Rɛvɛleshɔn 15:5 - Krio Fɔs Oli Baybul

⁵ Wɛn dat dɔn, a luk bak, na de a si di ples we Gɔd sidɔm nain bafa na ɛvin opin, dat na di ples we dɛn de kip di agrimɛnt we Gɔd mek wit mɔtalman.

Rɛvɛleshɔn 15:5 Referans Kwoze

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.

Di Nɔmba Dɛm 1:50

bifo dat, i fɔ pik sɔm pan dɛn we go de inchaj ɔf di tɛnt we PAPA GƆD fɔ de, fɔ mek dɛn tek kia ɔf ɔltin we de insay de. Dɛn sɔpoz fɔ tot di tɛnt, wit ɔl wetin de insay am; tek gud kia ɔf am ɛn bil dɛn tɛnt dɛn rawnd am.

Matyu 27:51

Di tik tik kɔtin we bin ɛŋ na Gɔd in Os chɛr tu, frɔm ɔp sote kam dɔŋ. Di grɔn shek, dɔn di big ston dɛn brok.

Di Nɔmba Dɛm 1:53

bɔt di Livayt dɛn fɔ mek shɔ se dɛn bil dɛn tɛnt dɛn rawnd di tɛnt we PAPA GƆD fɔ de so dat waala nɔ go mit ɔlman na di Izrɛlayt kɔmyuniti. Na di Livayt dɛn dyuti fɔ tek kia ɔf di tɛnt we PAPA GƆD fɔ de. Na so PAPA GƆD se.

Ɛksodɔs 38:21

Na ɔl dɛn tin dɛn yaso dɛn bin yuz fɔ mek di Tɛnt we PAPA GƆD fɔ de, usay dɛn bin kip di tu ston tablɛt we di Tɛn Kɔmandmɛnt bin rayt pan. Na Mozis bin supavays di Livayt dɛn we bin de wok ɔnda Ithama fɔ kɔnt dɛn. Ithama in Papa na Erɔn, we de mek sakrifays fɔ pipul sin.

Ɛksodɔs 25:21

Yu fɔ put di tu ston tablɛt dɛn insay di bɔks ɛn tek di kɔba, kɔba am.

Di Ibru Pipul Dɛn 8:5

Di wok we dɛn bin de du bin jɛs tan lɛkɛ pikchɔ we de sho di wok we Jizɔs we na di edman we de mek sakrifays fɔ pipul sin, we wi gɛt, de du na ɛvin. Di Bafa na lɛkɛ pikchɔ we sho aw di ples, we Gɔd de, tan. Wɛn Mozis bin rɛdi fɔ bil di Bafa, dat na di ples we dɛn man we de mek sakrifays fɔ pipul sin bin de du dɛn wok, Gɔd tɛl am se, “Tek tɛm bil ɔltin jɛs lɛkɛ aw a bin sho yu wɛn yu bin de na Mawnt Saynay.”

Rɛvɛleshɔn 13:6

I bigin kɔs Gɔd, pwɛl in nem, tɔk bad bɔt di ples we i de ɛn tɔk bad bɔt ɔl dɛn wan we de na ɛvin.