Rɛvɛleshɔn 18:2 - Krio Fɔs Oli Baybul

² I ala lawd wan se, “Babilɔn, da tɔŋ we ɔlman no, dɔn pwɛl, i dɔn pwɛl pata pata; na ɔl kayn bad spirit tap de naw, ɔl dɛn wan we kɔmɔt to Setan; dɛn bad bɔd we pipul nɔ lɛk na dɛn dɔn go gɛda de.

Rɛvɛleshɔn 18:2 Referans Kwoze

Rɛvɛleshɔn 14:8

Wan ɔda enjɛl bin de fala di fɔs wande tɔk se, “Babilɔn dɔn pwɛl! Da big tɔŋ, Babilɔn, dɔn pwɛl! Nain bin de gi ɔlman in wayn fɔ drink; da wayn de na di fri layf we pipul dɛn bin de pan, ɛn we kin mek dɛn du ɛni bad tin we dɛn at gi dɛn fɔ du.”

Jɛrimaya 51:37

ɛn Babilɔn go tɔn ruin payl, we dɛn Jakal dɛn go de ɔltɛm, ples we pipul go fred ɛn de sɔktit, ɛn we nɔbɔdi nɔ tap.

Jɛrimaya 51:8

Wantɛm wantɛm, Babilɔn dɔn fɔdɔm ɛn dɔn brok Una ala fɔ am! Una kɛr mɛrɛsin go fɔ in pen dɛm; sɔntɛm, i go mɛn.

Rɛvɛleshɔn 18:21

Wɛn dat dɔn, wan enjɛl we gɛt plɛnti pawa pik wan big big ston lɛkɛ pɛpɛ ston ib am insay di wata, i se, “Na semwe so dɛn go ib da big tɔŋ we nem Babilɔn dɔŋ ɛn brok am, ɛn nɔbɔdi nɔ go si am igen.

Rɛvɛleshɔn 18:10

Dɛn go fred wɛn dɛn si di big waala we mit di tɔŋ, dɛn go tinap fawe, de tɔk se, “Oya, da big tɔŋ, Babilɔn, we bin gɛt pawa, dɔn pwɛl; na wan awa nɔmɔ i tek fɔ bɔn kam dɔŋ na grɔn.”

Rɛvɛleshɔn 17:18

“Di uman we yu si, na da big tɔŋ we gɛt pawa oba dɛn wan we de rul na di wɔl.”

Rɛvɛleshɔn 17:5

Wan nem we gɛt sikrit minin bin rayt pan in fɔrɛd, we se “Babilɔn we ɔlman no, we de bɔn ɔl dɛn pipul we liv fri layf, ɛn we de du ɔl dɛn tin we mɔtalman nɔ fɔ du wit in kɔmpin mɔtalman.”

Rɛvɛleshɔn 16:19

Di big tɔŋ brok, i sheb tri say, ɛn dɛn tɔŋ ɔlɔbɔt na wɔl pwɛl. Gɔd nɔ fɔgɛt di big tɔŋ we dɛn kɔl Babilɔn, i mek di pipul dɛn drink di bita wayn we i mek fɔ dɛn, dat na di pɔnish we i de pɔnish dɛn fɔ ɔl di bad tin we dɛn du.

Ayzaya 14:23

A go mek i blant dɛn grɔn pig, ɛn smɔl smɔl wata dɛn we gɛda, ɛn a go swip am di brum ɔf distrɔkshɔn. Na so PAPA GƆD Ɔlmayti se.

Rɛvɛleshɔn 16:13

Dɛn a si tri spirit dɛn we kɔmɔt to Setan, dɛn bin fiba ɔkpɔlɔ. Dɛn bin kɔmɔt na di dragɔn in mɔt, di wayl bif in mɔt, ɛn da man we de mek pipul ful se in de tɔk Gɔd in mɛsej, in sɛf yon mɔt.

Rɛvɛleshɔn 14:15

Wan ɔda enjɛl kɔmɔt na Gɔd in Os, i ala lawd wan tɛl di pɔsin we sidɔm pan di klawd se, “Tek yu nɛf kɔt dɛn tin we dɔn rɛdi fɔ kɔt, di rayt tɛm dɔn rich, di tin dɛn we dɛn bin plant na wɔl dɔn rɛdi fɔ kɔt!”

Rɛvɛleshɔn 10:3

I ala lawd wan wit vɔys we fiba layɔn vɔys. Wɛn i dɔn ala dɔn, di sɛvin tɛnda dɛn krak fɔ ansa am.

Rɛvɛleshɔn 5:2

Dɛn a si wan enjɛl we gɛt pawa, i de tɔk lawd wan se, “Udat fit fɔ pul di tin dɛn we dɛn tek fasin dis pepa ya so dat i kin opin am?”

Zɛfinaya 2:14

Na ples we ɔlkayn animal go lidɔm togɛda; dɛn wan we pɔsin de mɛn o, dɛn wan dɛn we de na bush; dɛn yuba ɛn ɛjɔg ɔl go de tinap pan dɛn post we dɔn fɔdɔm, kɔkɔ ɛn minista bɔd go de mek nɔys insay de ɛn dɛn trɔŋ trɔŋ wud we de de ɔl go fɔdɔm.

Jɛrimaya 25:30

“Fɔseka dat, na ɔl dɛn wɔd dɛn ya yu go yuz fɔ prɔfisay agens dɛm, ɛn tɛl dɛm se “PAPA GƆD go ala lɛk Layɔn ɔp usay I de, ɛn na In oli ples we I tap, I go de, de tɔk; i go ala lɛk Layɔn ebi ebi wan pan in pipul dɛm we i de mɛn, ɛn ala, lɛkɛ dɛn wan dɛm we de mas mas greps, ɛn agens ɔl di wan dɛm we tap na wɔl.

Rɛvɛleshɔn 1:15

in fut bin de shayn lɛkɛ bras we dɛn bɔn na faya, dɔn dɛn shayn am; wɛn i tɔk, in vɔys big lɛkɛ dɛn big wata we de fɔdɔm kɔmɔt ɔp dɛn ay il.

Joɛl 3:16

PAPA GƆD mek nɔys lɛkɛ layɔn na Mawnt Zayɔn. In vɔys lɛk tɛnda na Jerusɛlɛm; ɛn ɛvin ɛn ath go trimbul. Bɔt PAPA GƆD go bi di sikyɔriti fɔ in pipul, di kɔtintri fɔ di Izrɛlayt dɛn.

Rɛvɛleshɔn 11:8

ɛn dɛn dedebɔdi go ledɔm na trit na di big tɔŋ we dɛn bin nel di Masta na di krɔs. Da tɔŋ de gɛt nem we gɛt minin, lɛkɛ Sɔdɔm ɔ Ijipt.