Rɛvɛleshɔn 18:1 - Krio Fɔs Oli Baybul

¹ Wɛn dat dɔn, a si wan ɔda enjɛl kɔmɔt na ɛvin kam dɔŋ na wɔl, i bin gɛt wɔndaful pawa. Di layt we bin de shayn pan am, layt ɔl dɛn ples na wɔl.

Rɛvɛleshɔn 18:1 Referans Kwoze

Izikɛl 43:2

Ɛn Izrɛl in Gɔd in glori bin de kɔmɔt na di ist; ɛn i bin de mek sawnd lɛk we bɔku bɔku wata de rɔn, ɛn di ath bin de shayn wit In glori.

Lyuk 17:24

Di tɛm we Mɔtalman Pikin go kam bak na wɔl, go kam kwik wan lɛkɛ wɛn laytin kin flash na di klawd frɔm wan pat to di ɔda pat.

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.

Rɛvɛleshɔn 17:1

Wɛn ɔl dat dɔn, wan pan di sɛvin enjɛl dɛn we bin ol wan pan di sɛvin kɔp dɛn, kam tɔk to mi, i se, “Kam, mek a go sho yu aw dɛn go pɔnish da uman we liv fri layf we ɔlman no; di uman na da tɔŋ we dɛn bil klos dɛn plɛnti riva.

Rɛvɛleshɔn 10:1

Wɛn dat dɔn, na de a si wan ɔda enjɛl we gɛt pawa kɔmɔt na ɛvin kam dɔŋ. Klawd bin kɔba am lɛkɛ klos, rembo bin de rawnd in ed; in fes bin de shayn lɛkɛ di san, ɛn in fut dɛn bin fiba faya we tinap tret tret wan lɛkɛ post.

Sɛkɛn Lɛta Fɔ Tɛsalonayka 2:8

Na da tɛm de di wan we de fɛt Gɔd go sho insɛf. Bɔt wɛn Masta Jizɔs go kam, i go kil am wit di briz we de kɔmɔt nain mɔt ɛn wit di brayt layt we de rawnd am.

Rɛvɛleshɔn 17:7

Di enjɛl aks mi se, “Wetin du yu de wɔnda?” I se, “A go tɛl yu wetin di uman ɛn di wayl bif we tot am, we gɛt sɛvin ed ɛn tɛn ɔn, min.