Rɛvɛleshɔn 18:22 - Krio Fɔs Oli Baybul

²² Insay da tɔŋ de, pipul nɔ go yɛri ɛnibɔdi de ple ap igen, dɛn nɔ go yɛri pɔsin de ple flut ɔ blo trɔmpɛt igen, dɛn nɔ go yɛri pipul de siŋ igen; ɔl dɛn pipul we de du ɔl kayn tin wit dɛn an, lɛkɛ dɛn wan we de mek dɛn pɔt ɛn dɛn fita dɛn so, nɔ go wok insay de igen. Nɔbɔdi nɔ go yɛri pɔsin de bit kɔn de igen;

Rɛvɛleshɔn 18:22 Referans Kwoze

Izikɛl 26:13

ɛn a go tap di myuzik we una siŋ dɛn gɛt, ɛn dɔn nɔ go yɛri igen igen di sawnd we una laya dɛn de mek.

Jɛrimaya 25:10

Pantap dat, a go mek ɛnjɔymɛnt ɛn gladi gladi nɔ de na dɛn layf. Dɛn nɔ go gɛt fɔ yɛri ɔkɔ ɛn yawo vɔys, dɛn nɔ go yɛri di grenin ston in sawnd ɛn na dak dɛn go de.

Jɛrimaya 16:9

Bikɔs na dis PAPA GƆD Ɔlmayti we na Izrɛl dɛn Gɔd se; A de tɛl una, a go mek gladi gladi tap na ya, bifo una yay ɛn nainsay una yon tɛm. Laf laf ɛn gladi gladi go tap; ɔkɔ in vɔys ɛn yawo in vɔys go tap na di ples.

Jɛrimaya 7:34

Ɛn a go mek gladi gladi ɛn ɛnjɔymɛnt, ɛn ɔkɔ ɛn yawo vɔys, lɔs na di siti dɛn na Juda ɛn di trit dɛm na Jerusɛlɛm, bikɔs di land nɔ go gud fɔ natin.

Ɛkliziastis 12:4

we di domɔt dɛn we fɔ pas go na trit dɔn lɔk, ɛn bɛtɛ sawnd nɔ de kɔmɔt igen we i de gren, we bɔd sɛf siŋ i de wek, ɛn di gyal pikin dɛn fɔ siŋ, dɔn lo;

Jɛrimaya 33:11

pipul dɛn de ɛnjɔy ɛn gladi gladi; ɔkɔ ɛn yawo go gladi gladi, yu go yɛri dɛn wan dɛm we de siŋ dɛn vɔys, we dɛn de briŋ tɛl Gɔd tɛnki ɔfrin dɛm kam na PAPA GƆD in os: ‘Tɛl PAPA GƆD Ɔlmayti tɛnki, bikɔs PAPA GƆD gud, bikɔs in lɔv we nɔ de chenj go de sote go!’ Bikɔs a go gi di land in jɛntri bak lɛk aw i bin de fɔstɛm. Na so PAPA GƆD se.

Ayzaya 23:12

Ɛn i tɔk se: “Yu nɔ go bɛtɛ igen, yu we na Saydɔn in gyal pikin we na vajin, we dɛn de sɔprɛs; i lɛk yu grap go oba Sayprɔs, de sɛf yu nɔ go gɛt alafia.”

Matyu 9:23

Wɛn Jizɔs go na di Ju bigman in os, i si ɔl di pipul dɛn we go fɔ ple flut na di bɛrin ɛn ɔlman bin de kray, so nɔys bin de ɔlɔbɔt.

Job 3:7

Lɛ ɔda pɔsin nɔ bɔn da sem de de; lɛ dɛn nɔ gi ɛnibɔdi jɔy da de de.