Biblia Todo Logo
Bib sou entènèt

- Piblisite -




Rɛvɛleshɔn 15:3 - Krio Fɔs Oli Baybul

3 Dɛn bin de siŋ di siŋ we Mozis, we de wok fɔ Gɔd, bin siŋ lɔntɛm. Da siŋ de na di Ship in siŋ; di siŋ se, “Masta, Gɔd we gɛt pawa pas ɔl, yu wok dɛn big ɛn dɛn wɔndaful! Na yu na di kiŋ we de rul oba ɔl dɛn neshɔn, yu de du wetin rayt, yu de tɔk wetin tru ɔltɛm!

Gade chapit la Kopi




Rɛvɛleshɔn 15:3
49 Referans Kwoze  

PAPA GƆD in wok big ɛn ɔl udat lɛk am de wɔnda pan wetin i de du.


A go prez yu bikɔs aw yu mek mi na mirekul; a no gud gud wan se, ɔl wetin yu mek wɔndaful.


PAPA GƆD nɔ miks pan bɛnbɛn ɛn i gud pan ɔl wetin i de du.


Mozis na bin wokman we put ɔl in at pan ɔl di wok we i bin de du na Gɔd in Os. I bin de tɛl pipul wetin Gɔd go se bambay.


Bikɔs PAPA GƆD na wi jɔj, PAPA GƆD na wi rula. PAPA GƆD na wi kiŋ; i go sev wi.


Udat gɛt sɛns fɔ ɔndastand dɛn tin ya; udat ebul fɔ no wetin i min, lɛ i no; bikɔs PAPA GƆD de du wetin rayt ɛn pipul dɛn we rɛspɛkt PAPA GƆD de du wetin i se bɔt udat nɔ du wetin i se go ambɔg.


I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.


Gɔd mek Mozis gi wi di Lɔ, bɔt i mek Jizɔs Krays sho wi aw i lɛk wi ɛn tɛl wi ɔl di tru tin dɛn bɔt insɛf.


PAPA GƆD gud ɛn i nɔ de chenj in maynd we i lɛk yu. I fethful to in pipul ɛn ɔl dɛn jɛnareshɔn.


We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.


I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”


Di wan ɔndrɛd ɛn fɔti-fo tawzin pipul dɛn tinap bifo di ay chia we Gɔd sidɔm pan, bifo di fo tin dɛn we gɛt layf, ɛn bifo di bigman dɛn. Dɛn bin de siŋ wan nyu siŋ we na dɛn wan nɔmɔ, we Krays bin dɔn pe fɔ na wɔl wit in blɔd, bin ebul lan ɛn siŋ am.


Mozis bin kɔl mitin usay i tich ɔlman di siŋ we PAPA GƆD bin gi am. Na so di siŋ bin go:


Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”


Dɛn se, “Masta, yu we na Gɔd, we gɛt pawa pas ɔl, we bin de frɔm tɛm, ɛn we stil de naw! Wi tɛl yu tɛnki bikɔs yu dɔn tek yu pawa we pas ɔl ɛn bigin rul oba di wɔl!


Dɛn ɔl fo bin gɛt siks siks wiŋ dɛn; soso yay bin kɔba dɛn ɔlɔbɔt. Ol de ol nɛt dɛn nɔ de tap fɔ siŋ se, “Gɔd na di Masta we gɛt pawa pas ɔl, nain wangren na Gɔd, i nɔ sin wande, i gud pas ɔl. I bin de bifo di wɔl mek, i de naw ɛn i go kam bak.”


Wɛn i kam nia di ol we Daniɛl bin de, i ala lawd wan wit bɔku pen nain vɔys se, “Daniɛl, PAPA GƆD we de sote go we na yu PAPA GƆD we yu de wok fɔ ɔl tɛm, i bin ebul fɔ sev yu frɔm di layɔn dɛn?”


Tɔk ɛn put una kes; lɛ dɛn ɛŋed togɛda! Udat bin tɔk dis lɔntɛm? Udat bin anawns am frɔm di biginin? Nɔto bin Mi, PAPA GƆD? Ɛn nɔn ɔda Gɔd nɔ de apat frɔm mi, Gɔd we de waka tret ɛn we de sev; nɔn ɔda wan nɔ de apat frɔm mi.


Pipul go tɔk bɔt di wɔndaful pawa we yu gɛt, dɔn mi go lɛf de tɛl ɔlman bɔt di wɔndaful tin dɛn we yu dɔn du.


Dis kiŋ ya in wok big ɛn i de jɔj tret wan; i dɔn mek lɔ na Izrɛl fɔ sho se ɔlman na wan; ɛn mek dɛn no aw fɔ du tin dɛn we rayt.


Wan nem bin rayt pan in klos ɛn pan in lɛg, dat na “Kiŋ we de rul oba ɔl dɛn kiŋ, ɛn Masta oba ɔl dɛn masta.”


PAPA GƆD in de du tin tret wan ɔltɛm, i nɔ de du natin rɔŋ; ɛvride i nɔ de taya fɔ sho se i de du tin fia wan. Bɔt usay! Di pipul dɛn nɔ de chenj. Dɛn nɔ gɛt shem. Dɛn stil de du bad.


PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.


Mɛmba ɔl di wɔndaz we PAPA GƆD dɔn du, di mirekul dɛn we i dɔn ple, di jɔj we i jɔj wi ɛnimi dɛn fɔ wi.


I ple mirekul dɛn frɔnt dɛn fes. Dɛn si dɛn korokoro wan na Ijipt na di Zoan rijɔn.


we kin du big tin dɛn we pɔsin nɔ ɔndastand, wɔndaful tin dɛn we pɔsin nɔ ebul kɔnt;


So di kiŋ sɛn kɔl Jɛoiada we na di lida ɛn aks am se, “Wetindu yu nɔ mek di Livayt dɛn briŋ di taks we Mozis we na PAPA GƆD in wokman bin se di pipul dɛn na Juda ɛm Jerusɛlɛm fɔ pe we dɛn go gɛda fɔ di tɛnt ɔf di tɛstimoni we Izrɛl kin ol?”


Earɔn ɛn in bɔypikin dɛm bin de mek bɔn sakrifays ɛn na di ɔlta we dɛn bin de bɔn insɛns fɔ ɔl di wok na di ples we oli pas ɔl, ɛn fɔ beg PAPA GƆD fɔ dɛn sin jɛs lɛk ɔl wetin Mozis we na bin PAPA GƆD in wokman, bin tɛl dɛn fɔ du.


Wan ɔda enjɛl bin de fala di fɔs wande tɔk se, “Babilɔn dɔn pwɛl! Da big tɔŋ, Babilɔn, dɔn pwɛl! Nain bin de gi ɔlman in wayn fɔ drink; da wayn de na di fri layf we pipul dɛn bin de pan, ɛn we kin mek dɛn du ɛni bad tin we dɛn at gi dɛn fɔ du.”


Di wanol Izrɛl dɔn disobe yu ɛn tɔn wi bak, ɛn nɔ gri fɔ du wetin yu se. Di swɛ dɛn ɛn di wanwɔd we wi mek fɔ du wetin rayt insay Mozis in lɔ we na PAPA GƆD in wokman, dɔn fɔdɔm pan wi, bikɔs wi dɔn kɔmit sin to yu.


Yu tɛl dɛn bɔt di de we yu mek oli ɛn spɛshal ɛn gi di lɔ dɛn to yu pikin Mozis fɔ dɛn.


So Mozis we na PAPA GƆD in wokman, day na Moab, jɛs lɛkɛ aw PAPA GƆD bin dɔn se go bi,


A go prez PAPA GƆD in nem ɛn ɔlman go tɔk bɔt PAPA GƆD in pawa.


I se lɛ dɛn mek shɔ se dɛn du ɔl wetin Mozis we na PAPA GƆD in wokman tɛl dɛn se PAPA GƆD se dɛn fɔ de du. I se dat na fɔ lɛk PAPA GƆD we na dɛn PAPA GƆD ɛn du ɔl wetin i se dɛn fɔ de du, biliv in wan ɛn wok fɔ an wit ɔl dɛn at ɛn dɛn sol.


“Yu fɔ mɛmba fɔ prez am fɔ wetin i de du, we pipul dɛn kin siŋ de prez am fɔ.


Di PAPA GƆD we a de wɔship na PAPA GƆD we nɔ gɛt bɔt. Yu kin biliv wetin i se bikɔs i de kip to in wɔd, In na wanol kɔba klos fɔ udat go to am fɔ kɔba.


PAPA GƆD, yu wok big! I at fɔ mek pɔsin ɔndastand aw yu de tink!


Wetin PAPA GƆD de du fethful ɛn i nɔ miks pan bɛnbɛn. Wetin i de tɔk sɛf, yu go abop pan am.


Frɔm naw sote go mek wi ɔna ɛn prez di Kiŋ we bin de, we de naw ɛn we go de sote go, we nɔ de day, ɛn we pɔsin nɔ de si; nain wangren na Gɔd. Emɛn.


Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”


Swiv nou:

Piblisite


Piblisite