Rɛvɛleshɔn 17:2 - Krio Fɔs Oli Baybul

² Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”

Rɛvɛleshɔn 17:2 Referans Kwoze

Rɛvɛleshɔn 14:8

Wan ɔda enjɛl bin de fala di fɔs wande tɔk se, “Babilɔn dɔn pwɛl! Da big tɔŋ, Babilɔn, dɔn pwɛl! Nain bin de gi ɔlman in wayn fɔ drink; da wayn de na di fri layf we pipul dɛn bin de pan, ɛn we kin mek dɛn du ɛni bad tin we dɛn at gi dɛn fɔ du.”

Rɛvɛleshɔn 18:3

Na so i bi, bikɔs ɔl dɛn pipul na ɔl dɛn neshɔn dɔn drink in wayn, dat na di fri layf we dɛn dɔn liv wit am; dɛn wan we de rul na di wɔl dɛnsɛf dɔn liv di sem fri layf wit am, ɛn bikɔs i lɛk fɔ bay plɛnti plɛnti tin dɛn, dɛn wan we de tredin na dis wɔl dɛnsɛf dɔn jɛntri bikɔs i de bay to dɛn.”

Jɛrimaya 51:7

Babilɔn na bin gold kɔp na PAPA GƆD in an, we mek ɔl di wanol wɔl drɔnk; di neshɔn dɛm drink pan in wayn, fɔseka dat, di neshɔn dɛm kres.

Rɛvɛleshɔn 18:9

Dɛn wan we de rul na dis wɔl we bin dɔn liv fri layf ɛn ɛnjɔy layf wit am go si di smok we de kɔmɔt na di faya we de bɔn am, dɛn dɛn go put dɛn an na dɛn ed, ɛn bɔs kray.

Rɛvɛleshɔn 18:23

lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”

Rɛvɛleshɔn 17:17

Gɔd go mek di kiŋ dɛn want fɔ du wetin in want, so dat dɛn ɔl go gɛt wanwɔd, ɛn dɛn go gi di wayl bif dɛn pawa fɔ rul, te ɔltin bi lɛkɛ aw i bin dɔn tɔk.

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.

Rɛvɛleshɔn 17:13

Na di sem tin ɔl dɛn tɛn kiŋ ya want du, dɛn ɔl de gi di wayl bif dɛn pawa.

Neum 3:4

Na ɔl di rare layf we Ninivɛ bin de pan dɛn de pe fɔ so, i kin tek kɔni kɔni drɔ pipul atɛnshɔn, dɔn i lɛf dɛn na spes wit di sem kayn layf.

Jɔn 2:10

ɛn tɛl am se, “Ɔlman kin sheb di gud wayn fɔs, ɛn afta di pipul dɛn dɔn drink am te dɛn satisfay, na da tɛm de dɛn kin sheb di chip wayn. Bɔt yu bin kip di gud wayn, na naw yu de pul am!”

Rɛvɛleshɔn 2:22

A go mek i sik ledɔm na bed, ɛn a go mek in ɛn dɛn pipul we liv fri layf sɔfa plɛnti if dɛn nɔ lɛf fɔ du dɛn bad tin we dɛn de du.

Rɛvɛleshɔn 9:21

Dɛn pipul ya nɔ bin sɔri fɔ wetin dɛn bin de du ɛn lɛf fɔ du dɛn, dat na di kil we dɛn bin de kil pipul, di wich we dɛn bin de wich, di fri layf we dɛn bin liv ɛn di tif we dɛn bin de tif.

Rɛvɛleshɔn 17:5

Wan nem we gɛt sikrit minin bin rayt pan in fɔrɛd, we se “Babilɔn we ɔlman no, we de bɔn ɔl dɛn pipul we liv fri layf, ɛn we de du ɔl dɛn tin we mɔtalman nɔ fɔ du wit in kɔmpin mɔtalman.”

Rɛvɛleshɔn 17:8

Di wayl bif we yu si bin gɛt layf fɔstɛm, bɔt i nɔ gɛt layf igen, i nɔ go te igen i go kɔmɔt na di ol we nɔ gɛt bɔtɔm, dɛn i go go na ples we dɛn go go kil am. Dɛn pipul we de na wɔl, we dɛn nem nɔ bin dɔn rayt bifo Gɔd mek di wɔl, na di buk we dɛn rayt dɛn pipul we gɛt layf sote go dɛn nem, dɛn ɔl go wɔnda wɛn dɛn de luk di wayl bif. I bin gɛt layf fɔstɛm, dɛn i day, bɔt i go kam bak.