Rɛvɛleshɔn 15:2 - Krio Fɔs Oli Baybul

² Dɛn a si sɔntin we fiba big wata we tan lɛkɛ se dɛn tek glas mek am, faya bin de bɔn insay am. Pantap dat, a si dɛn pipul we bin dɔn win di wayl bif, we na nɔmba tinap fɔ in nem, ɛn di tin we pipul bin mek fɔ tek de mɛmba ɛn rɛspɛkt am. Dɛn bin tinap klos di big glas wata ɛn dɛn bin ol ap fɔ tek ple myuzik, we Gɔd bin dɔn gi dɛn.

Rɛvɛleshɔn 15:2 Referans Kwoze

Rɛvɛleshɔn 4:6

Bifo di sem ay chia a si sɔntin lɛkɛ wata we tan lɛkɛ se dɛn tek glas mek am. Ɔlɔbɔt klos di chia, frɔnt, bak ɛn sayd, fo tin we gɛt layf bin tinap, dɛn bin gɛt yay ɔlɔbɔt na dɛn bɔdi; bifo ɛn biɛn.

Rɛvɛleshɔn 12:11

Wi kɔmpin Kristiɛn dɛn tek di Ship in blɔd ɛn di tru wɔd we dɛn bin de tɛl pipul bɔt Gɔd win am, we i bin de fɛt dɛn; ɛn pantap dat, dɛn gri fɔ wok fɔ Gɔd ɛn day fɔ am.

Rɛvɛleshɔn 5:8

As i tek am so, di fo tin dɛn we gɛt layf ɛn di twɛnti-fo bigman dɛn fɔdɔm bifo di Ship. Dɛn ɔl bin gɛt wan wan tin fɔ ple myuzik we dɛn kɔl ap, ɛn gold besin dɛn we insɛns ful insay; dɛn insɛns ya na dɛn pre we Gɔd in pipul dɛn de pre.

Rɛvɛleshɔn 21:18

Na fayn fayn ston we dɛn kɔl jaspa dɛn bin tek mek di wɔl, ɛn na piɔ gold we bin de shayn lɛkɛ glas dɛn bin tek mek di tɔŋ insɛf.

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Matyu 3:11

A de baptayz una wit wata fɔ sho se una dɔn lɛf fɔ du bad, bɔt di wan we de kam afta a dɔn du mi wok, in go baptayz una wit Gɔd in Spirit ɛn wit faya. I gɛt pawa pas mi, ɛn a nɔ fit sɛf fɔ lus in sus.

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Pita In Fɔs Lɛta 4:12

Mi padi dɛn we a lɛk, una nɔ fɔ wɔnda we big big waala de mit una lɛkɛ na tin dat we nɔba bi,

Rɛvɛleshɔn 13:1

Dɛn a si wan wayl bif de kɔmɔt insay di wata kam ɔp. I bin gɛt tɛn ɔn ɛn sɛvin ed, ɔl di ɔn dɛn bin gɛt wan wan krawn pan dɛn; wan bad nem bɔt Gɔd bin rayt pan ɔl in ed dɛn.

Rɛvɛleshɔn 13:17

Nɔbɔdi nɔ bin ebul bay ɔ sɛl ɛnitin pas nɔmɔ i gɛt da mak de, dat na di wayl bif in nem ɔ di nɔmba we tinap fɔ di nem.