Rɛvɛleshɔn 17:16 - Krio Fɔs Oli Baybul

¹⁶ Di tɛn ɔn dɛn, ɛn di wayl bif we yu si, nɔ go lɛk di uman we liv fri layf; dɛn go tek ɔl wetin i gɛt kɛr dɛn go, ɛn lɛf am nekɛd; dɛn go it in bif nain bɔdi, dɔn dɛn go bɔn am na faya we i go day insay.

Rɛvɛleshɔn 17:16 Referans Kwoze

Rɛvɛleshɔn 18:8

Bikɔs na dat i de mɛmba, di big waala we fɔ mit am go fɔdɔm pan am. Wan gren de, i go sik, in at go ebi, i nɔ go gɛt natin fɔ it, ɛn faya go bɔn am. Bikɔs Gɔd we na wi Masta, gɛt pawa ɛn nain dɔn kɔndɛm am.”

Lɛvitikɔs 21:9

If di man we de mek sakrifays fɔ pipul sin in gyal pikin disgres insɛf ɛn biev lɛk rare gyal fɔ go wɔship ɔda gɔd ɛn disgres in papa, na fɔ bɔn am na faya.

Rɛvɛleshɔn 18:19

Dɛn ib dɔti na dɛn ed bikɔs dɛn at ebi, dɛn ala se, “Oya o! Oya, una fɔ sɔri fɔ da tɔŋ we bin gɛt pawa. Di jɛntri we dis tɔŋ bin jɛntri fɔs tɛm bin mek ɔl dɛn wan we bin gɛt bot we bin de go si fɔ tredin, jɛntri. Bɔt naw, wan awa nɔmɔ, i dɔn pwɛl pata pata.”

Rɛvɛleshɔn 19:18

una kam it dɛn chif, dɛn kapten, ɛn dɛn bigman dɛn bɔdi. Una kam it dɛn ɔs dɛn bɔdi, ɛn dɛn wan we de rayd dɛn, dɛnsɛf yon; una kam it dɛn slev ɛn dɛn fri man dɛn bɔdi ɛn dɛn bigman ɛn dɛn pikin yon.”

Rɛvɛleshɔn 17:10

fayv pan dɛn kiŋ ya nɔ de rul igen, na wan nɔmɔ de rul te naw, ɛn di las wan nɔ kam yet; wɛn i kam, na shɔt tɛm nɔmɔ i go rul.

Rɛvɛleshɔn 16:12

Dɛn di enjɛl we mek siks trowe di tin we de insay in kɔp pan di riva we nem Yufretis. I dray wantɛm, i mek rod fɔ dɛn kiŋ we de kɔmɔt na dɛn kɔntri we de na di ist.

Daniɛl 7:5

Ɛn a si wan ɔda bist, di sɛkɛn wan. In bin tan lɛkɛ bia. Dɛn bin es am ɔp wansay; i bin gɛt tri bon rib insay in mɔt midul in tit dɛn, ɛn dɛn bin tɛl am se, ‘grap, it bɔku bɔku flɛsh.’

Di Sam Dɛm 27:2

Wɛn mi ɛnimi dɛn kin wan kil mi wit dɛn mɔt, wɛn dɛn ɛn ɔl udat gɛt bad at fɔ mi mek plan fɔ du mi bad, nɔn dɛn plan nɔ go wok.

Job 31:31

if di man dɛn na mi os nɔ kin de aks se udat de we nɔ bɛlful?

Rɛvɛleshɔn 12:3

Wɛn dat dɔn, wan ɔda wɔndaful tin bin bi ɔp na di klawd. Wan big big rɛd snek we dɛn kɔl dragɔn bɔs kɔmɔt, i bin gɛt sɛvin ed ɛn tɛn ɔn, ɛn ɔl di sɛvin ed dɛn bin gɛt wan wan krawn pan dɛn.