Rɛvɛleshɔn 15:1 - Krio Fɔs Oli Baybul

¹ A si wan ɔda wɔndaful tin na di klawd we mek a bin jɛs de wɔnda. Sɛvin enjɛl dɛn bin de wit sɛvin bad bad tin dɛn, we na di las wan dɛn, bikɔs na di las tin dɛn dat, we Gɔd go tek sho mɔtalman se in vɛks pan dɛn.

Rɛvɛleshɔn 15:1 Referans Kwoze

Lɛvitikɔs 26:21

I se if dɛn stil mek traŋayes ɛn nɔ lisin to am, i go kɔntinyu fɔ pɔnish dɛn at at wan fɔ dɛn sin dɛn.

Rɛvɛleshɔn 21:9

Wan pan dɛn sɛvin enjɛl dɛn we bin gɛt dɛn sɛvin kɔp we dɛn sɛvin bad bad tin dɛn we bin gɛt fɔ fɔdɔm pan di wɔl bifo di wɔl dɔn, bin de insay, kam tɔk to mi, i se, “Kam mek a sho yu di Ship in yawo.”

Rɛvɛleshɔn 19:15

I bin ol wan sɔd nain mɔt, we i go tek fɛt ɛn win ɔl dɛn neshɔn we nɔ de fala am. Na ayɛn staf i go tek rul dɛn, ɛn i go mas mas dɛn greps na di say we dɛn de mas dɛn fɔ pul dɛn wata, we go sho se Gɔd, we gɛt pawa pas ɔl, vɛks bad bad wan.

Rɛvɛleshɔn 16:1

Wɛn dat dɔn, na de a yɛri vɔys insay Gɔd in Os de tɔk to di sɛvin enjɛl dɛn se, “Una go tek dɛn sɛvin kɔp we ful wit di vɛks we Gɔd vɛks, ɛn trowe am pan di wɔl!”

Rɛvɛleshɔn 14:19

Na de di enjɛl tek in nɛf swiŋ am rawnd pan di greps, i kɔt dɛn kɔmɔt pan di an dɛn, ɛn ib dɛn insay di ol we dɛn de kwis dɛn fɔ mek wayn. Dis sho aw Gɔd vɛks bad ɛn aw i go pɔnish dɛn wan we i vɛks pan.

Rɛvɛleshɔn 14:10

insɛf go drink Gɔd in yon wayn, dat na di pɔnish we i go pɔnish bikɔs Gɔd vɛks pan am, da pɔnishmɛnt de tan lɛkɛ bita wayn we nɔ miks wit wata we i gɛt fɔ drink. Ɔl dɛn pipul we de du dɛn tin ya go pɔnish bifo Gɔd in enjɛl dɛn ɛn Gɔd in Ship insay faya we sɔlfa de bɔn.

Daniɛl 6:27

In de sev ɛn pul kɔmɔt pan trɔbul i de du wɔndaful tin dɛn na ɛvin ɛn na dis wɔl sɛf, in we dɔn sev Daniɛl lɛ di Layɔn dɛn nɔ it am.”

Rɛvɛleshɔn 11:14

Di sɛkɛn big big waala dɔn pas; bɔt luk o, di big waala we mek tri go fɔdɔm jisnɔ.

Rɛvɛleshɔn 10:3

I ala lawd wan wit vɔys we fiba layɔn vɔys. Wɛn i dɔn ala dɔn, di sɛvin tɛnda dɛn krak fɔ ansa am.

Rɛvɛleshɔn 8:6

Dɛn di sɛvin enjɛl dɛn we bin ol di sɛvin trɔmpɛt dɛn, bin de rɛdi fɔ blo dɛn.

Rɛvɛleshɔn 8:13

A luk bak, na de a yɛri wan igul we de flay tɔk lawd wan se, “Woyo, woy! Big big waala gɛt fɔ fɔdɔm pan dɛn pipul we de na wɔl wɛn di tri enjɛl dɛn we lɛf, blo di trɔmpɛt dɛn we dɛn fɔ blo!”

Rɛvɛleshɔn 8:2

Na de a si di sɛvin enjɛl dɛn we tinap bifo Gɔd. Sɔmbɔdi kam gi dɛn sɛvin trɔmpɛt.

Rɛvɛleshɔn 9:20

Di ɔda mɔtalman dɛn we dɛn bad bad tin ya nɔ kil, nɔ bin tap fɔ pre to dɛn tin we dɛn bin mek fɔ dɛnsɛf. Dɛn nɔ bin tap fɔ pre to dɛn dɛbul ɛn dɛn tin we dɛn mek wit gold, silva, bras, ston ɔ wud, we nɔ de si, we nɔ de yɛri ɛn we nɔ de waka.

Rɛvɛleshɔn 17:1

Wɛn ɔl dat dɔn, wan pan di sɛvin enjɛl dɛn we bin ol wan pan di sɛvin kɔp dɛn, kam tɔk to mi, i se, “Kam, mek a go sho yu aw dɛn go pɔnish da uman we liv fri layf we ɔlman no; di uman na da tɔŋ we dɛn bil klos dɛn plɛnti riva.