Rɛvɛleshɔn 17:4 - Krio Fɔs Oli Baybul

⁴ Di uman bin wɛr rɛd klos we dia, ɛn i bin drɛs fayn wit plɛnti gold tin, dɛn shayn shayn ston ɛn fayn fayn bid. I bin ol wan gold kɔp nain an, we bin ful wit dɛn dɔti dɔti dɔti tin we in fri layf briŋ.

Rɛvɛleshɔn 17:4 Referans Kwoze

Rɛvɛleshɔn 18:16

“Eya, oya! Da tɔŋ de we bin gɛt pawa, dɔn pwɛl, i bin tan lɛkɛ uman we drɛs wit fayn fayn linin, mov ɛn rɛd klos ɛn we kin tek gold ɛn dɛn shayn shayn ston ɛn fayn fayn bid drɛs insɛf!

Jɛrimaya 51:7

Babilɔn na bin gold kɔp na PAPA GƆD in an, we mek ɔl di wanol wɔl drɔnk; di neshɔn dɛm drink pan in wayn, fɔseka dat, di neshɔn dɛm kres.

Rɛvɛleshɔn 19:2

I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Rɛvɛleshɔn 18:12

nɔbɔdi nɔ go bay ɔl dɛn tin we dɛn de sɛl, lɛkɛ gold ɛn silva, dɛn shayn shayn ston ɛn fayn fayn bid; dɛn fayn fayn klos, rɛd wan ɛn mov wan, silk ɛn linin; ɛn dɛn wud we gɛt fayn sɛnt, dɛn tin we dɛn tek ɛlifant tit ɛn dia wud mek ɛn dɛn tin we dɛn tek bras ɔ ayɛn ɔ mabul mek;

Lamɛnteshɔn 1:9

Di dɔti we i dɔti na PAPA GƆD in yay bin de insay in skat; i nɔ bin tink se in go fɔdɔm wande; so i fɔdɔm bad bad wan, ɛn nɔbɔdi nɔ luk am. “E PAPA GƆD, luk we a de sɔfa, dɔn di ɛnimi in de gladi se in dɔn win!”

Rɛvɛleshɔn 14:8

Wan ɔda enjɛl bin de fala di fɔs wande tɔk se, “Babilɔn dɔn pwɛl! Da big tɔŋ, Babilɔn, dɔn pwɛl! Nain bin de gi ɔlman in wayn fɔ drink; da wayn de na di fri layf we pipul dɛn bin de pan, ɛn we kin mek dɛn du ɛni bad tin we dɛn at gi dɛn fɔ du.”

Daniɛl 11:38

Bifo i rɛspɛkt di ɔda gɔd dɛn, i go rɛspɛkt di gɔd we de na barik; gɔd we in papa dɛn nɔ no na im i go ɔna wit gold ɛn silva ɛn dayamɔn ɛn dia dia prɛzɛnt dɛn.

Izikɛl 24:13

Di rɔsti na yu dɔti dɔti rudnɛs. Bikɔs a bin fɔ dɔn klin yu, ɛn bikɔs yu nɔ bin klin kɔmɔt pan yu dɔti we yu dɔti, yu nɔ go ɛva klin igen te a dɔn satisfay mi vɛksteshɔn pan yu.

Izikɛl 24:11

Dɔn put di ɛmti pɔt na di faya so dat di pɔt go wam, so dat in kɔpa we dɛn tek mek am go bɔn ɛn ɔl in dɔti go mɛlt insay am, ɛn di rɔsti we de pan am go dɔn kpatakpata.

1 Kiŋ 14:24

Wetin wɔs na dat dɛn bin ivin de mek rare gyal ɛn ple bɔy dɛn de na di ples we dɛn de wɔship. Dɛn du ɔl dɛn bad bad tin we dɛn pipul we PAPA GƆD bin drɛb na di land bin de du.

Ozie 9:10

PAPA GƆD se lɛk aw greps go gro na di ɛmti land we pɔsin nɔ go ebul tap, na so Izrɛl bin tan we i fɛn am. Ɛn lɛk aw di fɔs frut na fig tik kin rɔtin di fɔs tɛm we i bɔn, na so i bin si dɛn fɔstɛm-papa dɛn. Bɔt na so dɛnsɛf bin go na Mawnt Peɔ, go nɔnsɛns dɛnsɛf ɛn gi dɛnsɛf to Beal we mek PAPA GƆD et dɛn bad bad wan

Ɛzra 9:11

Dɛn prɔfɛt dɛn we na bin yu savant dɛn bin de wɔn wi trade se, yu se, di land we wi de go fɔ go tek fɔ bi wi yon, ful wit soso kɔrɔpshɔn: di pipul dɛn we de de, de du ɔlkayn bad tin we nɔ fit fɔ lɛ mɔtalman si ɔ yɛri. Ɔlɔbɔt di wanol ples, na soso wikɛdnɛs ɛn bad tin de apin de. Dɛn dɔn nasti di ples.

Izikɛl 20:30

So, tɛl di Izrɛlayt dɛn se, na dis Papa Gɔd we na Gɔd se: una go dɔti unasɛf na mi yay lɛk aw una fɔstɛmpapa dɛn bin du, ɛn go biɛn dɛn tin dɛn we a et bad bad wan?

2 Kiŋ 21:2

Na bad tin dɛn in du bifo PAPA GƆD in yay; i bin de falamakata dɛn ɔda neshɔn dɛn we PAPA GƆD bin drɛb kɔmɔt bifo di Izrɛlayt dɛn pan di bad we dɛn bin de du.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Ditarɔnɔmi 29:17

ɛn dɛn bin si dɛn bad bad tin dɛn we PAPA GƆD nɔ lɛk, dat na dɛn bod ɛn ston, dɛn silva ɛn gold lay lay gɔd dɛn insay di kɔntri dɛn we dɛn bin pas.

Ayzaya 66:3

“Di pɔsin we de kil kaw na lɛk pɔsin we kil mɔtalman; pɔsin we de sakrifays ship pikin na lɛk udat brok dɔg nɛk; pɔsin we de mek sid ɔfrin na lɛk pɔsin we de sakrifays ɔg blɔd; pɔsin we de mek sakrifays wit insɛns fɔ mɛmba wetin bin dɔn bi, na lɛk pɔsin we de blɛs lay lay gɔd. Dɛn dɔn pik dɛn yon we, we dɛn want fɔ de, dɛn sol de gladi fɔ du dɛn bad bad tin dɛm we PAPA GƆD nɔ lɛk.

Izikɛl 28:13

yu bin de na Idɛn, PAPA GƆD in gadin. Ɔl kayn prɛshɔs ston na dɛm bin kɔba yu, kanɛlyan, Topaz ɛn Jaspa, krisolayt bɛril ɛn oniks Safaya, Kabɔnkul ɛn Ɛmirald; ɛn yu ɛngrevin dɛm bin wok insay gold’ Dɛn bin rɛdi dɛm di de dɛn bin mek yu

Rɛvɛleshɔn 9:21

Dɛn pipul ya nɔ bin sɔri fɔ wetin dɛn bin de du ɛn lɛf fɔ du dɛn, dat na di kil we dɛn bin de kil pipul, di wich we dɛn bin de wich, di fri layf we dɛn bin liv ɛn di tif we dɛn bin de tif.

Rɛvɛleshɔn 21:21

Na dɛn fayn fayn tin we tan lɛkɛ bid we dɛn kɔl pal dɛn tek mek di twɛlv get dɛn na di tɔŋ, na gold dɛn tek mek di trit, ɛn di gold de shayn lɛkɛ glas.