Rɛvɛleshɔn 14:6 - Krio Fɔs Oli Baybul

⁶ Dɛn a si wan ɔda enjɛl de flay ɔp ɔp, i bin de tɛl pipul di Gud Nyuz we go de sote go, dɛn pipul ya kɔmɔt na ɔl dɛn trayb, ɔl dɛn neshɔn ɛn dɛn de tɔk ɔl dɛn difrɛn laŋwej, blakman o, wetman o, ɔl de pan dɛn.

Rɛvɛleshɔn 14:6 Referans Kwoze

Mak 16:15

Jizɔs se, “Una go ɔlɔbɔt na di wɔl ɛn tɛl ɔlman di Gud Nyuz bɔt mi.

Rɛvɛleshɔn 8:13

A luk bak, na de a yɛri wan igul we de flay tɔk lawd wan se, “Woyo, woy! Big big waala gɛt fɔ fɔdɔm pan dɛn pipul we de na wɔl wɛn di tri enjɛl dɛn we lɛf, blo di trɔmpɛt dɛn we dɛn fɔ blo!”

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.

Ayzaya 51:8

Bikɔs mɔth go it dɛn lɛk klos, ɛn tumbu go it dɛn lɛk wul; bɔt mi dilivrans go de sote go, ɛn mi salveshɔn go go to ɔl di jɛnareshɔn dɛn.”

Ayzaya 51:6

Es yu yay ɔp luk di skay, ɛn luk di grɔn we de dɔŋ; bikɔs di skay go disapia lɛk smok, ɛn dis wɔl go dɔn lɛk ol klos, ɛn di wan dɛn we tap de, go day lɛk flay; bɔt mi salveshɔn go de sote go, ɛn mi dilivrans nɔ go ɛva dɔn.

Di Sam Dɛm 139:24

si if a de tink bɔt ɛni bad tin, ɛn briŋ mi kam na di rod we go mek a gɛt layf we go de sote go.

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Di Sam Dɛm 145:13

Yu de rul go de sote go ɛn yu go rul ɔl jɛnareshɔn we gɛt fɔ bɔn. PAPA GƆD de kip in wɔd ɛn di lɔv we i gɛt nɔ de chenj.

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,

Daniɛl 9:21

We a bin de pre, di man we nem Gebrɛl, we a bin dɔn si insay di fɔs vishɔn, bin flay kam usay a bin de, wit spid. Dat apin di tɛm we wi kin mek di ivintɛm sakrifays.

Rɛvɛleshɔn 13:7

Dɛn bin lɛf am mek i fɛt Gɔd in pipul dɛn ɛn win dɛn, ɛn dɛn bin gi am pawa fɔ rul ɔl dɛn trayb, ɔl dɛn neshɔn, blak pipul ɛn wayt pipul ɛn pipul we de tɔk ɔl dɛn difrɛn laŋwej na wɔl.

Di Ibru Pipul Dɛn 13:20

Gɔd we de gi mɔtalman kol at, dɔn mek wi Masta Jizɔs rayz frɔm di grev wit layf ɛn mek i bi di shɛpad we pas ɔl fɔ de wach wi we nain pipul dɛn. Na Jizɔs in blɔd dɔn mek di agrimɛnt, we Gɔd mek wit wi, go de sote go.

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Matyu 10:27

Ɛni tin we a tɛl una na kɔna, una fɔ tɔk am usay ɔlman de, ɛn ɛnitin we a tɔk saful, una fɔ tɔk am lawd wan mek ɔlman yɛri.

Rɛvɛleshɔn 10:11

Dɛn a yɛri pɔsin de tɛl mi se, “Yu fɔ tɔk Gɔd in mɛsej bɔt plɛnti neshɔn, plɛnti difrɛn pipul dɛn we de tɔk difrɛn difrɛn laŋwej, ɛn bɔt plɛnti kiŋ dɛn wan tɛm mɔ.”

Daniɛl 4:1

Kiŋ Nɛbyukadnɛza de sɛn to ɔl di pipul dɛn, difrɛn difrɛn neshɔn dɛn we de tɔk difrɛn difrɛn laŋwej we tap na di wanol wɔl: Lɛ una ɔl gɛt bɔku bɔku kol at!

Izikɛl 1:14

Ɛn dɛn krichɔ dɛn ya we de layf layf wan, bin de pas pas ɔp ɛn dɔŋ lɛk we laytin de flash.

Ayzaya 45:17

Bɔt PAPA GƆD sev Izrɛl wit salveshɔn we de so te go, dɛn nɔ go mek una shem ɔ kɔnfyus una fɔ ɛva ɛn ɛva.

Di Sam Dɛm 119:142

Yu de du tin rayt ɛn yu go du am so sote go dɛn yu lɔ dɛnsɛf nɔ gɛt bɛnbɛn.

2 Samiɛl 23:5

Na tru se PAPA GƆD dɔn blɛs mi ɛn mi pipul. Nain bin dɔn mek Kɔvinant we go kip sote go wit mi ɛn i de kip in wɔd sote go. Na dat nɔmɔ a want as i go mɔs du wetin i se.

Ayzaya 40:8

Di gras de wida, ɛn di flawa de fed; bɔt PAPA GƆD in wɔd go tinap sote go.

Jɛnɛsis 1:6

Dɛn PAPA GƆD se, “Mek sɔntin de we go sheb di wata tu say.”

Ayzaya 6:2

Dɛn sirafim bin de oba in ed. Dɛn ɔl bin gɛt siks siks wiŋ, i tek tu kɔba in fes, tu kɔba in fut, ɛn i de tek tu fɔ flay.

Pita In Fɔs Lɛta 1:25

bɔt di Masta in wɔd go de sote go.” Dis wɔd ya na di Gud Nyuz bɔt Jizɔs we dɛn bin tɛl una.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Rɛvɛleshɔn 10:7

Bɔt wɛn di enjɛl we mek sɛvin blo in trɔmpɛt, Gɔd go du wetin i bin dɔn mekɔp fɔ du we nɔbɔdi nɔ bin no, we i bin tɛl di prɔfɛt dɛn we bin de wok fɔ am.”