Rɛvɛleshɔn 14:10 - Krio Fɔs Oli Baybul

¹⁰ insɛf go drink Gɔd in yon wayn, dat na di pɔnish we i go pɔnish bikɔs Gɔd vɛks pan am, da pɔnishmɛnt de tan lɛkɛ bita wayn we nɔ miks wit wata we i gɛt fɔ drink. Ɔl dɛn pipul we de du dɛn tin ya go pɔnish bifo Gɔd in enjɛl dɛn ɛn Gɔd in Ship insay faya we sɔlfa de bɔn.

Rɛvɛleshɔn 14:10 Referans Kwoze

Ayzaya 51:17

Gɛda yusɛf, gɛda yusɛf, tinap, yu Jerusɛlɛm, yu we bin dɔn drink na PAPA GƆD in an, di kɔp we in vɛksteshɔn de, yu we dɔn drink te rich di kɛtɛ kɛtɛ na di bol we de mek pɔsin staga.

Rɛvɛleshɔn 16:19

Di big tɔŋ brok, i sheb tri say, ɛn dɛn tɔŋ ɔlɔbɔt na wɔl pwɛl. Gɔd nɔ fɔgɛt di big tɔŋ we dɛn kɔl Babilɔn, i mek di pipul dɛn drink di bita wayn we i mek fɔ dɛn, dat na di pɔnish we i de pɔnish dɛn fɔ ɔl di bad tin we dɛn du.

Di Sam Dɛm 75:8

PAPA GƆD gɛt wan kɔp we nainsay de i de put ɔl di vɛks we i dɔn vɛks, dis kɔp ya nain jɔjmɛnt. Di vɛks we i dɔn vɛks na di wayn insay di kɔp, i de gi di pɔsin we de du bad di wayn fɔ drink; i go mek i drink ɔl di kɛtɛkɛmu makoloŋ.

Di Sam Dɛm 11:6

I go mek faya ɛn sɔlfa we de bɔn ɛn smɛl fɔdɔm pan udat bad, lɛk we ren de fɔdɔm, dɔn ɔt, ɔt, briz go blo we go mek ɔltin dray.

Rɛvɛleshɔn 20:10

Dɛn tek Setan we bin de mek pipul ful, trowe am insay da wata we faya de kech ɛn sɔlfa de bɔn; na da sem ples de dɛn bin trowe da wayl bif ɛn da prɔfɛt we nɔ de tɔk tru; na de dɛn go tɔmɛnt, de ɛn nɛt, sote go.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Rɛvɛleshɔn 18:6

Lɛ di bad we i dɔn du tɔn pan am. Mek i sɔfa tu tɛm pas di sɔfa we i mek ɔda pipul sɔfa; da kɔp we i kin tek gi pipul in wayn fɔ drink, ful am wit wayn we trɔŋ pas in yon wayn, ɛn gi am mek i drink.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Job 21:20

Lɛ dɛnsɛf sɔfa dɛn pɔnishmɛnt ɛn lɛ dɛn tes wetin kin bi we PAPA GƆD vɛks.

Ditarɔnɔmi 29:23

we sɔlfa ɛn sɔl go mek di ples dɛn we dɛn fɔ plant nɔ gud fɔ plant. I go tan lɛkɛ Sɔdɔm ɛn Gɔmɔra, ɛn lɛkɛ Adma ɛn Zɛboli we PAPA GƆD bin bɔn we i bin vɛks bad bad wan.

Jɛnɛsis 19:24

Da sem tɛm de nain PAPA GƆD mek big, big faya ɛn sɔlfa kɔmɔt na ɛvin ɛn bɔn Sɔdɔm ɛn Gomɔra.

Jud In Lɛta 1:7

Na di sem tin bin bi na Sɔdɔm ɛn Gomɔra ɛn dɛn ɔda tɔŋ we bin de klos dɛn: di pipul dɛn bin de du ɔl kayn dɔti tin wit dɛn bɔdi, man bin de lɛf in wɛf go kip in kɔmpin man, uman bin de lɛf in man go kip in kɔmpin uman. Fɔ mek ɔlman si ɛn bikyaful, Gɔd put dɛn pipul ya na faya we nɔ de ɔt fɔ pɔnish dɛn.

Ayzaya 30:33

Bikɔs ples fɔ bɔn pɔsin bin dɔn rɛdi lɔlɔntɛm. Yɛs, dɛn bin dɔn rɛdi am fɔ di kiŋ. Di say we dɛn mek fɔ bɔn pɔsin, bin dip ɛn wayd, wit faya ɛn wud abɔmpa. Wɛn PAPA GƆD blo wit in mɔt, i go tan lɛk brim ston riva, ɛn nain go layt di faya.

Rɛvɛleshɔn 18:3

Na so i bi, bikɔs ɔl dɛn pipul na ɔl dɛn neshɔn dɔn drink in wayn, dat na di fri layf we dɛn dɔn liv wit am; dɛn wan we de rul na di wɔl dɛnsɛf dɔn liv di sem fri layf wit am, ɛn bikɔs i lɛk fɔ bay plɛnti plɛnti tin dɛn, dɛn wan we de tredin na dis wɔl dɛnsɛf dɔn jɛntri bikɔs i de bay to dɛn.”

Abakɔk 2:16

Na so tin go bad fɔ dɛnsɛf. Pipul go trit dɛn bad we go mek dɛnsɛf staga lɛk udat drɔnk. PAPA GƆD go mɔs mek dɛn sɔfa ɛn dɛn gres go tɔn to gras.

Izikɛl 20:48

Ɔlman na wɔl go si se na mi PAPA GƆD layt di faya; natin nɔ go ɔt am.”

Jɛrimaya 25:27

“Dɔn yu go tɛl dɛm se, ‘Na dis PAPA GƆD Ɔlmayti, we na Izrɛl dɛn Gɔd se: Una drink, mek una drɔnk ɛn vɔmit. Una fɔdɔm ɛn nɔ grap igen, fɔseka di wa we a de sɛn pan una.’

Ayzaya 34:9

Ɛn di watasay dɛn na Idɔm go bɔn lɛk ta, ɛn in dɔti go bɔn lɛk brimston; in land go tɔn ples we jɛs de bɔn.

Ayzaya 29:9

Drink bɔku rɔm ɛn mek unasɛf styupid, blɛn yusɛf ɛn mek unasɛf blɛn! Drɔnk we nɔto wayn una drink; staga we nɔto traŋa rɔm mek una staga.

Matyu 26:39

I lɛf dɛn ɛn go bifo say lili bit, i ledɔm flat wit in fes na grɔn, ɛn pre se, “Mi Papa, if we de, pul dis sɔfa we a fɔ sɔfa kɔmɔt, ɛniwe, nɔto wetin mi want, na wetin yu want.”

Matyu 20:22

Jizɔs aks di pikin dɛn se, “Una nɔ no wetin una de aks fɔ. Una go ebul sɔfa lɛkɛ aw a go sɔfa?” Dɛn ansa se, “Wi go ebul, sa.”

Lamɛnteshɔn 4:21

Una gladi o, pipul dɛn na Idɔm, una gladi, di pipul dɛnsɛf na Ɔz una gladi; bɔt di sɔfrin go pas to una wande; una go drɔnk ɛn trip unasɛf nekɛd.

Jɛrimaya 51:57

A go mek in bigman dɛm ɛn in sɛnsman dɛm, in gɔvna dɛm, in kɔmanda dɛm, ɛn in sojaman dɛm, drɔŋɔ; dɛn go slip ɛvalastin slip ɛn nɔ wek igen, na so di Kiŋ we nem PAPA GƆD Ɔlmayti, se.

Jɛrimaya 49:12

Bikɔs na dis PAPA GƆD se: “If dɛn wan dɛm we nɔ sɔpoz fɔ drink pan di kɔp, fɔ drink pan am paopa, yu tink se yusɛf nɔ fɔ gɛt pɔnishmɛnt? Yu nɔ go go fri, yusɛf fɔ drink de.

Di Sam Dɛm 91:8

I jɛs gɛt fɔ luk gud lɛ i si aw PAPA GƆD de pɔnish di bad man.

Di Sam Dɛm 60:3

Yu dɔn mek wi we na yu pipul sɔfa bɔku; yu dɔn gi wi wayn fɔ drink we mek wi de staga.

Di Sam Dɛm 37:34

I go mek yu ed big we yu go go na di land; ɛn yu go si we i de dɔnawe wit di bad man.

Job 18:15

Ɛnibɔdi kin tap nain os; dɛn sprinkul sɔlfa nain os fɔ pul di infɛkshɔn kɔmɔt de.

Di Sam Dɛm 73:10

Pan ɔl dat, pipul de biliv dɛn nɔshi-nɔshi ɛn tek wetin dɛn de se lɛk aw pɔsin de drink wata.

Di Sam Dɛm 52:6

Pɔsin we de waka tret na PAPA GƆD in yay go si PAPA GƆD wɔnda ɛn fred. Dɛn go laf am ɛn se.

Izikɛl 38:22

A go kɛriawt jɔjmɛnt insay an wit bad bad sik we de kil, ɛn blɔd we go de flo, ɛn a go sɛn lɛk ren, pan am, ɛn pan in bɔku krawd dɛn ɛn di bɔku difrɛn difrɛn pipul we de wit am, ebi ebi ren, wit elston, faya ɛn sɔlfa.

Mak 8:38

If ɛnibɔdi de shem fɔ tɔk bɔt mi ɛn wetin a dɔn lan am, tɛm lɛkɛ dis we pipul nɔ biliv Gɔd ɛn dɛn wikɛd, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am wit di enjɛl dɛn; di sem layt we de shayn pan in Papa Gɔd.”

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Sɛkɛn Lɛta Fɔ Tɛsalonayka 1:7

ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

Rɛvɛleshɔn 15:7

Dɛn wan pan di fo tin dɛn we gɛt layf gi di sɛvin enjɛl dɛn sɛvin gold kɔp; di pɔnish we Gɔd, we de sote go, go pɔnish di wɔl, nain bin ful insay di sɛvin kɔp dɛn.

Rɛvɛleshɔn 19:15

I bin ol wan sɔd nain mɔt, we i go tek fɛt ɛn win ɔl dɛn neshɔn we nɔ de fala am. Na ayɛn staf i go tek rul dɛn, ɛn i go mas mas dɛn greps na di say we dɛn de mas dɛn fɔ pul dɛn wata, we go sho se Gɔd, we gɛt pawa pas ɔl, vɛks bad bad wan.

Rɛvɛleshɔn 20:14

Dɛn sɔmbɔdi tek day ɛn di ples we dɛn dayman de, ib dɛn na da wata we faya de kech. (Di tɔmɛnt we pɔsin go tɔmɛnt sote go na di wata we faya de kech, nain na di sɛkɛn day.)

Mak 9:44

Da say we wɔrɔm we nɔ de day go it dɛn ɛn faya we nɔ de ɔt go bɔn dɛn.]