Rɛvɛleshɔn 16:2 - Krio Fɔs Oli Baybul

² Di fɔs enjɛl go trowe di tin we de insay in kɔp pan di grɔn, na de plɛnti bad bad so bɔs pan dɛn wan we gɛt di wayl bif in mak ɛn dɛn wan we bin de pre to di tin we dɛn mek fɔ tek mɛmba ɛn rɛspɛkt am.

Rɛvɛleshɔn 16:2 Referans Kwoze

Rɛvɛleshɔn 8:7

Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Rɛvɛleshɔn 16:11

dɛn bigin kɔs Gɔd na ɛvin fɔ di pen we dɛn bin de sɔfa ɛn dɛn so we bɔs pan dɛn. Pan ɔl dat, dɛn nɔ gri lɛf di bad bad tin dɛn we dɛn bin de du.

Ditarɔnɔmi 28:27

PAPA GƆD go mek dɛn gɛt di kayn bwɛl dɛn we di Ijipshian dɛn bin gɛt we dɛn bin de de. Dɛn go gɛt sofut, ɔl kayn skebiz ɛn krɔ krɔ na dɛn bɔdi, we nɔ go mɛn te dɛn day.

Apɔsul Dɛn Wok 12:23

Di Masta in enjɛl kam put sik pan Ɛrɔd bikɔs i nɔ rɛspɛkt Gɔd; wɔrɔm it in bɔdi ɛn i day.

Ayzaya 3:17

PAPA GƆD go put siknɛs pan Zayɔn in gyal pikin dɛn ed, ɛn PAPA GƆD go mek dɛn nekɛd.

2 Kronikuls 21:18

Afta ɔl dat PAPA GƆD mek i gɛt bad bad sik nain bɛlɛ we nɔ de mɛn.

2 Kronikuls 21:15

yu gɔ gɛt bad bad sik na yu bɛlɛ we go mek yu bɛlɛ de swɛl, aw di sik go de wɔs ɛvri de.

1 Samiɛl 5:9

Bɔt afta dɛn dɔn muf di ak go na Gath, PAPA GƆD kam ple wɔwɔ na da siti de ɛn kɔnfyushɔn fɔdɔm na di wanol ples. Ɔlman, yɔŋ ɛn ol, bigin gɛt di sem kayn bɔmp na dɛn bɔdi.

1 Samiɛl 5:6

PAPA GƆD mek bɔku waala de pan di pipul dɛn we bin tap na Ashdɔd ɛn di ɔda siti dɛn nia de. Dɛn bigin gɛt bɔmp bɔmp na dɛn bɔdi.

Ditarɔnɔmi 7:15

I tɛl dɛn se PAPA GƆD nɔ go mek ɛni siknɛs mit dɛn; nɔn pan di bad bad siknɛs dɛn we dɛn bin no na Ijipt nɔ go mit dɛn, bɔt na dɛn ɛnimi dɛn i go put dɛn pan.

Ayzaya 3:24

Bifo una gɛt pafyum, na bad bad sɛnt una go de gɛt; bifo una gɛt gadul, na rop go de; bifo una gɛt ia we mek fayn fayn wan, na bɔled dɛn go gɛt bifo dɛn gɛt dɛn dia dia klos, na saklɔth dɛn go tay; bifo dɛn fayn, na shem dɛn go shem.

Di Sam Dɛm 78:26

I mek di Ist wind blo oba di kamp ɛn bay in pawa di sawt wind insɛf blo.

Rɛvɛleshɔn 14:16

Di pɔsin we bin sidɔm pan di klawd swiŋ in nɛf pan di wɔl; di nɛf kɔt ɔl di tin dɛn we bin dɔn rɛdi fɔ kɔt.

Ditarɔnɔmi 28:35

PAPA GƆD go mek bad bad bwɛl dɛn we nɔ de mɛn kɔmɔt na dɛn ni dɛn ɛn dɛn lɛg dɛn, ɛn bwɛl go de frɔm dɛn ed to dɛn fut.

Rɛvɛleshɔn 13:12

Dis sɛkɛn wayl bif tek ɔl di fɔs wayl bif in pawa ɛn bigin yus di pawa bifo am. I fos ɔl di pipul dɛn na di wɔl fɔ pre to di fɔs wayl bif we in wund bin dɔn wɛl.

Rɛvɛleshɔn 14:9

Wan ɔda enjɛl we mek tri, kam, i bin de ala lawd wan se, “Ɛnibɔdi we de pre to di wayl bif ɛn di tin we dɛn mek fɔ de tek mɛmba ɛn rɛspɛkt am, ɛn we gri mek dɛn put in mak pan in fɔrɛd ɔ pan in an,

Rɛvɛleshɔn 16:1

Wɛn dat dɔn, na de a yɛri vɔys insay Gɔd in Os de tɔk to di sɛvin enjɛl dɛn se, “Una go tek dɛn sɛvin kɔp we ful wit di vɛks we Gɔd vɛks, ɛn trowe am pan di wɔl!”