Rɛvɛleshɔn 16:19 - Krio Fɔs Oli Baybul

¹⁹ Di big tɔŋ brok, i sheb tri say, ɛn dɛn tɔŋ ɔlɔbɔt na wɔl pwɛl. Gɔd nɔ fɔgɛt di big tɔŋ we dɛn kɔl Babilɔn, i mek di pipul dɛn drink di bita wayn we i mek fɔ dɛn, dat na di pɔnish we i de pɔnish dɛn fɔ ɔl di bad tin we dɛn du.

Rɛvɛleshɔn 16:19 Referans Kwoze

Rɛvɛleshɔn 18:5

Una fɔ no se Gɔd nɔ fɔgɛt di bad bad tin dɛn we i dɔn du, we dɔn payl te dɛn dɔn rich ɔp na ɛvin.

Rɛvɛleshɔn 18:10

Dɛn go fred wɛn dɛn si di big waala we mit di tɔŋ, dɛn go tinap fawe, de tɔk se, “Oya, da big tɔŋ, Babilɔn, we bin gɛt pawa, dɔn pwɛl; na wan awa nɔmɔ i tek fɔ bɔn kam dɔŋ na grɔn.”

Rɛvɛleshɔn 17:18

“Di uman we yu si, na da big tɔŋ we gɛt pawa oba dɛn wan we de rul na di wɔl.”

Rɛvɛleshɔn 18:21

Wɛn dat dɔn, wan enjɛl we gɛt plɛnti pawa pik wan big big ston lɛkɛ pɛpɛ ston ib am insay di wata, i se, “Na semwe so dɛn go ib da big tɔŋ we nem Babilɔn dɔŋ ɛn brok am, ɛn nɔbɔdi nɔ go si am igen.

Rɛvɛleshɔn 18:2

I ala lawd wan se, “Babilɔn, da tɔŋ we ɔlman no, dɔn pwɛl, i dɔn pwɛl pata pata; na ɔl kayn bad spirit tap de naw, ɔl dɛn wan we kɔmɔt to Setan; dɛn bad bɔd we pipul nɔ lɛk na dɛn dɔn go gɛda de.

Rɛvɛleshɔn 17:5

Wan nem we gɛt sikrit minin bin rayt pan in fɔrɛd, we se “Babilɔn we ɔlman no, we de bɔn ɔl dɛn pipul we liv fri layf, ɛn we de du ɔl dɛn tin we mɔtalman nɔ fɔ du wit in kɔmpin mɔtalman.”

Daniɛl 4:30

Nain i se, “Nɔ to di pawaful Babilɔn dis we a bil wit mi pawa; ples we fit fɔ kiŋ fɔ tap, lɛ pipul dɛn kɔle ɛn rɛspɛkt mi?”

Jɛrimaya 25:26

ɔl di kiŋ dɛm na di nɔt, di wan dɛn we de fa ɛn di wan dɛn we de nia, wan bay wan, ɛn ɔl di kɔntri dɛn na di wɔl we de na dis wɔl. Ɛn afta dɛm, na di kiŋ na Babilɔn go drink.

Rɛvɛleshɔn 11:8

ɛn dɛn dedebɔdi go ledɔm na trit na di big tɔŋ we dɛn bin nel di Masta na di krɔs. Da tɔŋ de gɛt nem we gɛt minin, lɛkɛ Sɔdɔm ɔ Ijipt.

Ayzaya 49:26

A go mek dɛn wan we aras yu, it dɛn yon flɛsh, ɛn dɛn go drɔnk wit dɛn yon blɔd lɛk se na wayn. Na datɛnde ɔl mɔtalman go no se, na Mi na PAPA GƆD we na una seviɔ, ɛn una Ridima, Jekɔb in Mayti Wan.”

Rɛvɛleshɔn 17:1

Wɛn ɔl dat dɔn, wan pan di sɛvin enjɛl dɛn we bin ol wan pan di sɛvin kɔp dɛn, kam tɔk to mi, i se, “Kam, mek a go sho yu aw dɛn go pɔnish da uman we liv fri layf we ɔlman no; di uman na da tɔŋ we dɛn bil klos dɛn plɛnti riva.