Rɛvɛleshɔn 17:10 - Krio Fɔs Oli Baybul

¹⁰ fayv pan dɛn kiŋ ya nɔ de rul igen, na wan nɔmɔ de rul te naw, ɛn di las wan nɔ kam yet; wɛn i kam, na shɔt tɛm nɔmɔ i go rul.

Rɛvɛleshɔn 17:10 Referans Kwoze

Rɛvɛleshɔn 10:11

Dɛn a yɛri pɔsin de tɛl mi se, “Yu fɔ tɔk Gɔd in mɛsej bɔt plɛnti neshɔn, plɛnti difrɛn pipul dɛn we de tɔk difrɛn difrɛn laŋwej, ɛn bɔt plɛnti kiŋ dɛn wan tɛm mɔ.”

Rɛvɛleshɔn 17:11

Di wayl bif we bin gɛt layf fɔs, bɔt we dɔn day, insɛf na kiŋ we mek et we miks pan di sɛvin kiŋ dɛn, bɔt i gɛt fɔ go na ples we dɛn go kil am.

Ayzaya 23:15

Da tɛn de, dɛn go fɔgɛt bɔt Tay fɔ sɛvinti ia, we na di tɛm we kiŋ kin rul. Wɛn di sɛvinti ia dɔn, I go bi bak jɛs lɛk wetin wan rare gyal in siŋ se:

Rɛvɛleshɔn 13:3

I bin tan lɛkɛ se sɔmbɔdi bin dɔn wund wan pan di wayl bif in ed dɛn, bɔt di wund we bin fɔ mek i day, bin dɔn wɛl. Di wan ol wɔl bin wɔnda, dɛn bigin fala di wayl bif.

Rɛvɛleshɔn 13:12

Dis sɛkɛn wayl bif tek ɔl di fɔs wayl bif in pawa ɛn bigin yus di pawa bifo am. I fos ɔl di pipul dɛn na di wɔl fɔ pre to di fɔs wayl bif we in wund bin dɔn wɛl.

Rɛvɛleshɔn 17:16

Di tɛn ɔn dɛn, ɛn di wayl bif we yu si, nɔ go lɛk di uman we liv fri layf; dɛn go tek ɔl wetin i gɛt kɛr dɛn go, ɛn lɛf am nekɛd; dɛn go it in bif nain bɔdi, dɔn dɛn go bɔn am na faya we i go day insay.