Rɛvɛleshɔn 14:3 - Krio Fɔs Oli Baybul

³ Di wan ɔndrɛd ɛn fɔti-fo tawzin pipul dɛn tinap bifo di ay chia we Gɔd sidɔm pan, bifo di fo tin dɛn we gɛt layf, ɛn bifo di bigman dɛn. Dɛn bin de siŋ wan nyu siŋ we na dɛn wan nɔmɔ, we Krays bin dɔn pe fɔ na wɔl wit in blɔd, bin ebul lan ɛn siŋ am.

Rɛvɛleshɔn 14:3 Referans Kwoze

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Rɛvɛleshɔn 14:1

Wɛn dat dɔn, a si di Ship tinap pantap di ay il we dɛn kɔl Zayɔn. Wan ɔndrɛd ɛn fɔti-fo tawzin pipul bin tinap de wit am. Di Ship in nem ɛn in Papa in nem bin rayt pan dɛn fɔrɛd.

Rɛvɛleshɔn 15:3

Dɛn bin de siŋ di siŋ we Mozis, we de wok fɔ Gɔd, bin siŋ lɔntɛm. Da siŋ de na di Ship in siŋ; di siŋ se, “Masta, Gɔd we gɛt pawa pas ɔl, yu wok dɛn big ɛn dɛn wɔndaful! Na yu na di kiŋ we de rul oba ɔl dɛn neshɔn, yu de du wetin rayt, yu de tɔk wetin tru ɔltɛm!

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Ayzaya 42:10

Siŋ wan nyu siŋ to PAPA GƆD, siŋ in prez usay di wɔl tap! Le di si ala ɛn ɔl wetin de de, di kɔntri dɛn nia di si ɛn di wan dɛm we tap de.

Di Sam Dɛm 149:1

Lɛ wi prez PAPA GƆD! Lɛ wi siŋ nyu siŋ fɔ am, lɛ wi prez am usay ɔl udat de fala am gɛda.

Di Sam Dɛm 98:1

Mek nyu siŋ fɔ siŋ to PAPA GƆD, bikɔs i dɔn du wɔndaful tin dɛn; na bay in pawa ɛn trɛnk i tek win in ɛnimi dɛn.

Di Sam Dɛm 40:3

I gi mi nyu siŋ fɔ siŋ, siŋ we de tɔk aw PAPA GƆD big. Bɔku pipul go fred ɛn rɛspɛkt am dat go mek dɛn ɔl trɔs am.

Di Sam Dɛm 144:9

PAPA GƆD, a go mek nyu siŋ fɔ yu; a go yuz big ap fɔ mek myuzik ɛn prez yu,

Di Sam Dɛm 96:1

Lɛ wi mek nyu siŋ fɔ siŋ to PAPA GƆD! Lɛ di wanol wɔl siŋ to PAPA GƆD!

Di Sam Dɛm 33:3

Mek nyu siŋ fɔ am ple di instrumɛnt dɛn gud ɛn mek bɔku nɔys bikɔs yu gladi.

1 Kɔrint 2:14

Bɔt pɔsin we nɔ gɛt Gɔd in Spirit nɔ go ebul ɔndastand dɛn tin we i de tɛl wi, dɛn na nɔnsɛns fɔ am; i nɔ ebul ɔndastand dɛn, na di Spirit nɔmɔ ebul mek pipul ɔndastand dɛn.

Di Sam Dɛm 25:14

Na udat gɛt rɛspɛkt fɔ PAPA GƆD i de tɛl in sikrit, ɛn mek dɛn no se i nɔ gɛt fɔ chenj in Kɔvinant.

1 Kɔrint 1:18

Di tɔk we wi de tɔk bɔt di day we Krays day na di krɔs na nɔnsɛns to dɛn pipul we nɔ go sev, bɔt dat na Gɔd in yon pawa fɔ wi we i de sev.

Rɛvɛleshɔn 7:4

Dɛn a yɛri ɔmɔs pipul di enjɛl dɛn bin stamp; di nɔmba na bin wan ɔndrɛd ɛn fɔti-fo tawzin, dɛn bin kɔmɔt na ɔl dɛn trayb na Izrɛl.