Rɛvɛleshɔn 13:8 - Krio Fɔs Oli Baybul

⁸ Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

Rɛvɛleshɔn 13:8 Referans Kwoze

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Rɛvɛleshɔn 17:8

Di wayl bif we yu si bin gɛt layf fɔstɛm, bɔt i nɔ gɛt layf igen, i nɔ go te igen i go kɔmɔt na di ol we nɔ gɛt bɔtɔm, dɛn i go go na ples we dɛn go go kil am. Dɛn pipul we de na wɔl, we dɛn nem nɔ bin dɔn rayt bifo Gɔd mek di wɔl, na di buk we dɛn rayt dɛn pipul we gɛt layf sote go dɛn nem, dɛn ɔl go wɔnda wɛn dɛn de luk di wayl bif. I bin gɛt layf fɔstɛm, dɛn i day, bɔt i go kam bak.

Rɛvɛleshɔn 3:5

Dɛn pipul we go stil tinap traŋa afta Setan dɔn tray dɛn, dɛnsɛf go wɛr wayt klos. Ɛn a nɔ go pul dɛn nem kɔmɔt na di buk we dɛn pipul we gɛt layf, dɛn nem rayt. A go tɔk bifo mi Papa ɛn bifo in enjɛl dɛn se dɛn pipul de na mi yon.

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Rɛvɛleshɔn 21:27

Bɔt natin we bad nɔ go go insay de, ɛnibɔdi we de du dɛn dɔti dɔti tin nɔ go go insay de, semwe so, dɛn pipul we de lay, ɛn pipul dɛn lɛkɛ dat, nɔ go go insay de. Dɛn pipul we go go insay de, na di wan dɛn nɔmɔ we dɛn nem bin dɔn rayt na di Ship in buk we dɛn de rayt dɛn pipul we gɛt layf sote go dɛn nem.

Rɛvɛleshɔn 5:12

Dɛn bigin siŋ lawd wan se, “Di Ship we dɛn bin kil, fit fɔ mek wi sho se i gɛt pawa, i jɛntri, i gɛt sɛns, i gɛt trɛnk, i gɛt ɔna, i wɔndaful, ɛn wi fɔ prez am.”

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Daniɛl 12:1

Da tɛm de, Maykɛl, we na di pawaful akenjɛl we de kia fɔ una pipul, go grap. Tɛm go kam we trɔbul go de we nɔ bi wande frɔm we di wɔl bigin te tide; bɔt na da tɛm de dɛn go fri una pipul dɛn, ɔl dɛn wan dɛn we dɛn nem rayt insay di buk.

Lyuk 10:20

Una nɔ fɔ gladi bikɔs dɛn dɛbul du wetin una tɛl dɛn fɔ du, bɔt una fɔ gladi bikɔs una nem dɔn rayt na ɛvin.”

Lɛta Fɔ Filipay 4:3

Ɛn yu, we na mi tru wokmet, a want mek yu ɛp dɛn tu uman ya, bikɔs dɛn dɔn wok an to an wit mi traŋa wan fɔ prɛd di Gud Nyuz ɔlɔbɔt. Dɛn wok wit mi lɛkɛ aw Klɛmɛnt ɛn sɔm ɔda pipul dɛn ɛp mi pan di wok, ɛn Gɔd dɔn rayt dɛn ɔl nem na di buk we dɛn pipul we gɛt layf sote go dɛn nem de.

Ɛksodɔs 32:32

I beg am lɛ i fɔgiv dɛn sin, bɔt if i nɔ de du am, lɛ i pul in nem kɔmɔt nain buk,

Ayzaya 4:3

Dɛn go kɔl di wan dɛn we lɛf na Zayɔn ɛn di balans na Jerusɛlɛm oli pipul; dat na ɔlman insay Jerusɛlɛm we Gɔd dɔn rayt in nem se i go liv,

Rɛvɛleshɔn 3:20

Una lisin, a tinap nia di do, a de nak pan am; if ɛnibɔdi we yɛri mi vɔys opin di do, a go kam insay in os, mi ɛn in go sidɔm ɛn it togɛda.

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.

Rɛvɛleshɔn 12:15

So di dragɔn bigin pul plɛnti wata kɔmɔt nain mɔt we bigin rɔn biɛn di uman fɔ kɛr am go.

Jɛnɛsis 22:7

Ayzak se, “Papa,” Ebraam ansa am se, “Yɛs,” Ayzak se, “A si se yu gɛt wud ɛn tin fɔ mek faya fɔ di sakrifays, bɔt a nɔ si di ship.”

Di Sam Dɛm 69:28

Pul dɛn nem dɛn kɔmɔt na di buk usay yu rayt dɛn pipul we de du wetin yu want dɛn nem; nɔ miks dɛn nem de.

Rɛvɛleshɔn 5:13

Dɛn a yɛri ɔl dɛn tin we gɛt layf na ɛvin, na dis wɔl ɛn na di wɔl we de ɔnda dis wɔl, ɛn ɔltin we de na wata, dɛn ɔl de siŋ se, “Wi fɔ prez ɛn rɛspɛkt di wan we sidɔm pan di ay chia we kiŋ kin sidɔm pan ɛn di Ship, wi fɔ sho se dɛn wɔndaful ɛn dɛn gɛt pawa we go de sote go!”

Rɛvɛleshɔn 6:1

Dɛn a si di Ship opin di fɔs say pan di sɛvin say dɛn we bin fasin, dɛn a yɛri wan pan dɛn fo tin we gɛt layf ala tɔk wit vɔys we sawnd lɛkɛ tɛnda se, “Kam go!”

Rɛvɛleshɔn 13:12

Dis sɛkɛn wayl bif tek ɔl di fɔs wayl bif in pawa ɛn bigin yus di pawa bifo am. I fos ɔl di pipul dɛn na di wɔl fɔ pre to di fɔs wayl bif we in wund bin dɔn wɛl.