Rɛvɛleshɔn 18:13 - Krio Fɔs Oli Baybul

¹³ dɛn tin we de smɛl swit lɛkɛ sinamɔn, spays, insɛns, ɛn dɛn tin we dɛn kɔl ma ɛn frankinsɛns; wayn, ɔyl we dɛn de tek kuk, fayn flawa, kɔn, kaw ɛn ship, dɛn ɔs ɛn dɛn chariɔt, ɛn dɛn pipul we dɛn tek mek slev.

Rɛvɛleshɔn 18:13 Referans Kwoze

Izikɛl 27:13

Javan, Tubal ɛn Mɛshɛk bin tredin wit yu; dɛn ɛkschenj mɔtalman dɛn ɛn bras vɛsul dɛn fɔ yu makit.

Emɔs 2:6

PAPA GƆD tɔk se: “Di pipul na Izrɛl dɔn sin bɔku bɔku, ɛn a mɔs pɔnish dɛn fɔ dat. Dɛn de sɛl ɔnɛs pipul fɔ silva, dɔn di poman fɔ sandal.

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Nɛimaya 5:8

We dɛn ɔl kam, a tɛl dɛn se, “Wi dɔn de du ɔl wetin wi ebul fɔ pul ɔl wi Juman fambul we na bin slev to dɛn pegan kɔmɔt de. Bɔt naw una de put di sem waala pan dɛn we dɛn bin de pan, pan ɔl we dɛn na una yon flɛsh ɛn blɔd, dɔn una de mek dɛn bi slev bak to una.” We i dɔn tɔk dɔn, dɛn nɔ se fiŋ bikɔs dɛn nɔ bin gɛt natin fɔ se.

Ayzaya 50:1

Na dis PAPA GƆD se; “We yu mama in dayvɔs pepa, we a tek dayvɔs am? Ɔ uswan pan di wan dɛn we a o, we a sɛl una gi? No se, na fɔ yu sin dɛn mek dɛn sɛl yu ɛn na fɔ di bad bad tin dɛn we yu de du, mek a drɛb yu mami.

Ditarɔnɔmi 24:7

Mozis se if dɛn kech ɛnibɔdi we kech in kɔmpin Izrɛlayt, trit lɛk slev ɔ de tray fɔ sɛl am, dɛn fɔ kil am. I se dɛn fɔ kil am lɛ da swɛ de nɔ go de pan dɛn ɛn lɛ nɔbɔdi nɔ go tray fɔ du dat igen

Ɛksodɔs 21:16

Ɛnibɔdi we kidnap in kɔmpin ɔ abdɔkt am fɔ sɛl am ɔ tɔn am to slev, fɔ day.

Fɔs Lɛta To Timoti 1:10

dɛn wan we liv fri layf, dɛn man we de kip dɛn kɔmpin man, dɛn wan we de kech pipul fɔ tɔn dɛn to slev, dɛn wan we de lay, dɛn wan we de lay bɔt dɛn de swɛ se na tru dɛn de tɔk, ɛn ɛnibɔdi we de du ɛnitin we difrɛn frɔm di tru tin we wi dɔn lan una.

Emɔs 8:6

so dat una go sɛl po ma fɔ mɔni ɛn begaman fɔ wan pia sandal ɛn sɛl di rɛs chaf chaf gi pipul.

Emɔs 6:6

Una de drink wayn na kalbas ɛn spre dɛn dia pafyum ɛn nɔ bisin sɛf bɔt di waala we gɛt fɔ mit Izrɛl.

Sɔlɔmɔn In Siŋ Dɛm 5:5

A grap fɔ opin fɔ mi man we a lɛk, ɛn mi an dɛn bin de drip wit pafyum, mi fiŋa dɛn gɛt wata pafyum, we a put an pan di bolt in andul.

Prɔvabs 7:17

ɛn in dɔn spre fayn, fayn ma, alo ɛn sinamɔn pafyum,

2 Kronikuls 9:9

Nain i gi Sɔlɔmɔn fo tawzin kilo gold, bɔku bɔku spays ɛn miniral ston dɛn. Wande nɔbɔdi nɔ kɛr bɔku spays lɛkɛ di wan we di kwin na Shiba gi Kiŋ Sɔlɔmɔn.

1 Kiŋ 10:25

Ɛvri ia wɛn pipul dɛn go fɛn am dɛn kin kɛr gold, silva, klos, spays, ɔs ɛn myul.

1 Kiŋ 10:15

Dat nɔ miks pan di taks we dɛn biznɛsman dɛn de pe, ɛn di ɔda taks we dɛn kiŋ dɛn na Arebia ɛn dɛn gɔvna na dɛn ɔda distrikt dɛn de pe.

1 Kiŋ 10:10

I gi Sɔlɔmɔn fo tawzin kilo gold, bɔku bɔku spays ɛn miniral ston dɛn. Wande nɔbɔdi nɔ kɛr bɔku spays lɛkɛ di wan we di kwin na Shiba gi kiŋ Sɔlɔmɔn.

Ditarɔnɔmi 28:68

PAPA GƆD go mek dɛn kɛr dɛn go na Ijipt bak wit ship; di kayn travul we PAPA GƆD bin dɔn prɔmis dɛn se i nɔ go mek dɛn travul igen, ɛn na de dɛnsɛf go go tray fɔ sɛl dɛnsɛf as slev, bɔt nɔbɔdi nɔ go bay dɛn.

Sɔlɔmɔn In Siŋ Dɛm 1:3

Yu sɛnt dɛn we yu de rɔb, gɛt swit smɛl; yu nem na lɛk we dɛn tɔn sɛnt; na dat mek di yɔŋ gyal dɛn lɛk yu.

1 Kronikuls 5:21

Dɛn kɛr ɔl dɛn kaw, got ɛn ship go: fifti tawzin pan dɛn kamɛl, tu ɔndrɛd ɛn fifti tawzin ship, tu tawzin dɔŋki ɛn wan ɔndrɛd tawzin man dɛm layf wan.

Sɔlɔmɔn In Siŋ Dɛm 3:6

Wetin dat de kɔmɔt na di dɛzat lɛk smok, lɛkɛ pila, pafyum ɛn frankinsɛns smɛl pan am, wit ɔl dɛn fayn sɛnt pawda we dɛn treda de sɛl.

Rɛvɛleshɔn 18:14

Dɛn wan we de tredin go tɛl am se, “Ɔl di tin dɛn we yu bin put yu at pan nɔ de igen; ɔl yu jɛntri dɔn dɔn, yu nɔ go si am igen, ɛn di fayn layf we yu bin liv bikɔs yu bin jɛntri dɔn dɔn, yu nɔ go liv so igen.”

Rɛvɛleshɔn 18:15

Dɛn pipul we jɛntri bikɔs dɛn de sɛl dɛn tin ya go fred wɛn dɛn si di trɔbul we mit di tɔŋ, dɛn go tinap fawe, de kray ɛn wit ebi at, dɛn go se,