Rɛvɛleshɔn 15:4 - Krio Fɔs Oli Baybul

⁴ Masta, udat de we nɔ go fred yu? Udat nɔ go gri fɔ tɛl ɔda pipul bɔt yu pawa? Na yu wangren na Gɔd. Ɔl dɛn pipul na ɔl dɛn neshɔn go kam fɔdɔm bifo yu ɛn prez yu, bikɔs ɔlman dɔn si se di jɔj we yu de jɔj, gud.”

Rɛvɛleshɔn 15:4 Referans Kwoze

Di Sam Dɛm 86:9

PAPA GƆD na yu mek ɔl dɛn neshɔn ɔl dɛn neshɔn de go kam wɔship yu; dɛn ɔl go jɔyn fɔ prez yu nem

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Jɛrimaya 10:7

Udat de we nɔ go fred yu, Yu we kiŋ fɔ di neshɔn dɛm? Bikɔs ɔlman sɔpoz fɔ rɛspɛkt yu; bikɔs pan ɔl dɛn wan dɛn we gɛt sɛns bad bad wan na di neshɔn dɛm ɛn insay ɔl dɛn kindɔm dɛm, nɔn nɔ de we tan lɛkɛ yu.

Di Sam Dɛm 22:27

Ɔlman na wɔl go mɛmba se i fɔ prez PAPA GƆD ɛn nain go bi PAPA GƆD insay ɔl di os dɛn,

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Rɛvɛleshɔn 14:7

I tɔk lawd wan se, “Una fred Gɔd, ɛn prez am bikɔs i wɔndaful! Di tɛm dɔn kam fɔ mek i jɔj mɔtalman. Una fɔdɔm bifo am ɛn prez am, nain mek ɛvin, nain mek di dray grɔn, di big wata we de rawnd di dray grɔn ɛn dɛn wata we de bɔs na grɔn!”

Zɛkaraya 14:16

Dɛn di wan dɛn we nɔ day na dɛn neshɔn we bin atak Jerusɛlɛm, go go wɔship PAPA GƆD Ɔlmayti lɛkɛ aw dɛn kin du we dɛn de sɛlibret di tɛm we dɛn kin tap na bafa fɔ mɛmba aw dɛn bin de wirɔn na di ɛmti land we pɔsin nɔ go ebul tap.

Ayzaya 25:3

Na dat mek traŋa pipul dɛm go glorifay yu; dɛn siti we pipul dɛn we de du bad ɛn nɔ luk biɛn, tap, go fred yu.

Ayzaya 45:23

A dɔn swɛ wit mi nem, raychɔs wɔd dɔn kɔmɔt na mi mɔt, ɛn na wɔd we nɔ go tɔn bak; Na to mi ɔlman go baw ɛn kɔnfɛs,”

Rɛvɛleshɔn 4:8

Dɛn ɔl fo bin gɛt siks siks wiŋ dɛn; soso yay bin kɔba dɛn ɔlɔbɔt. Ol de ol nɛt dɛn nɔ de tap fɔ siŋ se, “Gɔd na di Masta we gɛt pawa pas ɔl, nain wangren na Gɔd, i nɔ sin wande, i gud pas ɔl. I bin de bifo di wɔl mek, i de naw ɛn i go kam bak.”

Pita In Fɔs Lɛta 1:16

Dɛn rayt na Gɔd in Buk se, Gɔd se, “Una nɔ fɔ gɛt natin fɔ du wit ɛnitin we bad lɛkɛ we misɛf nɔ gɛt natin fɔ du wit ɛnitin we bad.”

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Rɛvɛleshɔn 16:7

Dɛn a yɛri vɔys na di tebul we dɛn de mek sakrifays to Gɔd. Di vɔys de tɔk se, “Masta, Gɔd we gɛt pawa pas ɔl! Yu de jɔj rayt, ɛn yu de tɔk tru ɔltɛm!”

Rɛvɛleshɔn 19:2

I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Ayzaya 26:9

Mi sol kin aŋri fɔ yu na nɛt, mi spirit we de insay mi de luk fɔ yu. Bikɔs we yu jɔjmɛnt dɛn de na wɔl, di pipul dɛn na wɔl de lan fɔ waka tret wit yu.

Di Sam Dɛm 89:7

We dɛnsɛf kin gɛda, dɛn de sho se dɛn de fred ɛn rɛspɛkt yu; na PAPA GƆD nɔmɔ kin de da we de pas ɔl di ɔda wan dɛn.

Lɛta Fɔ Rom 15:9

ɛn igen, i kam fɔ mek dɛn pipul we nɔto Ju prez Gɔd fɔ we i sɔri fɔ dɛn ɛn briŋ dɛn kam to insɛf. Lɛkɛ aw dɛn rayt na Gɔd in Buk, we dɛn se, “So a go tɛl yu tɛnki wɛn a de wit dɛn pipul we nɔto Ju; a go siŋ ɛn prez yu nem.”

Ozie 3:5

Tɛm go kam we di Izrɛlayt dɛn go tɔn bak to PAPA GƆD we na dɛn Gɔd, ɛn Devid go bi dɛn kiŋ; dɔn dɛn go gɛt fred fɔ PAPA GƆD ɛn ɔl di gud we i go du fɔ dɛn bambay.

Ayzaya 6:3

Wande tɔk to di ɔda wan se: “PAPA GƆD Ɔlmayti oli, I oli, I oli; di wanol wɔl ful wit in glori.”

Di Sam Dɛm 111:9

I mek we fɔ dɛn fɔ kɔmɔt pan waala; i bin dɔn se in Kɔvinant fɔ de sote go. In na PAPA GƆD we oli ɛn fɔ fred am.

Rɛvɛleshɔn 6:10

Dɛn bin de ala lawd wan se, “Masta, yu we yu pawa pas ɔl pawa, yu we tru ɛn yu we na yu wangren na Gɔd, aw lɔŋ igen wi fɔ wet bifo yu go jɔj dɛn pipul na wɔl ɛn pɔnish dɛn bikɔs dɛn bin kil wi?”

Abakɔk 1:12

Abakɔk aks PAPA GƆD se if nɔto in na PAPA GƆD frɔm tɛm. Di PAPA GƆD we oli. I se in no se dɛn nɔ go day as na PAPA GƆD pik di Babilonian dɛn fɔ pɔnish dɛn.

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Di Sam Dɛm 105:7

In na PAPA GƆD, wi waŋren PAPA GƆD; nain de rul di wanol wɔl.

Di Sam Dɛm 99:9

Lɛ wi tɛl ɔlman se, PAPA GƆD wi PAPA GƆD na big PAPA GƆD. Lɛ wi wɔship am nain oli mawnten bikɔs in na oli PAPA GƆD.

Di Sam Dɛm 22:3

Yu de mek so nɔmɔ bɔt yu na di oli PAPA GƆD we Izrɛl de pre to bikɔs yu de rul as Kiŋ.

1 Samiɛl 2:2

“Nɔbɔdi nɔ de we oli lɛk PAPA GƆD: Natin nɔ de we tan lɛk am; Natin nɔ kin kɔba wi lɛk aw PAPA GƆD de kɔba wi.

Ayzaya 60:5

Dɔn yu go si ɛn go shayn, yu at go pliz ɛn gladi pasmak, bikɔs dɛn go gi yu di beberebe tin dɛn we de na di si, di neshɔn dɛn jɛntri go kam to yu.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Ayzaya 24:15

So, una we de na di ist fɔ glorifay PAPA GƆD; una we de na dɛn kɔntri dɛn we de nia di si, una glorifay PAPA GƆD we na Izrɛl dɛn Gɔd.

Di Sam Dɛm 99:5

Wɔship PAPA GƆD we na PAPA GƆD na di say we i sidɔm as Kiŋ; in na oli PAPA GƆD.

Di Sam Dɛm 97:8

PAPA GƆD di pipul na Zayɔn yɛri bɔt aw yu de jɔj ɛn gladi fɔ dat; dɛn wan dɛnsɛf we de na Juda ɔl gladi.

Di Sam Dɛm 22:23

Ɔl udat gɛt fred fɔ PAPA GƆD, lɛ wi prez am! Ɔl udat gɛt Jekɔb as grampa fɔ tɔk gud bɔt PAPA GƆD! Ɔl udat gɛt Izrɛl as grampa fɔ sho se dɛn gɛt rɛspɛkt fɔ PAPA GƆD, bad!

Jɛrimaya 5:22

PAPA GƆD se, una nɔ de fred mi? Una nɔ de trimbul bifo mi? A put sansan as bawndri fɔ di si, baria we de de ɔltɛm we i nɔ de pas; i lɛk aw di swɛlin dɛn tɔnɔbɔ, dɛn nɔ de pas da bawndri de, i lɛk aw dɛn ala, dɛn nɔ go ebul jomp am.

Rɛvɛleshɔn 16:5

A yɛri di enjɛl we bin de gyad di wata de tɔk se, “Yu we na yu wangren na Gɔd, yu we bin de frɔm tɛm ɛn we de naw, di we we yu de jɔj ɔltin, tret!

Rɛvɛleshɔn 19:8

Dɛn gi am fayn klin wayt linin klos fɔ wɛr.” (Di fayn linin de sho aw Gɔd in pipul dɛn de waka tret.)