Rɛvɛleshɔn 16:4 - Krio Fɔs Oli Baybul

⁴ Dɛn di enjɛl we mek tri, trowe di tin we de insay in kɔp pan dɛn riva ɛn dɛn wata we de bɔs na grɔn, na de dɛn tɔn blɔd.

Rɛvɛleshɔn 16:4 Referans Kwoze

Rɛvɛleshɔn 16:5

A yɛri di enjɛl we bin de gyad di wata de tɔk se, “Yu we na yu wangren na Gɔd, yu we bin de frɔm tɛm ɛn we de naw, di we we yu de jɔj ɔltin, tret!

Rɛvɛleshɔn 14:7

I tɔk lawd wan se, “Una fred Gɔd, ɛn prez am bikɔs i wɔndaful! Di tɛm dɔn kam fɔ mek i jɔj mɔtalman. Una fɔdɔm bifo am ɛn prez am, nain mek ɛvin, nain mek di dray grɔn, di big wata we de rawnd di dray grɔn ɛn dɛn wata we de bɔs na grɔn!”

Ozie 13:15

I se pan ɔl we nain go kɔmɔt fayn pan ɔl in brɔda dɛn, PAPA GƆD go mek briz kɔmɔt Ist na di ɛmti land we pɔsin nɔ go ebul tap ɛn di briz go dray ɔl dɛn de gɛda wata ɛn dɛn ol we wata kin bɔs, i go ivin mek ɔl wetin i bin dɔn gɛda dɔn.

Ayzaya 50:2

Wetin mek, wɛn a bin kam, nɔbɔdi nɔ de? Wɛn a kɔl, nɔbɔdi nɔ bin de fɔ ansa? Mi an dɔn shɔt we a nɔ ebul sev? Adinɔ a nɔ gɛt pawa fɔ diliva? Lisin, we a tɔk pan di si, i dray, A tɔn di riva dɛn to ɛmti ples we pɔsin nɔ go ebul tap; dɛn fish smɛl bikɔs dɛn nɔ gɛt wata, ɛn day wit tɔsti.

Ɛksodɔs 8:5

PAPA GƆD tɛl Mozis se, “Tɛl Erɔn mek i pɔynt di stik pan di riva dɛn, dɛn watasay, dɛn brij, dɛn wɛl ɛn ɔl usay wata de, dɛn akpɔlɔ go bɔs ɔlsay na di kɔntri.”

Izikɛl 35:8

Ɛn a go ful yu mawnten dɛm wit di wan dɛn we dɛn kil; dɛn wan we dɛn kil wit di sɔd go fɔdɔm na yu il dɛn, ɛn insay yu vali dɛm ɛn insay ɔl yu dip dip naro vali dɛm.

Di Sam Dɛm 78:44

I tɔn dɛn riva dɛn to blɔd; dɛn nɔ ebul drink na dɛn watasay.

Rɛvɛleshɔn 11:6

Dɛn gɛt pawa fɔ ol di ren mek i nɔ fɔdɔm di tɛm we dɛn de tɛl pipul di mɛsej we Gɔd sɛn. Ɛn igen, dɛn gɛt pawa fɔ mek wata we bɔs na grɔn tɔn blɔd; dɛn gɛt pawa fɔ sɛn ɛni kayn bad bad tin kam na di wɔl, ɛnitɛm we dɛn lɛk.