Rɛvɛleshɔn 16:14 - Krio Fɔs Oli Baybul

¹⁴ Dɛn spirit ya kɔmɔt to Setan ɛn dɛn de du plɛnti tin we kin mek pipul wɔnda. Dɛn de go mit ɔl dɛn wan we de rul na di wɔl, ɛn kɔl dɛn fɔ kam gɛda ɛn rɛdi fɔ di wa we go bi da big de we Gɔd, we gɛt pawa pas ɔl, go sho in pawa.

Rɛvɛleshɔn 16:14 Referans Kwoze

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Fɔs Lɛta To Timoti 4:1

Gɔd in Spirit dɔn tɔk plen wan se tɛm go kam we sɔm pipul go lɛf fɔ biliv Gɔd; dɛn go de du wetin dɛn spirit we de lay tɛl dɛn fɔ du, ɛn dɛn go de fala wetin dɛbul lan dɛn.

Rɛvɛleshɔn 20:8

ɛn wɛn i kɔmɔt de, i go go mek ɔl dɛn neshɔn ɔlɔbɔt na wɔl, ful. Di neshɔn dɛn na bin Gɔg ɛn Magɔg. Setan go gɛda dɛn ɔl fɔ fɛt; dɛn go plɛnti lɛkɛ sansan.

Jɔn In Fɔs Lɛta 5:19

Wi no se wi na Gɔd yon pipul, pan ɔl we Setan de rul di ol wɔl.

Jems 3:15

Nɔto Gɔd gi mɔtalman dis kayn sɛns ya, na dis wɔl yon sɛns ɛn na Setan gi mɔtalman.

Rɛvɛleshɔn 16:16

Dɛn di spirit dɛn we kɔmɔt to Setan gɛda di wan dɛn we de rul na wɔl na da ples we dɛn kɔl “Amagɛdɔn” na Ibru.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Sɛkɛn Lɛta Fɔ Tɛsalonayka 2:9

Di wan we de fɛt Gɔd go kam wit Setan in pawa ɛn i go kam sho se in gɛt ɔl kayn pawa we i du plɛnti big wok we go mek pipul ful,

Mak 13:22

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de, dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.

Lɛta Fɔ Rom 1:8

Fɔs tin, a tɛl Gɔd tɛnki tru Jizɔs Krays fɔ una ɔl, bikɔs pipul ɔlɔbɔt na wɔl de yɛri se una dɔn biliv pan Jizɔs Krays.

Rɛvɛleshɔn 16:7

Dɛn a yɛri vɔys na di tebul we dɛn de mek sakrifays to Gɔd. Di vɔys de tɔk se, “Masta, Gɔd we gɛt pawa pas ɔl! Yu de jɔj rayt, ɛn yu de tɔk tru ɔltɛm!”

Rɛvɛleshɔn 13:3

I bin tan lɛkɛ se sɔmbɔdi bin dɔn wund wan pan di wayl bif in ed dɛn, bɔt di wund we bin fɔ mek i day, bin dɔn wɛl. Di wan ol wɔl bin wɔnda, dɛn bigin fala di wayl bif.

Rɛvɛleshɔn 6:17

Di tɛm dɔn kam we dɛn de sho se dɛn vɛks pan wi, udat go ebul sev insɛf?”

Izikɛl 14:9

Ɛn if dɛn lay gi di prɔfɛt ɛn i tɔk ɛnitin, na mi PAPA GƆD nɔ go dɔn tɔk tru, ɛn a go dil wit am, ɛn a go kil am kɔmɔt midul mi pipul dɛn, we na Izrɛl.

Lyuk 2:1

Dɛn tɛm de, Ɔgɔstɔs we na bin di kiŋ na Rom sɛn tɔk ɔlɔbɔt se ɔlman we de na Roman kɔntri mɔs go mek dɛn rayt dɛn nem dɔŋ na rɛjista.

1 Kiŋ 22:6

Di kiŋ fɔ Izrɛl sɛn kɔl ɔl di fo ɔndrɛd prɔfɛt dɛn ɛn aks dɛn if i fɔ go fɛt Ramɔt Giliad ɔ lɛ i nɔ go. Di prɔfɛt dɛn ɔl ansa am se lɛ i go, PAPA GƆD go mek i win.

Matyu 24:14

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

Jɔshwa 11:5

Ɔl di kiŋ dɛn mek dɛn kamp na Mɛrɔm Watasay. Dɛn ɔl mek wanwɔd fɔ bot Izrɛl.