Rɛvɛleshɔn 13:2 - Krio Fɔs Oli Baybul2 Di wayl bif we a si bin fiba lɛpɛt, in fut bin fiba wan bif we dɛn kɔl bia, in fut, ɛn in mɔt bin fiba layɔn mɔt. Di dragɔn gi dis wayl bif ya ɔl di pawa we i bin gɛt oba ɔl dɛn tin we i bin de rul. Gade chapit la |
Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.
Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.
PAPA GƆD tɔk igen se: “Lɛkɛ aw man we de mɛn ship kin de fɛt fɔ pul di ship kɔmɔt na layɔn in mɔt we na tu fut ɔ waŋren yes nɔmɔ i kin jɔg kɔmɔt na di layɔn in mɔt, ɔ lɛkɛ aw pɔsin de pul bed ed ɔ fut kɔmɔt sɔnsay bɔt lɛf di ɔda pat pan di bed, na so na tu-tri nɔmɔ go lɛf pan di Izrɛlayt dɛn we de na Sameria.”
A no usay una de, una de na di say we Setan de rul. A no se wande una nɔ dinay se mi na una Masta. Di tɛm sɛf we dɛn kil Anti pas we bin biliv pan mi wit ɔl in at bikɔs i tɔk opin wan se in biliv pan mi, pan ɔl we dɛn kil am da say de we una de, ɛn we Setan insɛf de, dat nɔ mek una dinay se unasɛf biliv pan mi.