Rɛvɛleshɔn 18:8 - Krio Fɔs Oli Baybul

⁸ Bikɔs na dat i de mɛmba, di big waala we fɔ mit am go fɔdɔm pan am. Wan gren de, i go sik, in at go ebi, i nɔ go gɛt natin fɔ it, ɛn faya go bɔn am. Bikɔs Gɔd we na wi Masta, gɛt pawa ɛn nain dɔn kɔndɛm am.”

Rɛvɛleshɔn 18:8 Referans Kwoze

Jɛrimaya 50:34

Di wan we kin pe fɔ fri dɛm, traŋa; na PAPA GƆD Ɔlmayti nain nem. I go mɔs tɔk fɔ dɛm, so dat di wanol wɔl go blo, bɔt Babilɔn nɔ go gɛt kolat.

Jɛrimaya 50:31

PAPA GƆD we na wi Gɔd Ɔlmayti se, “A de tɛl yu we de mek prawd, se a de agens yu, bikɔs di tɛm dɔn kam, dat na di tɛm we a go pɔnish yu.

Rɛvɛleshɔn 17:16

Di tɛn ɔn dɛn, ɛn di wayl bif we yu si, nɔ go lɛk di uman we liv fri layf; dɛn go tek ɔl wetin i gɛt kɛr dɛn go, ɛn lɛf am nekɛd; dɛn go it in bif nain bɔdi, dɔn dɛn go bɔn am na faya we i go day insay.

Rɛvɛleshɔn 18:19

Dɛn ib dɔti na dɛn ed bikɔs dɛn at ebi, dɛn ala se, “Oya o! Oya, una fɔ sɔri fɔ da tɔŋ we bin gɛt pawa. Di jɛntri we dis tɔŋ bin jɛntri fɔs tɛm bin mek ɔl dɛn wan we bin gɛt bot we bin de go si fɔ tredin, jɛntri. Bɔt naw, wan awa nɔmɔ, i dɔn pwɛl pata pata.”

1 Kɔrint 10:22

Una want mek Gɔd vɛks pan una? Una tink se una traŋa pas am?

Jɛrimaya 51:58

“Na dis PAPA GƆD Ɔlmayti se: Di brɔd wɔl na Babilɔn, go fɔdɔm flat na grɔn ɛn dɛn go bɔn in ay get dɛm wit faya. Di pipul dɛm de lebɔ fɔ natin, ɛn di neshɔn dɛm taya dɛnsɛf nɔmɔ fɔ faya.

Jɛrimaya 51:6

“Una rɔnawe kɔmɔt Babilɔn, lɛ ɔlman sev inyon layf! Nɔ mek yu sɔfa pan in pɔnishmɛnt, bikɔs dis na di tɛm fɔ PAPA GƆD in rivɛnj we na di pemɛnt we i de gi am.

Rɛvɛleshɔn 19:3

Dɛn tɔk bak se, “Aliluya, una lɛ wi prez Gɔd, di smok we de kɔmɔt na di faya we de bɔn Babilɔn go de sote go.”

Rɛvɛleshɔn 18:17

Na wan awa nɔmɔ ɔl in jɛntri lɔs!” Ɔl dɛn kapten, ɔl dɛn wan we de go ɔp ɛn dɔŋ na dɛn big bot, wit ɔl dɛn siman, ɔl dɛn wan we de go si fɔ tredin, dɛn ɔl tinap fawe;

Rɛvɛleshɔn 17:18

“Di uman we yu si, na da big tɔŋ we gɛt pawa oba dɛn wan we de rul na di wɔl.”

Rɛvɛleshɔn 11:17

Dɛn se, “Masta, yu we na Gɔd, we gɛt pawa pas ɔl, we bin de frɔm tɛm, ɛn we stil de naw! Wi tɛl yu tɛnki bikɔs yu dɔn tek yu pawa we pas ɔl ɛn bigin rul oba di wɔl!

Di Sam Dɛm 62:11

PAPA GƆD se nain gɛt pawa dɔn i tɔk am pas wan tɛm se:

Job 9:19

If na kɔmpitishɔn fɔ udat gɛt trɛnk, nɔbɔdi nɔ pas am! If na fɔ tɔk na kot, udat go sɛn kɔl am?

Ayzaya 27:1

Da tɛm de, PAPA GƆD go tek in pawaful, big ɛn traŋa sɔd pɔnish Lɛviatan, da snek we de rɔnawe, Lɛviatan, da snek we de twis twis, ɛn i go kil di dragɔn we tap na di si.

Ayzaya 9:14

So PAPA GƆD kɔtɔf Izrɛl dɛn lida dɛn ɛn di pipul dɛn, di gud wan dɛn ɛn di bad wan dɛn insay wande–

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.