Rɛvɛleshɔn 16:15 - Krio Fɔs Oli Baybul

¹⁵ “Lisin! A de kam tɛm we una nɔ mekɔp, lɛkɛ wɛn tifman de kam! I go bɛtɛ fɔ di pɔsin we nɔ de slip ɛn we wɛr klos, so dat i nɔ go gɛt fɔ waka nekɛd ɛn shem bifo pipul!”

Rɛvɛleshɔn 16:15 Referans Kwoze

Rɛvɛleshɔn 3:18

So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.

Pita In Sɛkɛn Lɛta 3:10

Di Masta go kam bak lɛkɛ aw tifman de kam na nɛt. Big nɔys go de da tɛm de ɛn di klawd go lɔs; faya go bɔn ɔl wetin de na di klawd lɛkɛ sta ɛn mun; ɛn dis wɔl ɛn ɔl wetin lib de, go bɔn.

Matyu 25:13

Afta dat, Jizɔs tɔk to di pipul dɛn, i se, “Una fɔ waydawek, bikɔs una nɔ no di de ɔ di awa we Mɔtalman Pikin go kam.

2 Kɔrint 5:3

bikɔs wɛn wi de insay wi os we de na ɛvin, wi nɔ go de nekɛd.

Mak 14:38

Una fɔ waydawek ɛn una fɔ pre mek una nɔ go sin wɛn Setan tray una. Una want du di rayt tin, bɔt una nɔ gɛt di pawa fɔ du am.”

Apɔsul Dɛn Wok 20:31

Una fɔ de wach fɔ dɛn pipul ya we de lay ɛn una fɔ de mɛmba aw a sɔfa de ɛn nɛt fɔ tri ia wɛn a bin de wit una de tɛl una wetin Gɔd se.

Fɔs Lɛta Fɔ Tɛsalonayka 5:6

So wi nɔ fɔ tan lɛkɛ pipul we de slip, lɛkɛ dɛn ɔda pipul, wi fɔ waydawek ɛn wi fɔ soba.

Lyuk 21:36

Una fɔ waydawek ɛn una fɔ de pre ɔltɛm so dat una go gɛt trɛnk fɔ bia ɔl dɛn tin we go bi na dis wɔl ɛn una go ebul fɔ tinap bifo Mɔtalman Pikin.”

Matyu 26:41

Una nɔ slip, una pre, so dat Setan nɔ go tray una fɔ mek una sin. Una want du di rayt tin bɔt una nɔ gɛt di pawa fɔ du am.”

Ayzaya 47:3

Yu nekɛdnɛs go sho, ɛn yu shem go kɔmɔt na do. A go rivɛnj, ɛn a nɔ go lɛf nɔbɔdi.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Izikɛl 16:37

a go gɛda ɔl una switat, di wan dɛn we una bin de ɛnjɔy wit, ɔl di wan dɛn we una bin lɛk ɛn ɔl di wan dɛn we una bin de ɔlsay wit, ɛn a go pul una klos ɛn nekɛd una bifo dɛn, so dat ɔl man go si una nekɛdnɛs.

Abakɔk 2:15

Ɛni kɔntri we mek in neba sɔfa we i vɛks ɛn mek i nɔ no wetin fɔ du, te i de nekɛd insɛf, go alaki.

Ozie 2:3

Ɔ nɔ so a go trip am nekɛd lɛ ɔlman si am aw in mami bɔn am, so dat nɔn man nɔ go want am we i si am, ɛn a go mek i tan lɛk land we wata nɔ de, ɛn day wit tɔsti.

Ɛksodɔs 32:25

Mozis si se di pipul dɛn dɔn lɔstrak ɛn dɔn shem to dɛn ɛnimi, ɛn na Erɔn kɔz dat,

Fɔs Lɛta Fɔ Tɛsalonayka 5:4

Bɔt wi brɔda dɛn, una nɔ tan lɛkɛ dɛn pipul we de na dak, we nɔ no bɔt Gɔd ɛn we de sin, so una nɔ fɔ sɔprayz wɛn di De kam, lɛkɛ aw pipul kin sɔprayz wɛn tifman tif dɛn.

Rɛvɛleshɔn 3:11

A go kam bak, i nɔ go te igen. Una nɔ lɛf fɔ biliv wit ɔl una at dɛn tin we una dɔn lan, so dat nɔbɔdi nɔ go jɔg una blɛsin we una go gɛt bikɔs una dɔn tinap traŋa.

Rɛvɛleshɔn 22:7

Jizɔs se, “Lisin, i nɔ go te igen, a go kam bak! Blɛsin de fɔ ɛnibɔdi we go fala dɛn tin we Gɔd tɔk, we gɛt fɔ bi, we rayt na dis buk.”