Rɛvɛleshɔn 14:2 - Krio Fɔs Oli Baybul

² Dɛn a yɛri vɔys kɔmɔt na ɛvin; di vɔys big lɛkɛ dɛn big wata we de fɔdɔm kɔmɔt ɔp dɛn il kam dɔŋ ɛn lɛkɛ wɛn tɛnda de krak. Di vɔys swit lɛkɛ di sawnd we kin kɔmɔt wɛn pipul de ple ap.

Rɛvɛleshɔn 14:2 Referans Kwoze

Rɛvɛleshɔn 5:8

As i tek am so, di fo tin dɛn we gɛt layf ɛn di twɛnti-fo bigman dɛn fɔdɔm bifo di Ship. Dɛn ɔl bin gɛt wan wan tin fɔ ple myuzik we dɛn kɔl ap, ɛn gold besin dɛn we insɛns ful insay; dɛn insɛns ya na dɛn pre we Gɔd in pipul dɛn de pre.

Rɛvɛleshɔn 1:15

in fut bin de shayn lɛkɛ bras we dɛn bɔn na faya, dɔn dɛn shayn am; wɛn i tɔk, in vɔys big lɛkɛ dɛn big wata we de fɔdɔm kɔmɔt ɔp dɛn ay il.

Rɛvɛleshɔn 15:2

Dɛn a si sɔntin we fiba big wata we tan lɛkɛ se dɛn tek glas mek am, faya bin de bɔn insay am. Pantap dat, a si dɛn pipul we bin dɔn win di wayl bif, we na nɔmba tinap fɔ in nem, ɛn di tin we pipul bin mek fɔ tek de mɛmba ɛn rɛspɛkt am. Dɛn bin tinap klos di big glas wata ɛn dɛn bin ol ap fɔ tek ple myuzik, we Gɔd bin dɔn gi dɛn.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Izikɛl 43:2

Ɛn Izrɛl in Gɔd in glori bin de kɔmɔt na di ist; ɛn i bin de mek sawnd lɛk we bɔku bɔku wata de rɔn, ɛn di ath bin de shayn wit In glori.

Di Sam Dɛm 33:2

Yuz ap fɔ mek myuzik ɛn prez PAPA GƆD.

2 Samiɛl 6:5

Na so Devid ɛn ɔl di ɔda Izrɛlayt dɛn gladi. Dɛn bin de siŋ ɛn dans wit ɔl dɛn at. Dɛn bin de ple difrɛn Instrumɛnt dɛn lɛk ap, laya, tamborin ɛn simbɔl.

Ɛksodɔs 19:16

Wɛn do klin di tɔd de, big big tɛnda krak ɛn laytin flash, nain wantɛm tik, tik klawd apia na di mawnten, ɛn lawd, lawd trɔmpɛt blo. As ɔl dis de bi, ɔlman trimbul wit fred.

Rɛvɛleshɔn 18:22

Insay da tɔŋ de, pipul nɔ go yɛri ɛnibɔdi de ple ap igen, dɛn nɔ go yɛri pɔsin de ple flut ɔ blo trɔmpɛt igen, dɛn nɔ go yɛri pipul de siŋ igen; ɔl dɛn pipul we de du ɔl kayn tin wit dɛn an, lɛkɛ dɛn wan we de mek dɛn pɔt ɛn dɛn fita dɛn so, nɔ go wok insay de igen. Nɔbɔdi nɔ go yɛri pɔsin de bit kɔn de igen;

Rɛvɛleshɔn 11:12

Dɛn di tu prɔfɛt dɛn yɛri lawd vɔys we kɔmɔt na ɛvin de tɔk to dɛn se, “Una kam ɔp ya!” Aw di pipul dɛn we nɔ lɛk dɛn tinap de luk dɛn, dɛn go ɔp na ɛvin insay wan klawd.

Rɛvɛleshɔn 6:1

Dɛn a si di Ship opin di fɔs say pan di sɛvin say dɛn we bin fasin, dɛn a yɛri wan pan dɛn fo tin we gɛt layf ala tɔk wit vɔys we sawnd lɛkɛ tɛnda se, “Kam go!”

Rɛvɛleshɔn 1:10

Wan Sɔnde, Gɔd in Spirit kam pan mi, nain a yɛri vɔys de tɔk lawd wan lɛkɛ trɔmpɛt biɛn mi.

Di Sam Dɛm 93:4

PAPA GƆD in pawa pas di nɔys we di wata de mek i pas di ebi swɛlin wev dɛn na di si.

Di Sam Dɛm 92:3

Yuz myuzik we na dɛn big striŋ instrumɛnt lɛk laya ɛn ap go ple fɔ tɛl am tɛnki.

Di Sam Dɛm 57:8

A go rɛdi misɛf, wit mi ap ɛn laya fɔ mek myuzik A go grap fɔs tin na mɔnin bifo san kɔmɔt.

Rɛvɛleshɔn 8:7

Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Zɛkaraya 9:14

Da tɛm de, PAPA GƆD go bɔsawt pan in pipul dɛn ɛn di aro dɛn we i go de sɛn go tan lɛk laytin; PAPA GƆD we na PAPA GƆD de blo in trɔmpɛt fɔ lɛ dɛn tinada we kin blo na di sawt bigin blo.

Ayzaya 17:13

Di neshɔn dɛn de mek nɔys lɛk we bɔku bɔku wata de rɔn, bɔt i go tɔk pan dɛn, ɛn dɛn go rɔnawe go fawe; dɛn go ches dɛn lɛk we briz de blo chaf chaf na dɛn mawnten ɛn lɛk dɔti we de tɔn rawnd wit spid ɛn grap we tinada de blo.

Di Sam Dɛm 149:3

Lɛ dɛn dans we dɛn de prez am ɛn yuz tamborin ɛn ɔda myuzikal instrumɛnt fɔ prez am!

Di Sam Dɛm 98:5

una ple ap, ɛn siŋ wit am to PAPA GƆD.

Ɛksodɔs 20:18

Naw, wɛn di pipul dɛn yɛri di tɛnda ɛn di trɔmpɛt ɛn si di laytin ɛn di smok na di mawnten, dɛn fred ɛn bigin trimbul, so dɛn muf kɔmɔt usay dɛn bin de go fawe lilibit.

Di Sam Dɛm 147:7

Siŋ ɛn tɛl PAPA GƆD tɛnki; yuz striŋ instrumɛnt fɔ ple myuzik to wi PAPA GƆD.

Di Sam Dɛm 43:4

Dɛn a go go usay ɔlman de fɔ go wɔship yu, yu we na PAPA GƆD we de mek a gladi. A go yuz myuzikal instrumɛnt fɔ siŋ ɛn prez yu nem. Yu na di PAPA GƆD we a de wɔship.

1 Kɔrint 13:1

If a sabi tɔk ɔl dɛn laŋwej we mɔtalman de tɔk ɛn we enjɛl sɛf de tɔk, ɛn a nɔ lɛk mi kɔmpin mɔtalman, di tin we a de tɔk go jɛs tan lɛkɛ wɛn pɔsin de bit pan ɔ wɛn bɛl de riŋ lawd lawd wan.

2 Kronikuls 20:28

Dɛn kam na PAPA GƆD in os na Jerusɛlɛm, de ple gita, flut ɛn trɔmpɛt.