Rɛvɛleshɔn 14:12 - Krio Fɔs Oli Baybul

¹² So mek Gɔd in pipul dɛn tinap traŋa, dat na dɛn wan we de du wetin Gɔd tɛl dɛn fɔ du ɛn dɛn nɔ lɛf fɔ biliv pan Jizɔs.

Rɛvɛleshɔn 14:12 Referans Kwoze

Rɛvɛleshɔn 13:10

Ɛnibɔdi we Gɔd dɔn mak se dɛn fɔ kech, dɛn go kech am paopa; ɛnibɔdi we Gɔd dɔn mak se dɛn fɔ chuk ɛn kil, na chuk dɛn go chuk ɛn kil am. Na dat mek Gɔd in pipul dɛn fɔ tinap traŋa ɛn dɛn nɔ fɔ lɛf fɔ biliv pan Gɔd.”

Rɛvɛleshɔn 12:17

Fɔseka dat, di dragɔn bin vɛks pan di uman, so i go fɔ go fɛt in ɔda pikin dɛn, dat na ɔl di wan dɛn we de du wetin Gɔd tɛl dɛn fɔ du, ɛn we biliv di tru tin dɛn we Jizɔs sho dɛn ɛn dɛn de fala dɛn.

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.

Rɛvɛleshɔn 3:8

A no di tin dɛn we una de du. Una lisin, a dɔn opin do fɔ una we nɔbɔdi nɔ ebul lɔk. A no se pan ɔl we una nɔ gɛt plɛnti trɛnk una dɔn du wetin a tɛl una fɔ du, wande una nɔ dinay se una de waka wit mi.

Sɛkɛn Lɛta To Timoti 4:7

Di rɔn we a bin de rɔn fɔ mi Masta dɔn dɔn, a dɔn rich di say we fɔ tap, a nɔ lɛf fɔ biliv pan Gɔd, a nɔ lɛf fɔ lan pipul dɛn tin we wi biliv bɔt Gɔd.

Jɔn In Fɔs Lɛta 2:3

If wi gri fɔ du ɔl wetin Gɔd tɛl wi fɔ du, na da tɛm de nɔmɔ wi kin shɔ se wi no Gɔd gud.

Rɛvɛleshɔn 2:13

A no usay una de, una de na di say we Setan de rul. A no se wande una nɔ dinay se mi na una Masta. Di tɛm sɛf we dɛn kil Anti pas we bin biliv pan mi wit ɔl in at bikɔs i tɔk opin wan se in biliv pan mi, pan ɔl we dɛn kil am da say de we una de, ɛn we Setan insɛf de, dat nɔ mek una dinay se unasɛf biliv pan mi.