Rɛvɛleshɔn 13:6 - Krio Fɔs Oli Baybul

⁶ I bigin kɔs Gɔd, pwɛl in nem, tɔk bad bɔt di ples we i de ɛn tɔk bad bɔt ɔl dɛn wan we de na ɛvin.

Rɛvɛleshɔn 13:6 Referans Kwoze

Rɛvɛleshɔn 12:12

So mek gladi de na ɛvin, mek ɔl dɛn wan we lib de gladi! Bɔt bad bad tin dɔn fɔdɔm pan di grɔn ɛn di wata bikɔs di Dɛbul dɔn kam dɔŋ to una ɛn i vɛks bad bikɔs i no se na smɔl tɛm nɔmɔ lɛf fɔ am.”

Di Ibru Pipul Dɛn 9:24

Krays dɔn go insay di ples we Gɔd de na ɛvin. Na dat mek i tinap bifo Gɔd fɔ wi. I nɔ go insay di Bafa we mɔtalman bil, we jɛs de sho aw di ples we Gɔd de na ɛvin, tan.

Matyu 15:19

Nainsay di at pɔsin de mekɔp fɔ du bad tin, fɔ kil; fɔ kip ɔda uman wɛn i dɔn mared, ɔ, if na uman, fɔ kip ɔda man, wɛn i dɔn mared; fɔ slip wit uman wɛn i nɔ mared yet, ɔ if na uman, fɔ slip wit man wɛn i nɔ mared yet; ɔ fɔ tif; fɔ lay pan pipul wɛn in na witnɛs, ɛn fɔ tɔk bad bɔt ɔda pipul.

Matyu 12:34

Una dɛn snek ya! Aw una go tɔk gud we una na bad pipul? Wetin di at ful wit nain di mɔt de tɔk.

Rɛvɛleshɔn 21:3

A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Rɛvɛleshɔn 11:12

Dɛn di tu prɔfɛt dɛn yɛri lawd vɔys we kɔmɔt na ɛvin de tɔk to dɛn se, “Una kam ɔp ya!” Aw di pipul dɛn we nɔ lɛk dɛn tinap de luk dɛn, dɛn go ɔp na ɛvin insay wan klawd.

Rɛvɛleshɔn 7:9

Wɛn dat dɔn, a luk bak, na de a si bɔku bɔku pipul we pɔsin nɔ ebul kɔnt. Dɛn bin kɔmɔt na ɔl dɛn trayb ɛn ɔl dɛn neshɔn na wɔl, dɛn bin de tɔk ɔl dɛn difrɛn difrɛn laŋwej na wɔl, sɔm bin wayt, sɔm bin blak. Dɛn bin tinap bifo di ay chia we kiŋ kin sidɔm, na di say we di Ship insɛf bin de; dɛn bin wɛr wayt ɛn dɛn ɔl bin olpam.

Rɛvɛleshɔn 5:13

Dɛn a yɛri ɔl dɛn tin we gɛt layf na ɛvin, na dis wɔl ɛn na di wɔl we de ɔnda dis wɔl, ɛn ɔltin we de na wata, dɛn ɔl de siŋ se, “Wi fɔ prez ɛn rɛspɛkt di wan we sidɔm pan di ay chia we kiŋ kin sidɔm pan ɛn di Ship, wi fɔ sho se dɛn wɔndaful ɛn dɛn gɛt pawa we go de sote go!”

Rɛvɛleshɔn 4:4

Twɛnti-fo ɔda ay chia we kiŋ kin sidɔm pan bin de rawnd di fɔs ay chia; a si twɛnti-fo bigman dɛn sidɔm pan di chia dɛn; dɛn bin wɛr wayt klos; ɛn dɛn tin we kiŋ kin wɛr we dɛn kɔl krawn, bin de na dɛn ed, na gold dɛn bin tek mek di krawn dɛn.

Rɛvɛleshɔn 4:1

Wɛn dat dɔn dɔn a si ɔda tin; a si do opin na ɛvin: a yɛri di vɔys bak we bin sawnd lɛkɛ trɔmpɛt de tɔk to mi. Di vɔys se, “Kam ɔp ya, so dat a kin sho yu dɛn tin we mɔs apin bambay.”

Di Ibru Pipul Dɛn 9:2

Di ples na bin Bafa. Di Bafa na bin big ples we dɛn sheb tu, dɛn kɔl di fɔs pat “Di ples we Gɔd de”. Dɛn tin we dɛn bin de kip de, na lamp, tebul, ɛn bred we pipul kin kɛr go put bifo Gɔd.

Lɛta Fɔ Rom 3:13

Di wɔd dɛn we de kɔmɔt na dɛn mɔt de kil; na bad bad lay ful dɛn mɔt, di wɔd dɛn we dɛn de tɔk de kil lɛkɛ snek pɔyzin;

Lɛta Fɔ Kɔlɔse 2:9

Gɔd insɛf bin de insay Krays, pan ɔl we Krays na bin mɔtalman,

Lɛta Fɔ Kɔlɔse 1:19

Gɔd gladi fɔ mek in Pikin gɛt ɔl wetin insɛf gɛt.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Job 3:1

Afta Job in padi dɛn dɔn sidɔm wit am fɔ sɛvin de ɛn sɛvin nɛt ɛn nɔ se natin, Job disayd fɔ tɔk ɛn i kɔs di de we i bin bɔn.

Di Sam Dɛm 73:9

Dɛn de tɔk bad bɔt PAPA GƆD dɔn dɛn de wirɔn de tɔk soso aydul tɔk.

Daniɛl 7:8

A bin de wach di ɔn dɛn, nain a si wan ɔda wan bɔs midul dɛn, wan smɔl wan, ɛn dɛn jɔg tri pan di fɔs ɔn dɛn kɔmɔt na dɛn rut; ɛn a si se dis ɔn ya bin gɛt yay dɛn we tan lɛk mɔtalman yon, ɛn mɔt we de tɔk impɔtant tin dɛn.

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Daniɛl 11:36

Di kiŋ go de du wetin in want fɔ du. I go mek prawd ɛn mek insɛf big pas ɔl dɛn gɔd, ɛn i go de tɔk strenj tin dɛn agens PAPA GƆD we ay pas ɔl dɛn gɔd. Bɛtɛ go fala am te i satisfay se in dɔn trit di pipul dɛn bad dɔn; bikɔs wetin i plan fɔ du, i mɔs du am.

Rɛvɛleshɔn 7:15

Na dat mek, de ɛn nɛt, dɛn tinap bifo di ay chia we Gɔd sidɔm pan, ɛn dɛn de nain os de sav am. Di wan we sidɔm na di ay chia go kɔba dɛn mek natin bad nɔ mit dɛn.

Rɛvɛleshɔn 15:5

Wɛn dat dɔn, a luk bak, na de a si di ples we Gɔd sidɔm nain bafa na ɛvin opin, dat na di ples we dɛn de kip di agrimɛnt we Gɔd mek wit mɔtalman.