Rɛvɛleshɔn 14:4 - Krio Fɔs Oli Baybul

⁴ Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

Rɛvɛleshɔn 14:4 Referans Kwoze

Rɛvɛleshɔn 3:4

Bɔt te naw sɔm pan una de na Sadis we nɔ dɔti una klos, bɔt una nɔ plɛnti. Dɛn pipul de go waka wit mi, dɛn go wɛr wayt klos bikɔs dɛn fit fɔ wɛr am, bay aw dɛn de du.

2 Kɔrint 11:2

A de jɛlɔs fɔ una lɛkɛ aw Gɔd insɛf de jɛlɔs fɔ wi; una na lɛkɛ uman we nɔ no man we a dɔn prɔmis to wangren man, dat na Krays.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Jɔn 12:26

Ɛnibɔdi we want wok fɔ mi, fɔ du wetin a tɛl am fɔ du, so dat i go de wit mi ɛni say we a de. Pantap dat mi Papa go mek ɛnibɔdi we de wok fɔ mi gɛt ɔna.

Jɔn 10:27

Mi ship dɛn de lisin wetin a se, ɛn dɛn de fala mi. A no dɛn ɔl.

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Di Sam Dɛm 74:2

Nɔ fɔgɛt se, wi na yu pipul we yu bin dɔn pik trade di pipul we yu sev fɔ bi yu yon, na Mawnt Zayɔn, usay yu bin de.

1 Kɔrint 6:20

Gɔd pe dia fɔ una we Krays day na di krɔs. So una fɔ mek Gɔd gɛt di prez bay aw una de yus una bɔdi.

Jɔn 8:12

Jizɔs bigin tɔk to di Faresi dɛn bak, i se, “Mi na di Layt na di wɔl, ɛnibɔdi we de fala mi go gɛt di layt we de gi layf ɛn i nɔ go waka na dak.”

Jɛrimaya 2:3

Izrɛl bin oli to PAPA GƆD, dɛn na bin di fɔs frut dɛn na di avɛst. Ɔl di wan dɛn we it pan am bin gilti stret; bad bad tin bin mit dɛm, na so PAPA GƆD se.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Lɛta Fɔ Ɛfisɔs 1:14

Na Gɔd in Spirit wi fɔ abop pan fɔ no se wi go gɛt wetin Gɔd bin dɔn prɔmis fɔ gi in pipul dɛn, ɛn na tru se: Gɔd go fri ɛnibɔdi we dɔn bi in yon. Una lɛ wi prez Gɔd in pawa!

1 Kɔrint 16:15

Una dɔn yɛri bɔt Stɛfanas ɛn in fambul dɛn; na dɛn fɔs biliv pan Krays na Gris, ɛn dɛn dɔn gi ɔl dɛn layf fɔ wok fɔ Gɔd in pipul dɛn. Mi kɔmpin Kristiɛn dɛn, a de beg una

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Jɔn 13:37

Pita aks Jizɔs igen se, “Masta, wetindu wi nɔ kin fala yu go de naw? A rɛdi fɔ day fɔ yu!”

Matyu 25:1

“Gɔd in rul tan lɛkɛ we tɛn yɔŋ gyal we nɔ mared, tek dɛn lamp fɔ go mit di ɔkɔ.

Matyu 8:19

Wan Ju Lɔ ticha kam mit am ɛn se, “Ticha, a dɔn rɛdi fɔ fala yu go ɛni say we yu de go.”

Sɔlɔmɔn In Siŋ Dɛm 1:3

Yu sɛnt dɛn we yu de rɔb, gɛt swit smɛl; yu nem na lɛk we dɛn tɔn sɛnt; na dat mek di yɔŋ gyal dɛn lɛk yu.

Fɔs Lɛta To Timoti 4:3

Dɛn man ya de tɛl pipul se i nɔ rayt fɔ mared ɛn i nɔ rayt fɔ it sɔm kayn tin dɛn. Bɔt Gɔd mek dɛn tin ya fɔ it, ɛn dɛn pipul we biliv am ɛn no wetin tru, kin it dɛn afta dɛn dɔn pre ɛn tɛl Gɔd tɛnki.

1 Kɔrint 7:28

Bɔt if man we nɔ mared, go mared, dat nɔto sin; ɛn if uman we nɔ no man, mared, dat nɔto sin. Bɔt a nɔ want mek dɛn trɔbul we dɛn wan we mared de si ɛvri de, mit una.

Emɔs 6:1

Waala go mit una dɛn bigman dɛn we liv izi layf na Zayɔn, una dɛn agbagba dɛn we fil se ɔltin ɔrayt wit una na Sameria, una dɛn bigman dɛn na da wɔndaful kɔntri we nem Izrɛl, we na una di pipul kin de go to fɔ ɛp dɛn!

Sɔlɔmɔn In Siŋ Dɛm 6:8

Siksti kwin dɛn de, ɛn eti switat dɛn ɛn fɔ yɔŋ gyal dɛn, man nɔ fit kɔnt.

Di Sam Dɛm 45:14

I wɛr fayn klos wit dizayn we dɛn de kɛr am go to di kiŋ; di uman dɛn we de wit am, we na vajin na dɛn de kɛr am go to di kiŋ.

Matyu 19:12

Difrɛn difrɛn rizin de we mek sɔm man nɔ ebul mared: sɔm man bɔn so; ɛn sɔm na dɛn kɔmpin mɔtalman mek dɛn so; ɛn sɔm ɔda man dɛn nɔ want mared bikɔs dɛn want gi Gɔd ɔl dɛn layf fɔ du in wok. So udat ebul tek wetin a jɛs tɔk so, fɔ du am.”

Lɛta Fɔ Ɛfisɔs 5:27

Krays du ɔl dat, so dat wɛn i go mek di chɔch tinap bifo am, di chɔch go klin, i nɔ go gɛt bɔt pan am.

Di Ibru Pipul Dɛn 12:23

Una de wit Gɔd in pikin dɛn we dɔn gɛda na ɛvin. Gɔd bin dɔn rayt dɛn nem na di buk we de na ɛvin. Una dɔn kam bifo Gɔd we de jɔj ɔlman. Una dɔn de wit dɛn pipul we tret na Gɔd yay, dɛn wan we Gɔd dɔn mek dɛn layf bi wetin i fɔ bi.

Rɛvɛleshɔn 21:22

A nɔ bin si Gɔd in Os insay di tɔŋ bikɔs Gɔd, we gɛt pawa pas ɔl, ɛn di Ship bin de ɔlɔbɔt na di tɔŋ ɛn ɔlman bin de pre to dɛn ɔlɔbɔt.

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.