Rɛvɛleshɔn 18:7 - Krio Fɔs Oli Baybul

⁷ Mek i pɔnish gud fashin ɛn mek in at ebi lɛkɛ aw i bin mek insɛf impɔtant ɛn i bin de ɛnjɔy layf. I de tɔk to insɛf se, ‘Mi na kwin, mi nɔto uman we in man dɔn day; kray nɔ go de na mi yay.’

Rɛvɛleshɔn 18:7 Referans Kwoze

Zɛfinaya 2:15

Na di ples dis we bin de kak ɛn tink se i sɛf ɛn nɔbɔdi nɔ go ebul am. I de blɔf se nɔbɔdi nɔ go tan lɛk am. I nɔ fit fɔ natin igen, bush sɛf tɛl lay! Ɛnibɔdi we de pas usay i de go jɛs sɔktit.

Lamɛnteshɔn 1:1

Eya, luk we Jerusɛlɛm ɛmti; ples we plɛnti pipul bin de. I dɔn tɔn lɛk uman we in man dɔn day; Ples we di wanol wɔl bin rɛspɛkt! Di siti we dɛn bin es ɔp pas ɔl, dɔn tɔn slev.

Jɛrimaya 13:18

Tɛl di kiŋ ɛn di kwin mami se; “Una de wit di ɔdinari pipul dɛm, bikɔs una fayn fayn krawn dɔn kɔmɔt na una ed.”

Di Sam Dɛm 45:9

Uman dɛn we na kiŋ pikin dɛn rɛdi fɔ wok fɔ yu; Na yu raytan, na de yu yawo de i drɛs wit di bɛst gold we kɔmɔt na Ofir.

Di Sam Dɛm 10:6

I de tɛl insɛf se natin nɔ de na di wɔl we de shek am. I gladi bikɔs ɔltin fayn fɔ am.

Obadaya 1:3

I se di kak we una de kak se nɔbɔdi nɔ ebul una, dɔn mek una ful. Una fil se bikɔs una get ay ay wɔl oba una ed, nɔbɔdi nɔ go ebul una,

Fɔs Lɛta To Timoti 5:11

Nɔ put dɛn yɔŋ uman we dɛn man dɔn day we nɔ rich siksti ia yet dɛn nem dɔŋ, bikɔs wɛn dɛn want mared bad bad, dɛn kin lɛf fɔ fala Krays,

Rɛvɛleshɔn 18:3

Na so i bi, bikɔs ɔl dɛn pipul na ɔl dɛn neshɔn dɔn drink in wayn, dat na di fri layf we dɛn dɔn liv wit am; dɛn wan we de rul na di wɔl dɛnsɛf dɔn liv di sem fri layf wit am, ɛn bikɔs i lɛk fɔ bay plɛnti plɛnti tin dɛn, dɛn wan we de tredin na dis wɔl dɛnsɛf dɔn jɛntri bikɔs i de bay to dɛn.”

Rɛvɛleshɔn 18:9

Dɛn wan we de rul na dis wɔl we bin dɔn liv fri layf ɛn ɛnjɔy layf wit am go si di smok we de kɔmɔt na di faya we de bɔn am, dɛn dɛn go put dɛn an na dɛn ed, ɛn bɔs kray.

Ɛsta 6:10

So di kiŋ tɛl Eman, lɛ i mekes tek di klos dɛn ɛn di ɔs ɛn du wetin i se to Mɔdikay we na di Ju we kin de sidɔm na di kiŋ in get. I se Eman fɔ du ɔl wetin i se. I nɔ fɔ lɛf natin pan wetin i se.

Izikɛl 23:34

yu go drink am, ɛn dɔn ɔltin, ɛn yu go jɔg jɔg yu ia, ɛn chɛr chɛr yu bɔbi dɛm Papa Gɔd we na Gɔd se, bikɔs na mi dɔn tɔk am.