Rɛvɛleshɔn 16:21 - Krio Fɔs Oli Baybul

²¹ Big big ays ren bigin fɔdɔm pan mɔtalman frɔm ɛvin. Wan wan pan di ays ren bin we lɛkɛ wan ɔndrɛd pawn so. Di pipul dɛn bigin kɔs Gɔd bikɔs i mek dɛn big big ays ren ya fɔdɔm pan dɛn, we mek dɛn sɔfa bad bad wan.

Rɛvɛleshɔn 16:21 Referans Kwoze

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.

Rɛvɛleshɔn 16:9

Di pipul dɛn we di san in faya bin de bɔn, bigin kɔs Gɔd we gɛt pawa fɔ mek i tap dɛn bad bad tin ya. Bɔt dɛn nɔ gri lɛf fɔ sin ɛn dɛn nɔ gri prez Gɔd we gɛt pawa.

Rɛvɛleshɔn 16:11

dɛn bigin kɔs Gɔd na ɛvin fɔ di pen we dɛn bin de sɔfa ɛn dɛn so we bɔs pan dɛn. Pan ɔl dat, dɛn nɔ gri lɛf di bad bad tin dɛn we dɛn bin de du.

Rɛvɛleshɔn 8:7

Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Jɔshwa 10:11

Di Amorayt dɛn bin de rɔnawe pan di Izrɛlayt dɛn lɛk dɛn ed nɔ de. We dɛn bin de rɔndɔŋ di il na Bɛthɔrɔn, PAPA GƆD mek big big ston dɛn de kɔmɔt ɔp fɔdɔm pan dɛn ɛn kil dɛn te rich Azaka. Di wan dɛn we di ston dɛn kil bin plɛnti pas di wan dɛn we di Izrɛlayt dɛn bin kil.

Izikɛl 13:13

So, Papa Gɔd we na Gɔd se: a go mek wan ebi ebi briz blo bikɔs ɔf di vɛks we a vɛks; ɛn big big ren go kam bikɔs ɔf di vɛks we a vɛks; ɛn sɛf, insay di vɛks we a vɛks, big big broko broko ays go fɔdɔm fɔ pwɛl am.

Izikɛl 13:11

tɛl dɛn wan dɛn we dab di wɔl wit waytwɔsh se i go fɔdɔm. Big big ren go fɔdɔm ebi ebi wan ɛn broko broko ays go fɔdɔm ɛn ebi ebi briz go blo;

Ayzaya 8:21

Dɛn go pas insay di land wit bad bad pwɛl at ɛn aŋri; we dɛn aŋri, dɛn kin vɛks bad bad wan ɛn kin kɔs dɛn kiŋ dɛn ɛn dɛn Gɔd, ɛn dɛn kin es dɛn fes ɔp;

Ayzaya 30:30

Ɛn PAPA GƆD go mek pipul dɛn yɛri in kiŋ vɔys ɛn dɛn go si in an de kan dɔŋ fɔ blo wit bad bad vɛksteshɔn ɛn faya we de bɔn ɔltin, wit klawd we de sɛn tɛnda ɛn af af blɔk ays kan dɔŋ.

Ɛksodɔs 9:18

Go tumara bay dis tɛm a go sɛn big big tinada blo, dɔn di ren we go fɔdɔm go fiba grabul-grabul. Dis kayn ren ya nɔ wande fɔdɔm na Ijipt.

Ɛksodɔs 9:22

PAPA GƆD tɛl Mozis se fɔ es in an ɔp to di skay ɛn lɛ ren we fiba grabul-grabul fɔdɔm ɔlsay na Ijipt. Lɛ i fɔdɔm pan mɔtalman, pan animal ɛn ɔl di plant dɛn na di fam dɛn.

Job 38:22

Yu dɔn ɛva go na di sto we a de kip sno, ɔ di sto we a de kip lokɔs,

Job 38:23

we a dɔn kip fɔ di de we trɔbul go kam, di de we fɛt go fɔdɔm?