Rɛvɛleshɔn 18:12 - Krio Fɔs Oli Baybul

¹² nɔbɔdi nɔ go bay ɔl dɛn tin we dɛn de sɛl, lɛkɛ gold ɛn silva, dɛn shayn shayn ston ɛn fayn fayn bid; dɛn fayn fayn klos, rɛd wan ɛn mov wan, silk ɛn linin; ɛn dɛn wud we gɛt fayn sɛnt, dɛn tin we dɛn tek ɛlifant tit ɛn dia wud mek ɛn dɛn tin we dɛn tek bras ɔ ayɛn ɔ mabul mek;

Rɛvɛleshɔn 18:12 Referans Kwoze

Rɛvɛleshɔn 17:4

Di uman bin wɛr rɛd klos we dia, ɛn i bin drɛs fayn wit plɛnti gold tin, dɛn shayn shayn ston ɛn fayn fayn bid. I bin ol wan gold kɔp nain an, we bin ful wit dɛn dɔti dɔti dɔti tin we in fri layf briŋ.

2 Kronikuls 2:8

Sɛn sida tik, sayprɛs ɛn algɔm timba we kɔmɔt Libanɔn, fɔ mi, bikɔs a no se yu wokman dɛn sabi kɔt timba na Libanɔn. Mi wokman dɛm go de wit yu yon wokman dɛm,

Neum 2:9

Dɛn tek ɔl di tin dɛn we gɛt valyu kɔmɔt na di siti.

Rɛvɛleshɔn 17:3

Di Spirit fɔdɔm pan mi, na de di enjɛl kɛr mi go na wan dɛzat. Dɛn a si wan uman sidɔm pan wan rɛd wayl bif we bin gɛt sɛvin ed ɛn tɛn ɔn; ɔlɔbɔt nain bɔdi plɛnti bad nem dɛn we nɔ sho rɛspɛkt fɔ Gɔd, bin rayt.

Rɛvɛleshɔn 18:15

Dɛn pipul we jɛntri bikɔs dɛn de sɛl dɛn tin ya go fred wɛn dɛn si di trɔbul we mit di tɔŋ, dɛn go tinap fawe, de kray ɛn wit ebi at, dɛn go se,