Rɛvɛleshɔn 18:5 - Krio Fɔs Oli Baybul

⁵ Una fɔ no se Gɔd nɔ fɔgɛt di bad bad tin dɛn we i dɔn du, we dɔn payl te dɛn dɔn rich ɔp na ɛvin.

Rɛvɛleshɔn 18:5 Referans Kwoze

Ɛzra 9:6

A pre se, “E mi GƆD, a de shem pan yu. A nɔ fit fɔ luk ɔp usay yu de bikɔs wi sin bɔku. I ay pas wi ed te rich ɔp usay yu de.

Rɛvɛleshɔn 16:19

Di big tɔŋ brok, i sheb tri say, ɛn dɛn tɔŋ ɔlɔbɔt na wɔl pwɛl. Gɔd nɔ fɔgɛt di big tɔŋ we dɛn kɔl Babilɔn, i mek di pipul dɛn drink di bita wayn we i mek fɔ dɛn, dat na di pɔnish we i de pɔnish dɛn fɔ ɔl di bad tin we dɛn du.

Jɛrimaya 51:9

Wi bin fɔ dɔn mɛn Babilɔn, bɔt i nɔ tek mɛn. Fɔsek am, lɛ wi ɔl go na wi difrɛn kɔntri dɛm; bikɔs in jɔjmɛnt dɔn rich ɔp na ɛvin ɛn dɔn rich di skay.

Jona 1:2

“Grap go na da big siti we nem Ninivɛ, ɛn wɔn dɛn se a dɔn yɛri ɔltin bɔt di bad we dɛn de du.”

2 Kronikuls 28:9

Bɔt wan pan PAPA GƆD in prɔfɛt dɛm we nem Odɛd, bin de de; i gi go mit di ami man dɛm we kam Sameria ɛn tɛl dɛn se, “A de tɛl una, na we PAPA GƆD we na una fɔstɛmpapa dɛn Gɔd vɛks pan Juda, mek i put dɛm na una an, bɔt una dɔn kil dɛm wit pasmak wamat we mek kɔmplen dɔn rich ɛvin.