Rɛvɛleshɔn 16:18 - Krio Fɔs Oli Baybul

¹⁸ Laytin bigin kɔt, lawd nɔys bigin mek, tɛnda bigin krak, ɛn di grɔn bigin trimbul. Sins we Gɔd mek mɔtalman di grɔn nɔba trimbul bad wan so; na di tɛm dat we i trimbul bad pas ɔl!

Rɛvɛleshɔn 16:18 Referans Kwoze

Rɛvɛleshɔn 4:5

Laytin bin de flash, tɛnda bin de rol, plɛnti nɔys bin de na di say we di fɔs ay chia bin de, di sɛvin lamp dɛn bin layt frɔnt di chia, dɛn lamp ya na Gɔd in sɛvin spirit dɛn.

Daniɛl 12:1

Da tɛm de, Maykɛl, we na di pawaful akenjɛl we de kia fɔ una pipul, go grap. Tɛm go kam we trɔbul go de we nɔ bi wande frɔm we di wɔl bigin te tide; bɔt na da tɛm de dɛn go fri una pipul dɛn, ɔl dɛn wan dɛn we dɛn nem rayt insay di buk.

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.

Rɛvɛleshɔn 11:13

Da sem tɛm de, nain di grɔn trimbul bad bad wan; wan pan ɛvri tɛn say na di tɔŋ pwɛl pata pata, ɛn sɛvin tawzin pipul day. Di ɔda pipul dɛn we nɔ day, fred bad; dɛn bigin prez Gɔd we de rul na ɛvin.

Rɛvɛleshɔn 8:5

Dɛn di enjɛl tek di insɛns pɔt, i tek faya na di tebul we dɛn bin de mek sakrifays to Gɔd, put am insay di insɛns pɔt, dɔn i trowe am pan di wɔl. Na de tɛnda bigin krak, laytin bigin kɔt, big big nɔys bigin mek ɛn di grɔn bigin trimbul.

Rɛvɛleshɔn 6:12

Dɛn a si di Ship opin di pepa we rol na di say we mek siks we bin fasin. Na de di grɔn bigin trimbul bad bad wan, di san blak, lɛkɛ dɛn tik blak klos, di mun rɛd lɛkɛ blɔd.

Matyu 24:21

Di trɔbul we go bi da tɛm de go pas ɔl di wan dɛn we dɔn bi, frɔm di tɛm we Gɔd mek di wɔl sote naw, ɛn da kayn trɔbul de nɔ go bi igen.

Ayzaya 29:6

PAPA GƆD Ɔlmayti go go sɛn tɛnda ɛn atkwek ɛn bi-big nɔys pan una, wit da traŋa briz we de tɔn wan ples ɛn grap, ɛn ɛlɛba ɛlɛba briz ɛn di faya we nɔ de lɛf natin.