Rɛvɛleshɔn 17:12 - Krio Fɔs Oli Baybul

¹² “Di tɛn ɔn dɛn we yu si na tɛn kiŋ dɛn we nɔ bigin rul yet, bɔt dɛn go gi dɛn pawa fɔ rul lɛkɛ kiŋ wit di wayl bif fɔ wan awa.

Rɛvɛleshɔn 17:12 Referans Kwoze

Rɛvɛleshɔn 12:3

Wɛn dat dɔn, wan ɔda wɔndaful tin bin bi ɔp na di klawd. Wan big big rɛd snek we dɛn kɔl dragɔn bɔs kɔmɔt, i bin gɛt sɛvin ed ɛn tɛn ɔn, ɛn ɔl di sɛvin ed dɛn bin gɛt wan wan krawn pan dɛn.

Rɛvɛleshɔn 13:1

Dɛn a si wan wayl bif de kɔmɔt insay di wata kam ɔp. I bin gɛt tɛn ɔn ɛn sɛvin ed, ɔl di ɔn dɛn bin gɛt wan wan krawn pan dɛn; wan bad nem bɔt Gɔd bin rayt pan ɔl in ed dɛn.

Daniɛl 7:24

Ɛn di tɛn ɔn dɛn we kɔmɔt insay da kindɔm de, tɛn kiŋ dɛn go rul, dɔn afta dat, wan ɔda wan go rul; in go difrɛn pas di fɔs wan dɛn,

Rɛvɛleshɔn 17:16

Di tɛn ɔn dɛn, ɛn di wayl bif we yu si, nɔ go lɛk di uman we liv fri layf; dɛn go tek ɔl wetin i gɛt kɛr dɛn go, ɛn lɛf am nekɛd; dɛn go it in bif nain bɔdi, dɔn dɛn go bɔn am na faya we i go day insay.

Daniɛl 7:20

Ɛn igen, di tɛn ɔn we bin de nain ed, ɛn di ɔda ɔn we bin bɔs midul dɛn, we na bifo am tri pan dɛn bin fɔdɔm; da ɔn de we bin gɛt yay ɛn mɔt we de tɔk impɔtant tɔk, ɛn we bin luk lɛk se i gɛt pawa pas ɔl in kɔmpin dɛn.

Rɛvɛleshɔn 18:19

Dɛn ib dɔti na dɛn ed bikɔs dɛn at ebi, dɛn ala se, “Oya o! Oya, una fɔ sɔri fɔ da tɔŋ we bin gɛt pawa. Di jɛntri we dis tɔŋ bin jɛntri fɔs tɛm bin mek ɔl dɛn wan we bin gɛt bot we bin de go si fɔ tredin, jɛntri. Bɔt naw, wan awa nɔmɔ, i dɔn pwɛl pata pata.”

Rɛvɛleshɔn 18:17

Na wan awa nɔmɔ ɔl in jɛntri lɔs!” Ɔl dɛn kapten, ɔl dɛn wan we de go ɔp ɛn dɔŋ na dɛn big bot, wit ɔl dɛn siman, ɔl dɛn wan we de go si fɔ tredin, dɛn ɔl tinap fawe;

Rɛvɛleshɔn 18:10

Dɛn go fred wɛn dɛn si di big waala we mit di tɔŋ, dɛn go tinap fawe, de tɔk se, “Oya, da big tɔŋ, Babilɔn, we bin gɛt pawa, dɔn pwɛl; na wan awa nɔmɔ i tek fɔ bɔn kam dɔŋ na grɔn.”

Rɛvɛleshɔn 10:11

Dɛn a yɛri pɔsin de tɛl mi se, “Yu fɔ tɔk Gɔd in mɛsej bɔt plɛnti neshɔn, plɛnti difrɛn pipul dɛn we de tɔk difrɛn difrɛn laŋwej, ɛn bɔt plɛnti kiŋ dɛn wan tɛm mɔ.”