Rɛvɛleshɔn 16:1 - Krio Fɔs Oli Baybul

¹ Wɛn dat dɔn, na de a yɛri vɔys insay Gɔd in Os de tɔk to di sɛvin enjɛl dɛn se, “Una go tek dɛn sɛvin kɔp we ful wit di vɛks we Gɔd vɛks, ɛn trowe am pan di wɔl!”

Rɛvɛleshɔn 16:1 Referans Kwoze

Zɛfinaya 3:8

PAPA GƆD se lɛ dɛn jɛs wet fɔ di tɛm we in go rɛdi fɔ tɔk bɔt ɔl wetin dɛn de du. I se in dɔn mekɔp in maynd fɔ briŋ ɔl di neshɔn dɛn togɛda dɔn i go sho dɛn aw i vɛks. Ɔl in jɛlɔs vɛksteshɔn nain i go put pan dɛn ɛn dɔnawe wit ɔlman na wɔl.

Rɛvɛleshɔn 15:1

A si wan ɔda wɔndaful tin na di klawd we mek a bin jɛs de wɔnda. Sɛvin enjɛl dɛn bin de wit sɛvin bad bad tin dɛn, we na di las wan dɛn, bikɔs na di las tin dɛn dat, we Gɔd go tek sho mɔtalman se in vɛks pan dɛn.

Jɛrimaya 10:25

Tɔn mi vɛksteshɔn pan di neshɔn we nɔ no yu, ɛn pan di pipul dɛn we nɔ de pre to yu; bikɔs dɛn dɔn kil Jekɔb; dɛn dɔn kil am ɛn it am, ɛn dɛn dɔn mek di ples we i bin tap, yuslɛs.

Rɛvɛleshɔn 16:17

Dɛn di enjɛl we mek sɛvin trowe di tin we de insay in kɔp na di briz, na de lawd vɔys tɔk na di chia we Gɔd sidɔm insay in Os na ɛvin, i se, “Ɔltin dɔn dɔn!”

Di Sam Dɛm 79:6

Put yu vɛksteshɔn pan di pipul na dɛn kɔntri we nɔ no yu ɔ we nɔ de pre to yu;

Izikɛl 10:2

Nain i tɛl di man we bin wɛr di linin klos se, “Go insay di wil dɛm we de tɔn wit spid ɔnda di Chɛryubim dɛm; ful yu an dɛn wit di faya kol dɛn we de kech bitwin di Chɛryubim dɛm, ɛn skata dɛn oba di big siti.” Ɛn a bin si am we i de go.

Rɛvɛleshɔn 14:18

Dɛn wan ɔda enjɛl we bin de gyad di faya, kɔmɔt klos di tebul we dɛn bin de mek sakrifays to Gɔd, kam. I ala lawd wan tɛl di enjɛl we ol di nɛf se, “Tek yu nɛf, kɔt dɛn greps we dɛn go tek mek wayn, dɛn dɔn rɛp!”

Rɛvɛleshɔn 14:15

Wan ɔda enjɛl kɔmɔt na Gɔd in Os, i ala lawd wan tɛl di pɔsin we sidɔm pan di klawd se, “Tek yu nɛf kɔt dɛn tin we dɔn rɛdi fɔ kɔt, di rayt tɛm dɔn rich, di tin dɛn we dɛn bin plant na wɔl dɔn rɛdi fɔ kɔt!”

1 Samiɛl 15:3

So naw in di Sɔl fɔ go atak di Amalɛkayt dɛn ɛn dɔnawe wit dɛn kpatakpata. I nɔ fɔ lɛf natin, man, uman, pikin, bebi, kaw, ship, kamɛl, dɔŋki, dɛn ɔl fɔ go.

1 Samiɛl 15:18

ɛn dat na di sem PAPA GƆD sɛn am fɔ go dɔnawe wit dɛn bad bad Amalɛkayt dɛn. I tɛl am se PAPA GƆD sɛn am fɔ dɔnawe wit dɛn kpatakpata,

Izikɛl 22:31

Fɔseka dat, a dɔn put mi vɛksteshɔn pan dɛm; a dɔn kil dɛm wit mi wamat in faya; a dɔn pe dɛn bak bay aw dɛn biev. Na dis Papa Gɔd we na Gɔd tɔk se.”

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.