Rɛvɛleshɔn 16:10 - Krio Fɔs Oli Baybul

¹⁰ Dɛn di enjɛl we mek fayv trowe di tin we de insay in kɔp pan di wayl bif in chia we i kin sidɔm pan fɔ rul. Ɔl di say dɛn we di wayl bif bin de rul, dak wantɛm, pipul bigin sɔfa bad bad pen, we mek dɛn bɛt dɛn tɔŋ,

Rɛvɛleshɔn 16:10 Referans Kwoze

Rɛvɛleshɔn 9:2

Di sta opin di dip ol, na de plɛnti smok kɔmɔt insay de, lɛkɛ se na big big faya i de kɔmɔt; di san in layt nɔ shayn, bikɔs di smok mek di ples dak.

Matyu 8:12

Bɔt Gɔd go sɛn dɛn wan we bin fɔ de na di ples we i de rul, go ɛl, ɛn dɛn go kray bita wan ɛn bɛt dɛn tɔŋ.”

Rɛvɛleshɔn 18:23

lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”

Rɛvɛleshɔn 17:17

Gɔd go mek di kiŋ dɛn want fɔ du wetin in want, so dat dɛn ɔl go gɛt wanwɔd, ɛn dɛn go gi di wayl bif dɛn pawa fɔ rul, te ɔltin bi lɛkɛ aw i bin dɔn tɔk.

Matyu 22:13

Di kiŋ tɛl in bɔy dɛn se, ‘Una tay dis man in an ɛn fut, ɛn trowe am na da dak ples we i go kray bita wan ɛn bɛt in tɔŋ!’”

Rɛvɛleshɔn 18:21

Wɛn dat dɔn, wan enjɛl we gɛt plɛnti pawa pik wan big big ston lɛkɛ pɛpɛ ston ib am insay di wata, i se, “Na semwe so dɛn go ib da big tɔŋ we nem Babilɔn dɔŋ ɛn brok am, ɛn nɔbɔdi nɔ go si am igen.

Lyuk 13:28

Una go si Ebraam, Ayzak, Jekɔb ɛn ɔl dɛn prɔfɛt insay di ples we Gɔd de rul, bɔt una go kray bita wan ɛn bɛt una tɔŋ bikɔs dɛn lɔk una na do.

Matyu 24:51

Di masta go pɔnish am bad wan, ɛn i go put am na di ples we dɛn ipokrit pipul de kray bita wan ɛn bɛt dɛn tɔŋ; insɛf go kray bita wan ɛn bɛt in tɔŋ.

Di Sam Dɛm 78:49

I bin so vɛks pan dɛn, dat i sɛn in enjɛl dɛn we dɛn yon wok na fɔ distrɔy fɔ sho aw i vɛks.

Rɛvɛleshɔn 17:9

“Na dat mek pipul fɔ gɛt sɛns ɛn dɛn fɔ sabi wetin dɛn tin ya, min. Di sɛvin ed dɛn na di sɛvin ay il dɛn we di uman bin sidɔm pan. Ɛn igen dɛn min sɛvin kiŋ:

Matyu 13:50

ɛn dɛn go sɛn di bad pipul dɛn go na ɛl faya, dɛn go kray bita wan ɛn bɛt dɛn tɔŋ de.”

Matyu 13:42

Ɛn di enjɛl dɛn go trowe di bad pipul dɛn na ɛl faya, ɛn dɛn go kray bita wan ɛn bɛt dɛn tɔŋ.

Rɛvɛleshɔn 18:2

I ala lawd wan se, “Babilɔn, da tɔŋ we ɔlman no, dɔn pwɛl, i dɔn pwɛl pata pata; na ɔl kayn bad spirit tap de naw, ɔl dɛn wan we kɔmɔt to Setan; dɛn bad bɔd we pipul nɔ lɛk na dɛn dɔn go gɛda de.

Rɛvɛleshɔn 11:10

Di pipul dɛn na wɔl go gladi we dɛn tu pipul ya day. Dɛn go mek pati ɛn dash dɛn kɔmpin bikɔs dɛn tu prɔfɛt ya bin de tɛl pipul Gɔd in mɛsej we bin de tɔmɛnt dɛn.

Rɛvɛleshɔn 11:8

ɛn dɛn dedebɔdi go ledɔm na trit na di big tɔŋ we dɛn bin nel di Masta na di krɔs. Da tɔŋ de gɛt nem we gɛt minin, lɛkɛ Sɔdɔm ɔ Ijipt.

Rɛvɛleshɔn 11:2

Bɔt nɔ mɛnshɔ di sɛkɛn opin ples we de rawnd Gɔd in Os bikɔs da ples de na fɔ dɛn pipul we nɔto Gɔd yon pipul, ɛn dɛn pipul de go mas Gɔd in tɔŋ ɔnda dɛn fut fɔ fɔti-tu mɔnt.

Pita In Fɔs Lɛta 2:17

Una fɔ rɛspɛkt ɔlman, lɛk una kɔmpin Kristiɛn dɛn, fred Gɔd, ɛn rɛspɛkt di man we de rul oba ɔl dɛn ɔda rula dɛn.

Rɛvɛleshɔn 8:12

Di enjɛl we mek fo blo in trɔmpɛt. Sɔntin nak wan pam tri pat pan di san we mek da pat de dak; sɔntin nak wan pan di tri pat pan di mun we mek da pat de dak; sɔntin nak wan pat pan di tri say we di sta dɛn de we mek dɛn dak; so dat mek, wan pat pam tri pat na de tɛm dak, ɛn na semwe so i bin bi na nɛt.