem fri layf wit am, ɛn bikɔs i lɛk fɔ bay plɛnti plɛnti tin dɛn, dɛn wan we de tredin na dis wɔl dɛnsɛf dɔn jɛntri bikɔs i de bay to dɛn.”

Rɛvɛleshɔn 18:18

wɛn dɛn si di smok we bin de kɔmɔt na di faya we bin de bɔn di tɔŋ, dɛn ala se, “Nɔ tɔŋ nɔ de lɛkɛ dis wande!”

Rɛvɛleshɔn 17:2

Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Rɛvɛleshɔn 14:11

Di faya nɔ go tap fɔ mek smok we go de tɔmɛnt dɛn sote go, so dɛn pipul we de pre to di wayl bif ɛn di tin we dɛn mek fɔ tek mɛmba ɛn rɛspɛkt am, ɛn we gɛt in mak nɔ go gɛt blo; de ɛn nɛt, dɛn go de pan tɔmɛnt.”

Rɛvɛleshɔn 18:7

Mek i pɔnish gud fashin ɛn mek in at ebi lɛkɛ aw i bin mek insɛf impɔtant ɛn i bin de ɛnjɔy layf. I de tɔk to insɛf se, ‘Mi na kwin, mi nɔto uman we in man dɔn day; kray nɔ go de na mi yay.’

Jɛrimaya 50:46

Wɛn dɛn go kapchɔ Babilɔn, di wanol wɔl go shek, ɛn ɔl di ɔda neshɔn dɛm go yɛri we i de ala.”

Jɛnɛsis 19:28

I luk dɔŋ na Sɔdɔm ɛn Gomɔra ɛn di vali, ɛn si tik tik smok de kɔmɔt dɔŋ de. Di smok tan lɛkɛ we big big faya de kech.

Jɛrimaya 50:40

PAPA GƆD se lɛk we i nyakanyaka Sɔdɔm ɛn Gɔmɔra ɛn dɛn nɛba dɛm we pipul dɛn nɔ tap de, na so nɔbɔdi nɔ go tap de, ɛn nɔn mɔtalman nɔ go tap de.

Ayzaya 13:19

Babilɔn, we na di kindɔm dɛn glori, Di fayn fayn kɔntri we di Babilonian dɛn de mek mɔt fɔ, go tan lɛk Sɔdɔm ɛn Gɔmɔra we PAPA GƆD dɔn dɛm kpatakpata.

Ditarɔnɔmi 29:23

we sɔlfa ɛn sɔl go mek di ples dɛn we dɛn fɔ plant nɔ gud fɔ plant. I go tan lɛkɛ Sɔdɔm ɛn Gɔmɔra, ɛn lɛkɛ Adma ɛn Zɛboli we PAPA GƆD bin bɔn we i bin vɛks bad bad wan.

Daniɛl 4:14

I ala lawd, lawd wan ɛn se, “kɔt di tik dɔŋ, ɛn kɔt in an dɛn ɔl, pul ɔl di lif dɛn, ɛn skata skata in frut dɛnsɛf; mek di animal dɛn rɔnawe kwik kwik wan kɔmɔt ɔnda di tik ɛn lɛ di bɔd dɛnsɛf flay kɔmɔt pan di an dɛn.

Ayzaya 30:33

Bikɔs ples fɔ bɔn pɔsin bin dɔn rɛdi lɔlɔntɛm. Yɛs, dɛn bin dɔn rɛdi am fɔ di kiŋ. Di say we dɛn mek fɔ bɔn pɔsin, bin dip ɛn wayd, wit faya ɛn wud abɔmpa. Wɛn PAPA GƆD blo wit in mɔt, i go tan lɛk brim ston riva, ɛn nain go layt di faya.

Di Sam Dɛm 58:10

Dɛn wan we de du wetin yu want go gladi bad we PAPA GƆD fɛt fɔ dɛn; wɛn dɛnsɛf go ebul tek di bad man in blɔd fɔ was dɛn fut.

Jɛrimaya 51:8

Wantɛm wantɛm, Babilɔn dɔn fɔdɔm ɛn dɔn brok Una ala fɔ am! Una kɛr mɛrɛsin go fɔ in pen dɛm; sɔntɛm, i go mɛn.

Izikɛl 27:35

Ɔl dɛn wan we tap na dis kos kɔntri dɛm dɔn ful wit fred fɔ yu; ɛn dɛn kiŋ dɛn de fred bad bad dɛn fes dɛn dɔn rampul.

Fɔs Lɛta To Timoti 5:11

Nɔ put dɛn yɔŋ uman we dɛn man dɔn day we nɔ rich siksti ia yet dɛn nem dɔŋ, bikɔs wɛn dɛn want mared bad bad, dɛn kin lɛf fɔ fala Krays,

Rɛvɛleshɔn 2:22

A go mek i sik ledɔm na bed, ɛn a go mek in ɛn dɛn pipul we liv fri layf sɔfa plɛnti if dɛn nɔ lɛf fɔ du dɛn bad tin we dɛn de du.