Rɛvɛleshɔn 18:6 - Krio Fɔs Oli Baybul

⁶ Lɛ di bad we i dɔn du tɔn pan am. Mek i sɔfa tu tɛm pas di sɔfa we i mek ɔda pipul sɔfa; da kɔp we i kin tek gi pipul in wayn fɔ drink, ful am wit wayn we trɔŋ pas in yon wayn, ɛn gi am mek i drink.

Rɛvɛleshɔn 18:6 Referans Kwoze

Jɛrimaya 50:29

“Una kɔl di man dɛn we de shut bo ɛn aro fɔ go atak Babilɔn. Una sɔrawnd am ɔlɔbɔt; lɛ nɔn pan dɛm nɔ ɛskep. Una pe am akɔdin to in wok, una du am ɔl wetin in dɔn du ɔda pipul; bikɔs i dɔn mek prawd ɛn nɔ du wetin PAPA GƆD we na di Oli wan na Izrɛl, se fɔ du.

Di Sam Dɛm 137:8

E Babilɔn! Yu dɔn alaki! Di wan we go pe yu bak fɔ wetin yu du wi, gɛt blɛsin!

Jɛrimaya 50:15

Una siŋ rawnd am ɔlɔbɔt, i dɔn sɔrɛnda; di tin dɛn we i bin de tek protɛkt insɛf, dɔn fɔdɔm in protɛkshɔn dɛm dɔn fɔdɔm kan dɔŋ, bikɔs dis na PAPA GƆD in pe: tɔn am gi am, mek yu du am wetin i bin yu.

Rɛvɛleshɔn 16:19

Di big tɔŋ brok, i sheb tri say, ɛn dɛn tɔŋ ɔlɔbɔt na wɔl pwɛl. Gɔd nɔ fɔgɛt di big tɔŋ we dɛn kɔl Babilɔn, i mek di pipul dɛn drink di bita wayn we i mek fɔ dɛn, dat na di pɔnish we i de pɔnish dɛn fɔ ɔl di bad tin we dɛn du.

Rɛvɛleshɔn 14:10

insɛf go drink Gɔd in yon wayn, dat na di pɔnish we i go pɔnish bikɔs Gɔd vɛks pan am, da pɔnishmɛnt de tan lɛkɛ bita wayn we nɔ miks wit wata we i gɛt fɔ drink. Ɔl dɛn pipul we de du dɛn tin ya go pɔnish bifo Gɔd in enjɛl dɛn ɛn Gɔd in Ship insay faya we sɔlfa de bɔn.

Jɛrimaya 51:24

PAPA GƆD se, “A go pe Babilɔn ɛn ɔl udat tap na Babilɔn bifo una yay, fɔ ɔl di bad bad tin dɛm we dɛn dɔn du Jerusɛlɛm.

Rɛvɛleshɔn 17:4

Di uman bin wɛr rɛd klos we dia, ɛn i bin drɛs fayn wit plɛnti gold tin, dɛn shayn shayn ston ɛn fayn fayn bid. I bin ol wan gold kɔp nain an, we bin ful wit dɛn dɔti dɔti dɔti tin we in fri layf briŋ.

Zɛkaraya 9:12

I se, dɛn fɔ gɛt op ɛn go bak to di ples we dɛn go sef. I se, da de de, in wan mek dɛn no se i go gi dɔbul wan fɔ ɔl wetin dɛn dɔn lɔs.

Jɛrimaya 17:18

Le dɛn wan dɛm we du mi bad, shem, bɔt nɔ mek a shem; le dɛn kɔnfyus; bɔt nɔ mek a kɔnfyus; lɛ di de fɔ ivul kam pan dɛm; ɛn nyakanyaka dɛn dɔbul!

Jɛrimaya 16:18

Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

Sɛkɛn Lɛta To Timoti 4:14

Alɛgzanda we na blaksmit du mi bad bad tin. Gɔd go pe am fɔ wetin i du.

Jɛrimaya 51:49

Babilɔn go mɔs fɔdɔm fɔseka di Izrɛlayt dɛn we dɛn dɔn kil, lɛ fɔseka di pipul we, dɛn dɔn kil pipul ɔlɔbɔt na di wɔl.

Rɛvɛleshɔn 17:2

Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”

Rɛvɛleshɔn 13:10

Ɛnibɔdi we Gɔd dɔn mak se dɛn fɔ kech, dɛn go kech am paopa; ɛnibɔdi we Gɔd dɔn mak se dɛn fɔ chuk ɛn kil, na chuk dɛn go chuk ɛn kil am. Na dat mek Gɔd in pipul dɛn fɔ tinap traŋa ɛn dɛn nɔ fɔ lɛf fɔ biliv pan Gɔd.”

Ayzaya 40:2

Tɔk saful saful to Jerusɛlɛm, ɛn tɛl am se in wa dɔn dɔn, dɛn dɔn padin in sin, se i dɔn gɛt dɔbul pɔnishmɛnt na PAPA GƆD in an fɔ ɔl in sin dɛm.

Ayzaya 61:7

Bifo una shem, na dɔbul blɛsin una go gɛt, Bifo una disgres, na gladi una go jɛs de gladi; gladi pan wetin na dɛn yon; fɔseka dat, na dɔbul blɛsin una go gɛt na una land ɛn una gladi go de sote go.

Di Sam Dɛm 28:4

Na lɛf dɛn fɔ go fri. Mek di bad we dɛn de du fala dɛn; pe dɛn fɔ di bad tin dɛn we dɛn dɔn du ɛn lɛ dɛn gɛt wetin dɛn wok fɔ.

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Lamɛnteshɔn 3:64

“Duya PAPA GƆD, pɔnish dɛn bay di kayn bad tin we dɛn dɔn du.