Rɛvɛleshɔn 17:8 - Krio Fɔs Oli Baybul

⁸ Di wayl bif we yu si bin gɛt layf fɔstɛm, bɔt i nɔ gɛt layf igen, i nɔ go te igen i go kɔmɔt na di ol we nɔ gɛt bɔtɔm, dɛn i go go na ples we dɛn go go kil am. Dɛn pipul we de na wɔl, we dɛn nem nɔ bin dɔn rayt bifo Gɔd mek di wɔl, na di buk we dɛn rayt dɛn pipul we gɛt layf sote go dɛn nem, dɛn ɔl go wɔnda wɛn dɛn de luk di wayl bif. I bin gɛt layf fɔstɛm, dɛn i day, bɔt i go kam bak.

Rɛvɛleshɔn 17:8 Referans Kwoze

Rɛvɛleshɔn 17:11

Di wayl bif we bin gɛt layf fɔs, bɔt we dɔn day, insɛf na kiŋ we mek et we miks pan di sɛvin kiŋ dɛn, bɔt i gɛt fɔ go na ples we dɛn go kil am.

Rɛvɛleshɔn 11:7

Wɛn dɛn dɔn tɛl pipul di mɛsej dɔn, di wayl bif we kɔmɔt insay di ol we nɔ gɛt bɔtɔm go kam fɛt dɛn. I go win dɛn ɛn kil dɛn,

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.

Rɛvɛleshɔn 3:5

Dɛn pipul we go stil tinap traŋa afta Setan dɔn tray dɛn, dɛnsɛf go wɛr wayt klos. Ɛn a nɔ go pul dɛn nem kɔmɔt na di buk we dɛn pipul we gɛt layf, dɛn nem rayt. A go tɔk bifo mi Papa ɛn bifo in enjɛl dɛn se dɛn pipul de na mi yon.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Rɛvɛleshɔn 20:12

Dɛn a si dɛn pipul we bin dɔn day, dɛn bigman ɛn dɛn ɔdinari pipul, dɛn ɔl tinap bifo di chia. Sɔmbɔdi opin sɔm buk dɛn, dɔn i opin wan ɔda buk we dɛn pipul we gɛt layf sote go dɛn nem bin rayt. Ɔl wetin dɛn pipul we bin dɔn day bin du bifo dɛn day, bin rayt insay di fɔs buk dɛn, ɛn nain Gɔd tek jɔj dɛn.

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

Jɔn 17:24

“Papa! Yu dɔn gi mi dɛn, ɛn a want mek dɛn de wit mi na di say we a go de, so dat dɛn go si aw a wɔndaful fɔ tru. Yu mek a wɔndaful so, bikɔs yu bin dɔn lɛk mi bifo yu mek di wɔl.

Daniɛl 7:11

Nain a luk insay de bikɔs ɔf di big wɔd dɛn we di ɔn bin de tɔk. Ɛn as a bin de luk, dɛn kil di bist; dɛn nyakanyaka in bɔdi ɛn mek dɛn go bɔn am wit faya.

Rɛvɛleshɔn 20:15

Ɛnibɔdi we in nem nɔ bin rayt insay di buk we dɛn rayt dɛn pipul we gɛt layf sote go dɛn nem, dɛn trowe am insay di wata we faya de kech.

Rɛvɛleshɔn 20:10

Dɛn tek Setan we bin de mek pipul ful, trowe am insay da wata we faya de kech ɛn sɔlfa de bɔn; na da sem ples de dɛn bin trowe da wayl bif ɛn da prɔfɛt we nɔ de tɔk tru; na de dɛn go tɔmɛnt, de ɛn nɛt, sote go.

Apɔsul Dɛn Wok 15:18

Na di tin dis we di Masta bin dɔn tɔk, ɛn i dɔn mek wi no dat lɔntɛm.’”

Daniɛl 11:45

Ɛn i go mek in tɛnt dɛm, we i go tap lɛk kiŋ, bitwin di si ɛn di oli mawnten we dɛn de prez pas ɔl; bɔt pan ɔl dat, i go rich in watalo ɛn nɔbɔdi nɔ go ɛp am.

Daniɛl 7:26

Bɔt di kot go sidɔm ɛn jɔj am, ɛn dɛn go tek in pawa nain an, ɛn dɛn go nyakanyaka am kpatakpata.

Daniɛl 7:7

Afta dis, insay dis vishɔn ya na nɛt, a si di nɔmba fo bist; in bin ebi fɔ luk, ɛn bin fiaful ɛn bin gɛt trɛnk bad; i bin gɛt ayɛn tit dɛm; i bin de it awaŋɔt we ɛn bin de brok brok pis pis, ɛn mas mas di wan dɛn we lɛf, wit in fut. I bin difrɛn frɔm ɔl di ɔda bist dɛn we bin dɔn kam bifo am; ɛn in bin gɛt tɛn ɔn.

Pita In Fɔs Lɛta 1:20

Bifo Gɔd mek di wɔl, i bin dɔn pik Krays fɔ du di wok we i fɔ du na wɔl, ɛn naw, we plɛnti tɛm nɔ lɛf igen, Krays dɔn kam fɔ ɛp una.

Di Sam Dɛm 69:28

Pul dɛn nem dɛn kɔmɔt na di buk usay yu rayt dɛn pipul we de du wetin yu want dɛn nem; nɔ miks dɛn nem de.

Daniɛl 7:3

Ɛn fo big big bist bin grap kɔmɔt na di si, ɛn dɛn ɔl bin difrɛn.

Lyuk 8:31

Di dɛbul dɛn beg Jizɔs fɔ mek i nɔ drɛb dɛn go na di Big Ol.

Lyuk 10:20

Una nɔ fɔ gladi bikɔs dɛn dɛbul du wetin una tɛl dɛn fɔ du, bɔt una fɔ gladi bikɔs una nem dɔn rayt na ɛvin.”

Rɛvɛleshɔn 17:2

Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”