Rɛvɛleshɔn 14:1 - Krio Fɔs Oli Baybul

¹ Wɛn dat dɔn, a si di Ship tinap pantap di ay il we dɛn kɔl Zayɔn. Wan ɔndrɛd ɛn fɔti-fo tawzin pipul bin tinap de wit am. Di Ship in nem ɛn in Papa in nem bin rayt pan dɛn fɔrɛd.

Rɛvɛleshɔn 14:1 Referans Kwoze

Joɛl 2:32

Dat tɛm de, i go bi se, ɔl udat kɔl PAPA GƆD in nem fɔ sev am, go sev. PAPA GƆD dɔn se, sɔm pipul go de na Jerusɛlɛm we di waala nɔ go mit. Bɔt sɔm pan dɛn go de we na PAPA GƆD chuz fɔ sev dɛn.

Rɛvɛleshɔn 3:12

Ɛnibɔdi we go stil tinap traŋa afta Setan dɔn tray am, a go mek i bi lɛkɛ post we go mek Gɔd in Os tinap, i go tinap de sote go. A go rayt mi Gɔd in nem pan am, ɛn di tɔŋ we i bil, in sɛf yon nem pan am, dat na ‘di Nyu Jerusɛlɛm’, we go kɔmɔt to Gɔd na ɛvin kam dɔŋ. Ɛn a go rayt mi yon nyu nem pan am.

Lyuk 12:8

“Mek a tɛl una sɔntin; ɛnibɔdi we tɛl ɔda pipul se dɛn biliv mi, Mɔtalman Pikin go tɛl Gɔd in enjɛl dɛn bɔt da pɔsin de.

Mayka 4:7

in go briŋ udat lɛf kam bak ɛn mek dɛn bigin layf bak. Dɛn go bi pawaful ɛn na frɔm Mawnt Zayɔn in go rul dɛn sote go.

Lɛta Fɔ Rom 9:33

Na dat dɛn rayt bɔt na Gɔd in Buk we dɛn se: “Una yɛri wetin a de tɛl una, a dɔn put ston na Zayɔn we go mek pipul bɔk dɛn fut, na di ston dat we go mek pipul fɔdɔm. Bɔt ɛnibɔdi we biliv pan am nɔ go disapɔynt.”

Di Sam Dɛm 2:6

I se in dɔn put udat i want as kiŋ na Zayɔn we nain oli ples.

Rɛvɛleshɔn 14:14

Wɛn dat dɔn, a luk bak, na de a si wan big wayt klawd. A si lɛkɛ wan mɔtalman sidɔm pan di klawd. I bin wɛr wan gold krawn nain ed ɛn i bin ol sɔntin nain an, dat na da nɛf we fɔ tek kɔt dɛn tin we dɛn plant wɛn dɛn dɔn rɛdi fɔ kɔt.

Rɛvɛleshɔn 15:5

Wɛn dat dɔn, a luk bak, na de a si di ples we Gɔd sidɔm nain bafa na ɛvin opin, dat na di ples we dɛn de kip di agrimɛnt we Gɔd mek wit mɔtalman.

Ayzaya 49:14

Bɔt Zayɔn se, “PAPA GƆD dɔn fɔsek mi, Mi Gɔd dɔn fɔgɛt mi.”

Rɛvɛleshɔn 6:8

A tɔn luk bak, na de a si wan ɔs we in kɔla mek i fiba lɛkɛ se i want day. Di pɔsin we bin de rayd am bin nem Day, ɛn wan pɔsin we nem Ɛl bin de fala am. Dɛn gi dɛn pawa oba wan pat na di wɔl if yu sheb di wɔl fo say, so dat dɛn kin kil pipul na wa, ɔ mek dɛn day wit aŋri, ɔ sik ɛn day, ɔ mek dɛn wayl bif na wɔl sɛf kil dɛn.

Rɛvɛleshɔn 4:1

Wɛn dat dɔn dɔn a si ɔda tin; a si do opin na ɛvin: a yɛri di vɔys bak we bin sawnd lɛkɛ trɔmpɛt de tɔk to mi. Di vɔys se, “Kam ɔp ya, so dat a kin sho yu dɛn tin we mɔs apin bambay.”

Zɛkaraya 4:2

Di enjɛl aks am wetin i si. Zɛkaraya tɛl am se i si wan lampstand we dɛn tek gold mek dɔn i gɛt wan bolpantap am ɛn ɔda sɛvin lamp we gɛt sɛvin ples fɔ put wik pantap dɛn.

Emɔs 8:2

PAPA GƆD aks mi wetin a si. A ansa am se na wan baskit frut. Dɔn i tɛl mi se na Izrɛl in dɔn wan dɔn kam so. I se in nɔ go chenj in maynd igen, in mɔs pɔnish dɛn.

Daniɛl 12:5

Nain mi Daniɛl wach ɛn si tu ɔda pipul dɛn tinap; wan na dis sho ɛn di ɔda wan na di ɔda sho obasay.

Izikɛl 44:4

Dɛn i pas mi insay di nɔt get briŋ mi kam frɔnt di tɛmpul; ɛn we a luk, biliv mi, PAPA GƆD in glori bin ful PAPA GƆD in tɛmpul; ɛn a fɔdɔm wit mi fes.

Izikɛl 10:1

Nain a luk ɛn a si sɔntin lɛk Dayamɔn apia na di skay we bin de oba di Chɛryubim in ed, ɛn i bin shep lɛk tron.

Izikɛl 8:7

Ɛn i bin briŋ mi kam to di domɔt fɔ go insay di yad; ɛn wɛn a luk, a si wan ol na di wɔl.

Izikɛl 2:9

Ɛn wɛn a luk, nain a si wan an tret to mi, ɛn i ol wan skrol we dɛn rayt pan;

Izikɛl 1:4

As a bin de luk, wantɛm, tinada blo kɔmɔt na di nɔt, ɛn wan bibig klawd we bin brayt rawnd. Faya bin jɛs de flash kɔmɔt pan am, ɛn i tan lɛk brayt shayn shayn bras de midul di faya.

Jɛrimaya 1:11

PAPA GƆD in wɔd bin kam to mi se, “Jɛrimaya, wetin yu de si?” Nain a se, “A si Almɔnd tik branch.”

Izikɛl 10:9

Ɛn a bin luk, ɛn si se di fo wil dɛm bin de bay di Chɛryubim dɛn sayd, wan wil de bay ich Chɛryubim in sayd, ɛn di wil dɛn bin luk lɛk dayamɔn we de glita.

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Rɛvɛleshɔn 14:3

Di wan ɔndrɛd ɛn fɔti-fo tawzin pipul dɛn tinap bifo di ay chia we Gɔd sidɔm pan, bifo di fo tin dɛn we gɛt layf, ɛn bifo di bigman dɛn. Dɛn bin de siŋ wan nyu siŋ we na dɛn wan nɔmɔ, we Krays bin dɔn pe fɔ na wɔl wit in blɔd, bin ebul lan ɛn siŋ am.

Rɛvɛleshɔn 22:4

Dɛn go si Gɔd in fes, ɛn in nem go de pan dɛn fɔrɛd.