Rɛvɛleshɔn 18:11 - Krio Fɔs Oli Baybul

¹¹ Dɛn wan we de tredin na di wɔl go kray ɛn dɛn at go ebi bikɔs di tɔŋ dɔn pwɛl, ɛn nɔbɔdi nɔ go de igen fɔ bay dɛn tin we dɛn de sɛl;

Rɛvɛleshɔn 18:11 Referans Kwoze

Rɛvɛleshɔn 18:3

Na so i bi, bikɔs ɔl dɛn pipul na ɔl dɛn neshɔn dɔn drink in wayn, dat na di fri layf we dɛn dɔn liv wit am; dɛn wan we de rul na di wɔl dɛnsɛf dɔn liv di sem fri layf wit am, ɛn bikɔs i lɛk fɔ bay plɛnti plɛnti tin dɛn, dɛn wan we de tredin na dis wɔl dɛnsɛf dɔn jɛntri bikɔs i de bay to dɛn.”

Rɛvɛleshɔn 18:23

lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Rɛvɛleshɔn 18:15

Dɛn pipul we jɛntri bikɔs dɛn de sɛl dɛn tin ya go fred wɛn dɛn si di trɔbul we mit di tɔŋ, dɛn go tinap fawe, de kray ɛn wit ebi at, dɛn go se,

Zɛfinaya 1:11

I se dɛn wan dɛn we tap na di ɔda pat na di siti fɔ kray we dɛn yɛri bɔt dat, bikɔs nɔn biznɛsman nɔ go de igen Ɔl di biznɛsman dɛn go dɔn day.

Rɛvɛleshɔn 18:9

Dɛn wan we de rul na dis wɔl we bin dɔn liv fri layf ɛn ɛnjɔy layf wit am go si di smok we de kɔmɔt na di faya we de bɔn am, dɛn dɛn go put dɛn an na dɛn ed, ɛn bɔs kray.

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Zɛfinaya 1:18

We PAPA GƆD dɔn rɛdi fɔ du wetin i want, nɔn mɔni, i lɛk aw i bɔku nɔ go tap am. We PAPA GƆD dɔn jɛlɔs gud, i go jɛs mek faya bɔn ɛn dɔnawe wit ɔlman we tap na wɔl.

Ayzaya 47:15

Na so di wan dɛn we dɔn wok fɔ yu, nɔ go ebul ɛp yu, we bin dɔn de wok fɔ yu frɔm we yu yɔŋ; ɔlman de skata go inyon we; nɔn nɔ go de fɔ sev yu.

Matyu 22:5

Bɔt di pipul dɛn we dɛn kɔl fɔ kam na di pati nɔ tek am siriɔs; sɔm go na dɛn fam, sɔm ɔda wan dɛn go na dɛn shap.

Jɔn 2:16

I ala pan di pipul dɛn we bin de sɛl pijin. I se, “Una pul una pijin dɛn kɔmɔt na ya! Una lɛf fɔ tɔn mi Papa in Os to makit!”

Prɔvabs 3:14

In bɛnifit pas silva, ɛn in prɔfit pas gold.

Ayzaya 13:19

Babilɔn, we na di kindɔm dɛn glori, Di fayn fayn kɔntri we di Babilonian dɛn de mek mɔt fɔ, go tan lɛk Sɔdɔm ɛn Gɔmɔra we PAPA GƆD dɔn dɛm kpatakpata.

Izikɛl 27:9

Gɛbal in bigman dɛm ɛn in mastasabi wokman dɛn bin de insay yu, de lɔk di ol dɛn na yu sayd; ɔl di ship dɛn na di si wit dɛn shipman dɛm bin de insay yu fɔ ɛkschenj fɔ yu makit dɛm.