Rɛvɛleshɔn 14:5 - Krio Fɔs Oli Baybul

⁵ Wande nɔbɔdi nɔ yɛri dɛn lay; dɛn nɔba du ɛnitin we go mek pipul blem dɛn.

Rɛvɛleshɔn 14:5 Referans Kwoze

Lɛta Fɔ Ɛfisɔs 5:27

Krays du ɔl dat, so dat wɛn i go mek di chɔch tinap bifo am, di chɔch go klin, i nɔ go gɛt bɔt pan am.

Zɛfinaya 3:13

Di wan dɛn we go lɛf na Izrɛl go bi wan dɛn we nɔ go de ambɔg; dɛn nɔ go de lay, ɛn dɛn nɔ go miks pan rikishi. Dɛn nɔ go gɛt wan yagba ɛn so dɛn nɔ go fred nɔbɔdi.

Di Sam Dɛm 32:2

I fayn fɔ da pɔsin we nɔ miks pan bɛnbɛn PAPA GƆD nɔ de kip natin nain at fɔ am.

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

Jɔn 1:47

Wɛn Jizɔs si Natanyɛl de kam, i se, “Luk man we kɔmɔt Izrɛl fɔ tru, i nɔ gɛt nɔ bɛnbɛn, i nɔ de mek pɔsin ful.”

Lɛta Fɔ Kɔlɔse 1:22

Bɔt we Gɔd in Pikin kam day na di krɔs, dat dɔn mek una bi Gɔd in padi dɛn, so dat di tɛm we una go tinap bifo am una nɔ go gɛt fɔlt, i nɔ go blem una fɔ ɛnitin.

Lyuk 23:4

Paylet tɛl di bigman dɛn we de mek sakrifays fɔ pipul sin ɛn ɔl di pipul dɛn we bin lib de se, “A nɔ si ɛni bad tin we dis man du.”

Pita In Fɔs Lɛta 3:10

Dɛn rayt na Gɔd in Buk se, “Ɛnibɔdi we want mek in layf swit ɛn mek bɛtɛ fala am bambay fɔ lɛf fɔ de tɔk bad bɔt in kɔmpin ɛn i nɔ fɔ de lay.

Matyu 12:34

Una dɛn snek ya! Aw una go tɔk gud we una na bad pipul? Wetin di at ful wit nain di mɔt de tɔk.

Ozie 10:2

Dɛn at nɔ de to PAPA GƆD, so naw dɛn fɔ pe fɔ wetin dɛn du. PAPA GƆD go pwɛl pwɛl dɛn ɔlta dɛn ɛn nyamanyama ɔl wetin dɛn bil fɔ wɔship Beal.

Daniɛl 6:4

So ɔl di ɔda prɛsidɛnt ɛn Rɛsidɛnt Minista dɛn bigin fɔ fɛn we fɔ kɔmplen bɔt Daniɛl pan di wok we i de du na di kindɔm; bɔt dɛn nɔ bin ebul fɔ fɛn natin fɔ kɔmplen bɔt ɔ fɔ tek fɛn fɔlt pan am, bikɔs i bin tret, ɛn nɔn mistek ɔ fɔlt nɔ bin de pan am.

Prɔvabs 8:8

Ɔl wetin a de tɔk na tru, nɔn bɛnbɛn ɔ twis twis nɔ de pan am.

Di Sam Dɛm 34:13

I fɔ lɛf fɔ tɔk bad tɔk ɛn lɛf lay ɛn koŋosa.

Ayzaya 53:9

Ɛn dɛn bɛr am wit dɛn wikɛd pipul ɛn wit wan jɛntriman, we I day, pan ɔl we i nɔ du natin bad, ɛn nɔn lay nɔ bin de nain mɔt.

Di Sam Dɛm 55:11

Soso lɔlɛsnɛs nain de na di siti ɛnisay yu pas, na opinkɔl ɛn advantej.

Sɔlɔmɔn In Siŋ Dɛm 4:7

Yu fayn bad bad wan mi lɔv; wan bɔt nɔ de pan yu.

Malakay 2:6

I se, Livay na bin pɔsin we de tɔk wetin tru fɔ du ɛn i nɔ bin miks pan lay. I bin de du wetin go gi pipul kolat ɛn bin de waka tret wan wit PAPA GƆD ɛn nɔ de ple wit sin.

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

Pita In Fɔs Lɛta 2:22

Wande Krays nɔ sin, ɛn i nɔ lay.