Rɛvɛleshɔn 16:11 - Krio Fɔs Oli Baybul

¹¹ dɛn bigin kɔs Gɔd na ɛvin fɔ di pen we dɛn bin de sɔfa ɛn dɛn so we bɔs pan dɛn. Pan ɔl dat, dɛn nɔ gri lɛf di bad bad tin dɛn we dɛn bin de du.

Rɛvɛleshɔn 16:11 Referans Kwoze

Rɛvɛleshɔn 16:9

Di pipul dɛn we di san in faya bin de bɔn, bigin kɔs Gɔd we gɛt pawa fɔ mek i tap dɛn bad bad tin ya. Bɔt dɛn nɔ gri lɛf fɔ sin ɛn dɛn nɔ gri prez Gɔd we gɛt pawa.

Rɛvɛleshɔn 16:21

Big big ays ren bigin fɔdɔm pan mɔtalman frɔm ɛvin. Wan wan pan di ays ren bin we lɛkɛ wan ɔndrɛd pawn so. Di pipul dɛn bigin kɔs Gɔd bikɔs i mek dɛn big big ays ren ya fɔdɔm pan dɛn, we mek dɛn sɔfa bad bad wan.

Rɛvɛleshɔn 16:2

Di fɔs enjɛl go trowe di tin we de insay in kɔp pan di grɔn, na de plɛnti bad bad so bɔs pan dɛn wan we gɛt di wayl bif in mak ɛn dɛn wan we bin de pre to di tin we dɛn mek fɔ tek mɛmba ɛn rɛspɛkt am.

Rɛvɛleshɔn 11:13

Da sem tɛm de, nain di grɔn trimbul bad bad wan; wan pan ɛvri tɛn say na di tɔŋ pwɛl pata pata, ɛn sɛvin tawzin pipul day. Di ɔda pipul dɛn we nɔ day, fred bad; dɛn bigin prez Gɔd we de rul na ɛvin.

Rɛvɛleshɔn 2:21

A bin lɛf am lili bit mek i go gɛt chans fɔ lɛf fɔ sin, bɔt i nɔ gri lɛf.

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Di Sam Dɛm 136:26

Tɛl di PAPA GƆD na ɛvin tɛnki in lɔv de de sote go.

Ɛzra 7:23

Una mek shɔ se una provayd ɛnitin we di GƆD na ɛvin want fɔ in os, bikɔs nɔn rizin nɔ de fɔ mek PAPA GƆD vɛks pan di kiŋ we de rul ɛn in bɔypikin dɛn.

Ɛzra 6:10

Ɔl dis na fɔ lɛ dɛn go mek sakrifays to di GƆD na ɛvin we go mek i gladi ɛn dɛn go pre fɔ mi ɛn mi bɔypikin dɛn to di GƆD na ɛvin.

Ɛzra 1:2

“Dis na wetin Kiŋ Sayrɔs na Pashia tɔk: ‘PAPA GƆD we na GƆD na ɛvin dɔn gi mi ɔl di kindɔm dɛn na di wɔl fɔ rul, ɛn i dɔn gi mi ɔda fɔ bil os fɔ am insay Jerusɛlɛm na Juda.

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Nɛimaya 2:4

Di kiŋ aks mi wetin a want. Dɛn a jɛs pre kwik wan to PAPA GƆD na ɛvin ɛn

Nɛimaya 1:4

We a yɛri dis, a sidɔm ɛn kray. Infakt sɛf fɔ sɔntɛm mi at nɔ swit. A fast ɛn pre to PAPA GƆD.

Ɛzra 7:21

Mi, Kiŋ Atazaksis de gi ɔda to ɔl di trɛzhɔra dɛn na di wɛst pat na Riva Yufretis fɔ sɔplay ɛnitin we Ɛzra di man we de mek sakrifays fɔ pipul sin ɛn bukman, we no PAPA GƆD na ɛvin in Lɔ, want witawt dile.

Ɛzra 7:12

“Frɔm Kiŋ Atazaksis, di kiŋ fɔ dɛn ɔda kiŋ dɛn. To Ɛzra di man we de mek sakrifays fɔ pipul sin, ticha fɔ di GƆD na ɛvin in Lɔ. A de tɛl yu adu.

2 Kronikuls 36:23

“Na dis Sayrɔs kiŋ na Pashia se, “PAPA GƆD di Gɔd we gɛt ɛvin dɔn gi mi ɔl di kindɔm dɛn na wɔl ɛn i dɔn put am to mi se a fɔ bil os fɔ am na Jerusɛlɛm. Ɛni wan pan una pan ɔl in pipul dɛm, mek in Gɔd de wit am. Lɛ i go.”

Jona 1:9

I tɛl dɛn se in na Ibru ɛn dat na PAPA GƆD we na di GƆD we mek ɛvin ɛn ath i de wɔship.

2 Kronikuls 28:22

Wɛn i de pan in trɔbul, na da tɛm de i kɔmɔt biɛn PAPA GƆD bɛtɛ bɛtɛ wan – dis sem kiŋ Eaz.