Rɛvɛleshɔn 18:23 - Krio Fɔs Oli Baybul

²³ lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”

Rɛvɛleshɔn 18:23 Referans Kwoze

Rɛvɛleshɔn 18:3

Na so i bi, bikɔs ɔl dɛn pipul na ɔl dɛn neshɔn dɔn drink in wayn, dat na di fri layf we dɛn dɔn liv wit am; dɛn wan we de rul na di wɔl dɛnsɛf dɔn liv di sem fri layf wit am, ɛn bikɔs i lɛk fɔ bay plɛnti plɛnti tin dɛn, dɛn wan we de tredin na dis wɔl dɛnsɛf dɔn jɛntri bikɔs i de bay to dɛn.”

Ayzaya 23:8

Udat plan ɔl dis agens Tay, we na di wan we de gi krawn dɛn, we in biznɛs man dɛn ɔl na kɔpɔ man dɛn, we nain treda dɛn, na di treda dɛn we dɛn rɛspɛkt pas ɔl na di wanol wɔl?

Neum 3:4

Na ɔl di rare layf we Ninivɛ bin de pan dɛn de pe fɔ so, i kin tek kɔni kɔni drɔ pipul atɛnshɔn, dɔn i lɛf dɛn na spes wit di sem kayn layf.

Jɛrimaya 7:34

Ɛn a go mek gladi gladi ɛn ɛnjɔymɛnt, ɛn ɔkɔ ɛn yawo vɔys, lɔs na di siti dɛn na Juda ɛn di trit dɛm na Jerusɛlɛm, bikɔs di land nɔ go gud fɔ natin.

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Jɛrimaya 16:9

Bikɔs na dis PAPA GƆD Ɔlmayti we na Izrɛl dɛn Gɔd se; A de tɛl una, a go mek gladi gladi tap na ya, bifo una yay ɛn nainsay una yon tɛm. Laf laf ɛn gladi gladi go tap; ɔkɔ in vɔys ɛn yawo in vɔys go tap na di ples.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Rɛvɛleshɔn 18:22

Insay da tɔŋ de, pipul nɔ go yɛri ɛnibɔdi de ple ap igen, dɛn nɔ go yɛri pɔsin de ple flut ɔ blo trɔmpɛt igen, dɛn nɔ go yɛri pipul de siŋ igen; ɔl dɛn pipul we de du ɔl kayn tin wit dɛn an, lɛkɛ dɛn wan we de mek dɛn pɔt ɛn dɛn fita dɛn so, nɔ go wok insay de igen. Nɔbɔdi nɔ go yɛri pɔsin de bit kɔn de igen;

Rɛvɛleshɔn 18:9

Dɛn wan we de rul na dis wɔl we bin dɔn liv fri layf ɛn ɛnjɔy layf wit am go si di smok we de kɔmɔt na di faya we de bɔn am, dɛn dɛn go put dɛn an na dɛn ed, ɛn bɔs kray.

Rɛvɛleshɔn 17:5

Wan nem we gɛt sikrit minin bin rayt pan in fɔrɛd, we se “Babilɔn we ɔlman no, we de bɔn ɔl dɛn pipul we liv fri layf, ɛn we de du ɔl dɛn tin we mɔtalman nɔ fɔ du wit in kɔmpin mɔtalman.”

Rɛvɛleshɔn 17:2

Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”

Prɔvabs 24:20

bikɔs nɔn bɛtɛ tin nɔ de fɔ am tumara, i go day.

Job 21:17

Ɔmɔs tɛm yu dɔn yɛri se wikɛd pɔsin jɛs day so? Ɔ wahala mit dɛn? Ɔ PAPA GƆD vɛks pɔnish wikɛd pɔsin?

2 Kiŋ 9:22

Wɛn Joram si Jeu i aks am aw i si am so, if na pis i kam fɔ. Jeu ansa am se uskayn pis we na soso wich ɛn lay lay gɔd wɔship in mama Jɛzibɛl de pan.

Rɛvɛleshɔn 22:5

Nɛt nɔ go de na da tɔŋ de; pipul nɔ go nid lamp ɛn di san in layt igen, bikɔs Gɔd we na wi Masta nainsɛf go bi di layt we go layt di tɔŋ. Ɛn di pipul dɛn we de na ɛvin go rul lɛkɛ kiŋ sote go.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Apɔsul Dɛn Wok 8:11

I bin dɔn te we Saymɔn de mek pipul wɔnda pan di majik we i de ple.

Ayzaya 47:9

Dɛn tu tin ya go apin to yu di sem tɛm, di sem de; yu pikin dɛn go day ɛn yu man go day ɛn i go fɔdɔm pan yu ebi ebi wan, pan ɔl yu bɔku bɔku wich we yu de wich, ɛn di bɔku pawa we yu gɛt pan yu majik.

Jɛrimaya 25:10

Pantap dat, a go mek ɛnjɔymɛnt ɛn gladi gladi nɔ de na dɛn layf. Dɛn nɔ go gɛt fɔ yɛri ɔkɔ ɛn yawo vɔys, dɛn nɔ go yɛri di grenin ston in sawnd ɛn na dak dɛn go de.

Rɛvɛleshɔn 6:15

Dɔn, dɛn kiŋ na di wɔl wit ɔl dɛn ɔda rula, dɛn soja man dɛn bɔs, dɛn wan we jɛntri we gɛt pawa, ɛn ɔl dɛn ɔda pipul, slev ɛn fribɔn, dɛn ɔl rɔn go ayd midul dɛn big big ston na dɛn ay il.

Rɛvɛleshɔn 9:21

Dɛn pipul ya nɔ bin sɔri fɔ wetin dɛn bin de du ɛn lɛf fɔ du dɛn, dat na di kil we dɛn bin de kil pipul, di wich we dɛn bin de wich, di fri layf we dɛn bin liv ɛn di tif we dɛn bin de tif.