Rɛvɛleshɔn 16:6 - Krio Fɔs Oli Baybul

⁶ Dɛn pipul ya bin dɔn kil yu pipul dɛn ɛn dɛn wan we bin de tɔk di mɛsej we yu gi dɛn, dɛn bin mek dɛn blɔd rɔn so naw yu dɔn gi dɛn blɔd fɔ drink. Na wetin dɛn wok fɔ, nain dɛn gɛt!”

Rɛvɛleshɔn 16:6 Referans Kwoze

Ayzaya 49:26

A go mek dɛn wan we aras yu, it dɛn yon flɛsh, ɛn dɛn go drɔnk wit dɛn yon blɔd lɛk se na wayn. Na datɛnde ɔl mɔtalman go no se, na Mi na PAPA GƆD we na una seviɔ, ɛn una Ridima, Jekɔb in Mayti Wan.”

Rɛvɛleshɔn 11:18

Dɛn pipul we nɔto yu yon pipul bin vɛks bad pan yu, bɔt di tɛm fɔ mek yu sho se yu vɛks pan dɛn, dɔn rich; na di tɛm dis we yu go jɔj dɛn wan we dɔn day. Na di tɛm dis fɔ gi ɔl dɛn pipul we na yu yon dɛn pe, dat na dɛn prɔfɛt we de wok fɔ yu ɛn ɔl dɛn wan we rɛspɛkt yu, dɛn wan we gɛt pawa ɛn dɛn wan we nɔ gɛt pawa. Di tɛm dɔn rich fɔ kil dɛn wan we bin de pwɛl di wɔl!”

Rɛvɛleshɔn 18:24

Ɛn i go sɔfa bikɔs nainsay de blɔd bin kɔmɔt pan dɛn wan we bin de tɔk Gɔd in mɛsej, pan ɔl Gɔd in pipul dɛn, ɛn pan ɔl dɛn pipul na wɔl we dɛn dɔn kil.

Rɛvɛleshɔn 13:15

Dɛn lɛf di sɛkɛn wayl bif mek i blo layf go insay di tin we dɛn mek fɔ tek mɛmba di fɔs wayl bif, so dat di tin kin tɔk ɛn kil ɔl dɛn wan we nɔ de pre to am.

2 Kiŋ 24:4

mɔ lɛk we i bin de shɛd inosɛnt blɔd. Manasɛ bin jɛs de kil pipul dɛn fitifata ɛn mek di wanol Jerusɛlɛm ful-ɔp wit blɔd; dat mek PAPA GƆD nɔ gri fɔgiv am.

Rɛvɛleshɔn 19:2

I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Rɛvɛleshɔn 13:10

Ɛnibɔdi we Gɔd dɔn mak se dɛn fɔ kech, dɛn go kech am paopa; ɛnibɔdi we Gɔd dɔn mak se dɛn fɔ chuk ɛn kil, na chuk dɛn go chuk ɛn kil am. Na dat mek Gɔd in pipul dɛn fɔ tinap traŋa ɛn dɛn nɔ fɔ lɛf fɔ biliv pan Gɔd.”

Lamɛnteshɔn 4:13

Dis na fɔseka di sin we in prɔfɛt dɛn kɔmit ɛn di bad bad tin dɛn we di man dɛn we de mek sakrifays fɔ pipul sin, we kil pipul dɛn we de waka tret wit PAPA GƆD, insay Jerusɛlɛm.

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Di Ibru Pipul Dɛn 10:29

Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.

Matyu 7:2

Aw una jɔj ɔda pipul, na di sem we Gɔd go jɔj unasɛf.

Jɛrimaya 26:16

Nain di bigman dɛn ɛn ɔl di pipul dɛn tɛl di man dɛm we de mek sakrifays fɔ pipul sin, ɛn di prɔfɛt dɛm, se, “Dis man nɔ dizav fɔ gɛt dɛt sɛntɛns, bikɔs i dɔn tɔk to wi wit PAPA GƆD we na wi Gɔd in nem.”

Jɛrimaya 26:11

Nain di man dɛn we de mek sakrifays fɔ pipul sin ɛn di prɔfɛt dɛm tɛl di bigman dɛm ɛn ɔl di pipul dɛn se, “Dis man sɔpoz fɔ gɛt dɛt sɛntɛns, bikɔs i dɔn prɔfisay agens dis siti, as una bin dɔn yɛri wit una yon yes.”

Jɛrimaya 2:30

PAPA GƆD se, A dɔn pɔnish una pikin dɛm te, dɛn nɔ gri chenj; na unasɛf tek una an kil una prɔfɛt dɛn lɛk layɔn we aŋri bad bad wan.

Lyuk 12:48

Bɔt ɛni wokman we nɔ no wetin in masta want fɔ mek i du, we du tin we fɔ mek dɛn bit am, in masta nɔ go mek dɛn bit am tumɔs. Wɛn Gɔd dɔn mek pɔsin gɛt big post, Gɔd go luk ɔp to am fɔ du big wok. Wɛn Gɔd dɔn mek pɔsin gɛt big post pas di wan we i bin gɛt, Gɔd go luk ɔp to am fɔ du big big wok pas wetin i bin de du fɔs.

Ɛksodɔs 7:17

Tɛl am se, mi se, di tin we a go du go mek i no se mi na PAPA GƆD. Dis wɔkinstik we i de si so na yu an, nain yu go tek nak di wata na di Riva nayl, ɛn i go tɔn to blɔd.

Ɛksodɔs 21:24

yay fɔ yay, tit fɔ tat, an fɔ an, fut fɔ fut,

Izikɛl 32:6

A go sok di kɔntri gud gud wan, te go ɔp to di mawnten dɛm, wit yu blɔd we go rɔn lɛk wata; ɛn di say dɛn we wata de pas go ful wit yu.